Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:4 - BAEBOLO ANZƐƐ BULUKU NWUANZANWUANZA

⁴ Saa ɛkpo na wɔammaa me menli ne angɔ a, ɛnee nea kɛ, ɛhyema mebamaa abɛbɛ arava wɔ maanle ne,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:4 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:3

Yemɔti Mosisi nee Aalɔn hɔle belemgbunli ne ɛkɛ hɔzele ye kɛ, “Kɛ Ɛdɛnkɛma, Hibuluma Nyamenle ne se la ɛne, ‘Kenlenzu yɛɛ ɛkɛkpo kɛ ɛnrɛmemaa ɛ nwo zo ɛnrɛhile me a? Maa me menli ne ɛhɔ, amaa bɛazonle me.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:5

na bɛaheda azɛlɛ ne azo bɔkɔɔ mɔɔ awie biala ɛnnwu azɛlɛ ne a. Bɛbali debie biala mɔɔ ezuawolɛ ne dɔle wiele na ɔhale la amuala; bɛbali aleɛ biala mɔɔ wɔ ɛbɔ nu la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:23

maa me ra nrenya ne ɛhɔ amaa yeazonle me. Saa ɛkpo kɛ ɛnrɛmaa ɔnrɛhɔ a, mebahu wɔ belamunli ralɛ nrenya ne.’ ”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 5:1

Nzinlii Mosisi nee Aalɔn hɔle Yigyibiti belemgbunli ne ɛkɛ hɔzele ye kɛ, “Kɛ Ɛdɛnkɛma, Yizilayɛ Nyamenle ne se la ɛne, ‘Maa me menli ne ɛhɔ, amaa bɛali ɛvoyia wɔ fienemgbole ne anu bɛawula me anyunlunyia.’ ”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 8:10

Na belemgbunli ne hanle kɛ, “Ɛhyema.” Mosisi hanle kɛ, “Ɔyɛ zɔhane, kɛmɔ ɛdawɔ ɛse la, amaa wɔanwu kɛ nyamenle biala ɛnle ɛkɛ ne kɛ Ɛdɛnkɛma, yɛ Nyamenle ne ala.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 8:23

Mebava ɛweɛne meado me menli ne nee wɔ menli ne avinli. Ɛhyema yɛɛ sɛkɛlɛneɛ ɛhye bazi a!’ ”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:18

Nea, ɛhyema bekezɛ mebamaa ezuawolɛ mɔɔ sumunli kɛ bɛkyekyele Yigyibiti maanle ne toonwo mɔɔ yeradwu ɛnɛ la bie ɛtɛtɔle ɛlɛ la adɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:5

Na Ɛdɛnkɛma hilele mekɛ, ɔse, “Ɛhyema Ɛdɛnkɛma bayɛ ɛhye wɔ azɛlɛ ne azo.”

Mrɛlɛbulɛ Buluku ne 30:27

Abɛbɛ: Bɛnlɛ belemgbunli, noko bɛse kɛ bɛkɔ a, bɛkɔ ye ɛhonlone ɛhonlone.

Dwowɛle Buluku ne 2:25

Ɛvolɛ dodo ma mɔɔ abɛbɛ ne mɔ lile la mebava ɔ muala meamaa bɛ. Abɛbɛ bɛnyebɛnye, sɛkyera nee mɔɔ pɛ ma ne mɔ la, ɛlɔne kpole ne, medame a menzoanle ɛlɔne ɛhye bɛ nwo zo a.

Mɛla 28:38

“Bɛbalua ma dɔɔnwo wɔ bɛ ɛya nu, noko bɛ bɛyɔba bayɛ ekyi bie, ɔluakɛ mbɛbɛ bali bɛ muala.

Yekile 9:3

Abɛbɛ dɔɔnwo vi esike ne anu dwule aze na bɛmanle bɛ bɔlɔ mɔɔ le kɛ nyamenleakɛlɛ ɛdeɛ ne la.