Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:2 - BAEBOLO ANZƐƐ BULUKU NWUANZANWUANZA

² “Siane ɛhye bayɛ bɛ siane mɔɔ lumua a; ɔbayɛ bɛ ɛvolɛ ne anu siane mɔɔ lumua la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:2 ပူးပေါင်းရင်းမြစ်များ

Ɛseta Buluku ne 3:7

Belemgbunli Zɛzɛse lile ebia ne la, ye ɛvolɛ bulu nee nwiɔ ne azo, ye siane ne mɔɔ lumua mɔɔ bɛfɛlɛ ye “Naesan” la anu, Heeman manle bɛhwenle adunyi. Adunyi ɛhwenlɛ ne, Hibulu nu bɛfɛlɛ ye “Pulu.” Saa bɛbahwe adunyi ne anzɛɛ “Pulu” ne a, Heeman batɛnla ye ebia nu. Siane ko biala anu, kenle ko biala bɛtwe ɔ ti adunyi; na bɛhwenle dedee la ɔkpulale siane bulu nee nwiɔ ne mɔɔ bɛfɛlɛ ye “Eda” la anu kenle bulu nee nsa ne. Na kenle ɛhye yɛɛ ɔwɔ kɛ bɛfa bɛdi Dwuuma anwo gyima mɔɔ le zɛhae la a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:1

Ɛdɛnkɛma zele Mosisi nee Aalɔn wɔ Yigyibiti azɛlɛ zo kɛ,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:18

Siane ne mɔɔ lumua la anu kenle ne mɔɔ tɔ zolɛ bulu nee nna ne la nɔsolɛ nu toonwo mɔɔ kɔdwu kenle abulanwiɔ nee ko ne azo nɔsolɛ nu la, bɛbali kpanwo mɔɔ mgbɔvonle ɛnle nu la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:3

Ka kile Yizilayɛma ɛlɔne ne amuala kɛ siane ɛhye, ye kenle mɔɔ tɔ zolɛ bulu la, nrenya biala nee ye awuke nu amra ɛva boane anzɛɛ abɔnkye ralɛ ko.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:3

Na Mosisi hanle hilele menli ne kɛ, “Bɛhakye ɛnɛ kenle ko ye, ɔle kenle mɔɔ bɛvile Yigyibiti, na bɛvile akɛlɛzonlenlɛ nu la, ɔluakɛ Ɛdɛnkɛma luale tumi kpole zo a ɔyele bɛ ɔvile ɛkɛ a. Bɛmmadi kpanwo mɔɔ mgbɔvonle wɔ nu la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:4

Ɛnɛ kenle ye, siane Ebebe ye anu yɛɛ bɛlɛkɔ a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:15

“Bɛli Angye Ɛvoyia ne wɔ siane Ebebe ne anu, kɛmɔ menzele bɛ la. Bɛbali kpanwo mɔɔ mgbɔvonle ɛnle nu la kenle nsuu, ɔluakɛ siane ɛhye anu a bɛvile Yigyibiti a. Biala mmafa ɔ sa mgbane ba me nyunlu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:18

“Bɛzie Angye Ɛvoyia ne na bɛli, kɛmɔ meha mehile bɛ la. Bɛli Ɛvoyia ne kenle nsuu wɔ siane Ebebe ne anu, ɔboalekɛ siane zɔhane anu a bɛvile Yigyibiti a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 40:17

Yemɔti bɛvile Yigyibiti la, ye ɛvolɛ nwiɔ ne anu, ye siane ne mɔɔ lumua la, kenle ne mɔɔ lumua la azo, bɛhyehyɛle Ɛdɛnkɛma Ndanlɛ Sua ne.

Yizikeɛle Buluku ne 45:18

Awulae Nyamenle ne se, “Siane ne mɔɔ lumua la, kenle ne mɔɔ lumua la azo, ɔwɔ kɛ bɛfa ɛnlankɛ nyinli ko mɔɔ anwo ɛnlɛ dɛne la bɛnua Ɛzonlenlɛ Sua ne.

Yizikeɛle Buluku ne 45:21

“Siane ne mɔɔ lumua la, ye kenle bulu nee nna ne azo yɛɛ bɛbali Akpabɛnwo Ɛvoyia ne a. Bɛnrɛli kpanwo mɔɔ mgbɔvonle wɔ nu la toonwo kenle nsuu.

Sɛlɛ 23:5

“Siane ne mɔɔ lumua ɛvolɛ ne anu la, ye kenle ne mɔɔ tɔ zolɛ bulu nee nna la nɔsolɛ nu, le Ɛdɛnkɛma Akpabɛnwo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 28:16

“Siane ne mɔɔ lumua la, ye kenle bulu nee nna ne le Ɛdɛnkɛma Akpabɛnwo Ɛvoyia.

Mɛla 16:1

“Bɛzie siane ne mɔɔ bɛfɛlɛ ye Ebebe la na bɛli Akpabɛnwo Ɛvoyia ne wɔ nuhua bɛwula Ɛdɛnkɛma bɛ Nyamenle ne anyunlunyia. Ɔluakɛ siane Ebebe ne anu kenle ko nɔɔzo yɛɛ Ɛdɛnkɛma bɛ Nyamenle ne rayele bɛ vile Yigyibiti a.