Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 11:8 - BAEBOLO ANZƐƐ BULUKU NWUANZANWUANZA

⁸ Wɔ mgbanyima ɛhye mɔ kɔsɔɔti bara arabɔ bɛ ti aze amaa me na bɛaze kɛ, ‘Ɛ nee ɛ sa zo ne mɔ kɔsɔɔti bɛvi ɛke bɛhɔ.’ Na ɛhye anzi mebavi maanle ye anu meahɔ.” Na Mosisi vale ɛya kpole, na ɔvile belemgbunli ne anyunlu ɛkɛ ne ɔhɔle.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 11:8 ပူးပေါင်းရင်းမြစ်များ

1 Arl 20:10

“Bɛneheedade se, ‘Saa me nee wɔ anli, meanva menli meammaa bɛambanzɛkye Samɛlea a, awozonle mɔɔ wɔ me maanle ye anu la ɛdua me kakɛ ɛgua me bie zo.’ ”

2 Arl 3:9

Yemɔti Belemgbunli Dwɔlam nee Dwuda nee Yidɔm arelemgbunli zile nu hɔle. Bɛdiale bɛbɔle mgbɔlɔka dedee kenle nsuu la ɛnee akee bɛnnyia nzule. Nzule mɔɔ wɔ bɛ bɔlɛ nu la ɛwie bɔkɔɔ, menli bɔbɔ ɛnnyia bie ɛnno na yeayɛ bɛ nyɛmoa mɔɔ zo bɛ ninyɛne la.

Nihɛmaya Buluku ne 5:6

Mɔɔ mendele bɛ edwɛkɛ ne la menvale ɛya kpole.

Edwɛndolɛ Buluku ne 6:1

O Ɛdɛnkɛma, mmafa ɛya ɛtea me, anzɛɛ ɛtwe me nzo wɔ wɔ ɛya nu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:29

Mosisi hanle kɛ, “Kɛmɔ wɔha la, ɛnrɛnwu me nyunlu bieko.”

Ayezaya Buluku ne 49:23

Arelemgbunli bayɛ bɛ dɔmagyama, na arelemgbunli mraalɛ ayɛ bɛ baviavolɛma. Bɛbazi bɛ ti aze, bɛabu ndwɛlɛ wɔ bɛ nyunlu, na bɛatafe bɛ gyakɛ anwo munlutu. Na akee bɛbanwu kɛ medame a mele Ɛdɛnkɛma a; bɛdabɛ mɔɔ bɛkendɛ me moalɛ la anyunlu ɛnrɛgua aze.”

Ayezaya Buluku ne 49:26

Mebamaa menli mɔɔ ɛlɛsisi bɛ la ali bɛdabɛ bɛ ngome bɛ nwonane, na bɛanlo bɛdabɛ bɛ ngome bɛ mogya bɛabo kɛ bɛnlo nwanye. Akee menli kɔsɔɔti banwu kɛ medame a mele Ɛdɛnkɛma, bɛ Dievolɛ ne, bɛ Kpɔnevolɛ ne, Yizilayɛ Katakyie Ko ne a.”

Yizikeɛle Buluku ne 3:14

Nyamenle Sunsum ne wolole me na ɔmanle me zo ɔhɔle. Ɛnee ɛya ɛhu me kpole. Na ɛnee Ɛdɛnkɛma Sunsum ne tumi ne wɔ me nwo zo kpole.

Daneɛle Buluku ne 3:19

Nɛbukadenɛza vale ɛya kpole, ɔmunlanle kpole kpalɛ wɔ Hyeedelake, Mihyake, yɛɛ Abɛdenɛgo edwɛkɛ ne ati. Ɔmanle bɛhuanle sendɔlɔra kpole kpalɛ mɔɔ ye ɛzɔlɛ ne kpole tɛla dɛba ɛdeɛ ne mɔ fane nsuu la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 12:3

(Nɔhalɛ nu, Mosisi le bɛlɛvolɛ. Ɔle bɛlɛvolɛ ɔtɛla dasanli biala mɔɔ wɔ aleɛabo la.)

Edwɛkpa ne kɛmɔ Maake hɛlɛle la 3:5

Gyisɛse vale ɛya na ɔnleanle bɛ nyunlu ɔyiale, noko eza ɔlile bɛ nwo nyane, ɔluakɛ bɛle menli mɔɔ ɛzua anyetele na bɛ ti yɛ se a. Yemɔti ɔzele nrenya ne kɛ, “Tenrɛ ɛ sa ne anu.” Nrenya ne denrɛle ɔ sa ne mɔɔ ɛdwe la anu, na ɔyɛle kpalɛ bieko.

Mɛla 29:24

Akee maanle maanle kɔsɔɔti babiza kɛ, ‘Duzu ati a Ɛdɛnkɛma ɛyɛ azɛlɛ ye zɛhae ɛ? Ɛya kpole ɛhye abo a le duzu?’

Mɛla 32:24

Ɛhɔne bazɛkye bɛ muala, ewia samɛnlakɛ nee ewulenzane bayela bɛ wee. Mebamaa nanemgbole ahye bɛ ali, na nwɔlɛ akeka bɛ ahu bɛ.

Kɛlata mɔɔ bɛhɛlɛle bɛhɔmanle Hibuluma la 11:27

Diedi zo yɛɛ ɔlua mɔɔ Mosisi anzulo belemgbunli ne ɛya mɔɔ ɔkɛva la na ɔdule ɔvile Yigyibiti a. Yeanzia ɔ nzi, ɔgyinlanle kpundii kɛ sonla mɔɔ ɛnwu Nyamenle ne mɔɔ bɛnnwu ye la.

Yekile 3:9

Tie, menli ekpunli ekyi ne mɔɔ le Seetan ɛdeɛ, alanema ne mɔɔ kile kɛ bɛle Dwuuma noko bɛnle Dwuuma la, mebamaa bɛarabu ndwɛlɛ wɔ ɛ nyunlu, na bɛ muala bɛanwu kɛ mekulo wɔ.

Maanlebuvolɛma Buluku ne 4:10

Balake vɛlɛle Zɛbulɛn nee Nafetalae mbusua ekpunli ne mɔ anu amra menli apenle bulu na ɔvale bɛ ɔlile ɔ nzi ɔrale Kidɛhye. Dɛbola nee ye a hɔle a.

Maanlebuvolɛma Buluku ne 8:5

Yemɔti ɔzele menli mɔɔ wɔ Sɛko la kɛ, “Mesɛlɛ bɛ, bɛmaa ɛlɔnema mɔɔ me nee bɛ lua la kpanwo bɛmaa bɛli, ɔluakɛ asɛɛ bɛwie wu. Melua Medean arelemgbunli nwiɔ ne, mɔɔ le Ziba nee Zɛlemɛna ɛhyelɛ.”