Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:14 - BAEBOLO ANZƐƐ BULUKU NWUANZANWUANZA

¹⁴ Abɛbɛ ne mɔ rale Yigyibiti azɛlɛ ne azo, bɛvale maanle ne ɛleka biala na bɛbɔle bɛ nwo atɛnlase. Bɛ pinopino ɛdeɛ, bieko ɛtɛbale, yɛɛ bieko ɛnrɛra ɛlɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:14 ပူးပေါင်းရင်းမြစ်များ

1 Arl 8:37

“Saa ɛhɔne anzɛɛ ewule nzane ba azɛlɛ ye azo, anzɛɛ ahumu nee abɛbɛ sɛkye bɛ aleɛ, saa bɛ kpɔvolɛma bɔbɔ fa konle batoa bɛ, anzɛɛ anwonyane bɔ bie mɔ na bɛbasɛlɛ wɔ wɔ ɛke a,

Edwɛndolɛ Buluku ne 78:46

Ɔmanle nyangomango lile bɛ ɛbɔ nu aleɛ, ɔmanle abɛbɛ lile bɛ egyinli nu aleɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 11:6

Na ɛzunlɛ nee awolɛyelɛ bazi Yigyibiti maanle ne anu kɔsɔɔti; ɛhye le debie mɔɔ bie ɛtɛsile ɛlɛ yɛɛ bie ɛnrɛzi ɛlɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:18

Nea, ɛhyema bekezɛ mebamaa ezuawolɛ mɔɔ sumunli kɛ bɛkyekyele Yigyibiti maanle ne toonwo mɔɔ yeradwu ɛnɛ la bie ɛtɛtɔle ɛlɛ la adɔ.

Mrɛlɛbulɛ Buluku ne 30:27

Abɛbɛ: Bɛnlɛ belemgbunli, noko bɛse kɛ bɛkɔ a, bɛkɔ ye ɛhonlone ɛhonlone.

Dwowɛle Buluku ne 1:7

Bɛzɛkye yɛ vanye mbaka ne mɔ, na bɛli yɛ feege mbaka ne mɔ. Bɛli, bɛkeka mbaka ne anwo abonle ne mɔ bɛgua; bɛmaa ngane ne mɔ anwo ɛyɛ nwohyee.

Mɛla 28:38

“Bɛbalua ma dɔɔnwo wɔ bɛ ɛya nu, noko bɛ bɛyɔba bayɛ ekyi bie, ɔluakɛ mbɛbɛ bali bɛ muala.

Mɛla 28:42

Mbɛbɛ bali bɛ mbaka nee bɛ egyinli nu aleɛ muala.