Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:12 - BAEBOLO ANZƐƐ BULUKU NWUANZANWUANZA

¹² debie biala mɔɔ kɛlumua kɛkpakye awodeɛ la bɛdu bɛzie ahane bɛmaa Ɛdɛnkɛma. Ɛnlankɛ biala ara nyinli mɔɔ lumua la le Ɛdɛnkɛma ɛdeɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:12 ပူးပေါင်းရင်းမြစ်များ

Nihɛmaya Buluku ne 10:36

Belamunli ralɛ nrenya biala mɔɔ yɛkɛwo ye la, yɛbava ye yɛahɔ Ɛzonlenlɛ Sua ne anu yɛahɔmaa sɛlɛvolɛma ne yɛamaa bɛadu ye bɛamaa Nyamenle, kɛmɔ Mɛla ne kile la. Eza yɛbadu yɛ ɛnlankɛ, boane, yɛɛ abɔnkye ralɛ biala mɔɔ bɛkɛlumua bɛkɛwo ye la yɛamaa Nyamenle.

Nihɛmaya Buluku ne 10:37

Ɛvolɛ biala yɛbava abɛlɛ mɔɔ bɛkɛlumua bɛkɛbu la ɛdɔkɛ nee nwolɛ ninyɛne mɔɔ le kɛ nwanye, ɔlivi nwole yɛɛ ma ngakyile yɛahɔmaa sɛlɛvolɛma mɔɔ wɔ Ɛzonlenlɛ Sua ne anu la yɛamaa bɛava bɛabɔ azu. Livaema mɔɔ dielie ninyɛne ngyɛnu bulu ɛkpɔ ngoko wɔ namunamu ɛya avule ne mɔ anu la, yɛbava yɛ bɛyɔba ngyɛnu bulu ɛkpɔ ngoko ne mɔ yɛahɔmaa bɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:1

Ɛdɛnkɛma zele Mosisi kɛ,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:2

“Tu belamunli mralɛ kɔsɔɔti maa me, sonla o, nane o, biala mɔɔ kɛlumua kɛkpakye awodeɛ wɔ Yizilayɛ maanle nu la le me ɛdeɛ.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 22:28

“Bɛmmatendɛ bɛtia Nyamenle anzɛɛ bɛmmawa sonla mɔɔ sie bɛ menli ne la amonle.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 22:29

“Bɛmmatwenlehwenle bɛ bo aze wɔ bɛ bɛyɔba azubɔlɛ ne mɔ anwo. “Bɛva bɛ mra mrenya mɔɔ lumua la bɛmaa me.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:19

“Belamunli ralɛ nrenya biala, yɛɛ ɛnlankɛ nee boane biala ara nyinli mɔɔ bɛkɛlumua bɛkɛwo ye la le me ɛdeɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:20

Noko akee ɛkola ɛfa boane ralɛ nyinli ɛsie asoaso ralɛ nyinli abo zo. Saa ɛnrɛzie ɔ bo zo a, ɛnee bu ɔ kɔme. Ɔwɔ kɛ bɛkpɔne bɛ belamunli mralɛ mrenya kɔsɔɔti. “Biala mmafa ɔ sa mgbane finde me nyunlu.

Yizikeɛle Buluku ne 16:20

“Akee bɛvale bɛ mra mrenya nee mraalɛ mɔɔ bɛwo bɛ bɛmaa me la bɛbɔle azu bɛmanle bɛ mmonle. Asoo bɛnnwu kɛ bɛ tuutuu ɛbɔlɛ ɛhye bo zolɛ?

Yizikeɛle Buluku ne 44:30

Ma ngakyile mɔɔ bɛkɛlumua bɛkɛde anzɛɛ bɛkɛbu, yɛɛ menli ne azubɔdeɛ ngakyile ne mɔ amuala le sɛlɛvolɛma ne ɛdeɛ. Eza ɔwɔ kɛ bɛfa bɛ mɛtɛkɛ mɔɔ lumua la bɛbɛlɛ sɛlɛvolɛma ne, amaa nyilalɛ aha bɛ awuke ne mɔ.

Sɛlɛ 27:26

“Noko akee, kɛmɔ ayɛmoa biala ara mɔɔ ɔkɛlumua ɔkɛwo ye la le Ɛdɛnkɛma ɛdeɛ la ati, awie biala ɛnlɛ adenle kɛ ɔkɛdu ɔkɛmaa; saa ɔle ɛnlankɛ o, anzɛɛ boane o, ɔle Ɛdɛnkɛma ɛdeɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:15

“Debie biala, sonla anzɛɛ nane mɔɔ kɛlumua kɛbɔ ɛkolɛ na bɛkɛdu bɛkɛmaa Ɛdɛnkɛma la le wɔ ɛdeɛ; noko akee sonla belamunli ralɛ ɛdeɛ, maa bɛkpɔne ye. Nane biala mɔɔ anwo ɛnde la ara mɔɔ lumua la, maa bɛkpɔne ye.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 3:12

“Nea, meye Livaema wɔ Yizilayɛma avinli meyɛ me ɛdeɛ. Mekɛ mɔɔ mengunle Yigyibitima belamunli mralɛ ne mɔ kɔsɔɔti la, mendule Yizilayɛma abusua ekpulike biala anu awolɛ nrenya kpanyinli ne nee ayɛmoa biala ara mɔɔ lumua la menziele ahane kɛ bɛle me ɛdeɛ. Kɛkala, meva Livaema ne mezie Yizilayɛ belamunli mralɛ agyakɛ anu. Bɛle me ɛdeɛ. Medame a mele Ɛdɛnkɛma a.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 8:17

Ɔluakɛ mɔɔ mengunle Yigyibitima belamunli mralɛ mrenya muala la, mendule Yizilayɛ mbusua ekpunli biala anu belamunli ralɛ nrenya biala nee ayɛmoa biala ara mɔɔ ɔlumuale ɔwole ye la menziele ɛkɛ memanle me nwo.

Edwɛkpa ne kɛmɔ Luku hɛlɛle la 2:23

kɛmɔ bɛhɛlɛ ye wɔ Awulae Mɛla ne anu la. Ɔse, “Bɛdu belamunli ralɛ nrenya biala bɛmaa Awulae.”

Mɛla 15:19

“Bɛ mboane nyinli anzɛɛ nlankɛ nyinli mɔɔ bɛkɛlumua bɛkɛwo bɛ la, bɛva bɛ bɛzie ahane bɛmaa Ɛdɛnkɛma bɛ Nyamenle ne. Bɛmmafa nlankɛ nyinli zɔhane mɔ bɛyɛ gyima biala yɛɛ bɛmmapepɛ mboane nyinli zɔhane mɔ anwo enrinli.