Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:22 - BAEBOLO ANZƐƐ BULUKU NWUANZANWUANZA

²² Yemɔti Mosisi dendenle ɔ sa anwomanyunlu na awozinli kabikabi vale Yigyibiti maanle ne kenle kɔkɔlɛ nsa.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:22 ပူးပေါင်းရင်းမြစ်များ

Dwobu Buluku ne 5:14

Awozinli fa bɛ alehyenlɛ nu, na bɛdi nvuovua ewiazo ketekete kɛ nɔɔzo.

Edwɛndolɛ Buluku ne 105:28

Ɔmanle awozinli rale, na maanle ne anu yɛle kabii, noko Yigyibitima ne dele ye edwɛkɛ ne anwo atua.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:21

Menli ne gyinlanle moa moa na Mosisi bikyele awozinli kabikabi ne, ɛleka mɔɔ Nyamenle wɔ la.

Ayezaya Buluku ne 8:22

bɛanlea aze, na mɔɔ bɛbanwu ye la a le arɛlebɔlɛ, awozinli, yɛɛ abodelɛ; na bɛbavuandi bɛ bɛagua awozinli kabii nu.

Yizikeɛle Buluku ne 32:7

Saa meminli ɛ bo zo a, mebaheda anwomanyunlu, na meamaa nwɔlɔra anlu. Mebava amungu meaheda sɛnzɛne ne anyunlu, yɛɛ siane ɛnrɛda.

Yizikeɛle Buluku ne 32:8

Mebamaa anwomanyunlu ngɛnlaneɛ ne mɔ kɔsɔɔti anlu, na meava awozinli meaheda azɛlɛ ne mɔɔ ɛwɔ zolɛ la azo. Medame Awulae Nyamenle a mese a.

Dwowɛle Buluku ne 2:2

Ɔbayɛ awozinli nee alɔbɔlɛ kenle, amungu nee awozinli kabii kenle. Abɛbɛ ɛlɔne ɛyɛ kɛ menli anwo ɛzulolɛ, ɛheda awoka ne mɔ azo kɛ awozinli. Ɛhye, ɔvi tete, bie ɛtɛsile ɛlɛ, yɛɛ bieko ɛnrɛzi ɛlɛ wɔ awolɛndoazo kɔsɔɔti mɔɔ bara la anu.

Dwowɛle Buluku ne 2:31

Sɛnzɛne ne balu kisii, na siane ne ayɛ kɔkɔlɛ kɛ mogya kolaa na Ɛdɛnkɛma kenle kpole anu ɛzulolɛ ne ara.

Emɔzo Buluku ne 4:13

Ɔluakɛ bɛnlea, Nyamenle ne mɔɔ bɔle awoka ne mɔ, na ɔbɔle anwoma, ɔda ye adwenle ali ɔkile sonla; ɔkakyi alehyenlɛ ɔmaa ɔyɛ aledwolɛ, na ɔtietia azɛlɛ ye azo awoka zo la, ye duma ɛne, bɛfɛlɛ ye “Ɛdɛnkɛma, Tumivolɛ Nyamenle!”

Emɔzo Buluku ne 4:7

Eza memanle ezule gyakyile ɛdɔlɛ wɔ mekɛ mɔɔ yeha siane nsa na ɛbuhenle ne adwu la. Memaa suakpole ko nyia ezule, na suakpole ko ɛnnyia bie. Memaa ɛya avule ko nyia ezule a, avule ko ɛnnyia bie, yɛɛ ɛya mɔɔ ezule andɔ nu la anu ninyɛne sɛkye.

Mɛla 4:11

“Bɛrale na bɛradwule boka ne abo la, bɛnwunle kɛ boka ne ɛlɛsɔ kɛ senle na yedwazo bolonwonwo yehɔ Nyamenle ne ako abo lɔ, na awozinli, amungu, nee esike ɛva ɛleka ne amuala.

Mɛla 5:22

“Mɛla mɔɔ Ɛdɛnkɛma vale manle bɛ muala wɔ mekɛ mɔɔ bɛyiale boka ne azo, wɔ senle, amungu, nee awozinli kabii ne anu la ɛne. Ɔvale ɛnelɛ kpole a ɔdendɛle a; yeanva debie biala yeamboka nwolɛ. Ɔhɛlɛle bɛ muala wɔ awolɛ ndɛbandɛba nwiɔ azo na ɔvale ɔmanle me.

Yekile 16:10

Nyamenle soanvolɛ ne mɔɔ tɔ zolɛ nnu la wolale ye dwora ne anu ɛya ne guale nane ne belemgbunli ebia ne azo. Awozinli rahedale nane ne belemgbunlililɛ zo, na menli vale abodelɛ kposale bɛ tafinlima.