Ɛseta Buluku ne 9:4 - BAEBOLO ANZƐƐ BULUKU NWUANZANWUANZA

⁴ Ɔboalekɛ ɛnee Mɔdekae ɛyɛ sonlakpole kpalɛ wɔ belemgbunli sua nu ɛkɛ ne na ye tumi ne nganeɛ ɛdende ɛhɔ maanle maanle ne mɔ amuala anu mɔɔ awie biala ze a, yɛɛ eza anwuma ala a ye tumi ne kɔ a.

Ɛseta Buluku ne 9:4 ပူးပေါင်းရင်းမြစ်များ

2 Sam 3:1

Sɔɔlo abusua ne ɛlɔnema nee Devidi ɛlɔnema ne honle hyɛle kpalɛ. Na Devidi tumi ne yɛle kpole na Sɔɔlo abusua ne ɛlɔnema anwo hanle aze.

1 Edk 11:9

Na Devidi nyianle ɔ nyunlu na ɔyɛle sonlakpole, ɔluakɛ Tumivolɛ Ɛdɛnkɛma nee ye lua.

1 Edk 14:17

Devidi duma hɔle ɛleka biala na Ɛdɛnkɛma manle maanle kɔsɔɔti zulole ye.

Ɛseta Buluku ne 10:2

Belemgbunli ne tumi nee ye ninyɛne mgbole mɔɔ ɔyɛle, nee eni mɔɔ ɔlile Mɔdekae ɔmanle ye zo wɔ ye gyima nu la, bɛhɛlɛ bɛ muala wɔ Midea nee Pɛhyea arelemgbunli edwɛkɛ mɔɔ sisile bɛ mekɛ zo la buluku ne anu.

Edwɛndolɛ Buluku ne 1:3

Ɔle kɛ azule nloa baka, mɔɔ so ma wɔ ye ɛlobɔ nloa, ye nya ɛmkpolo ɛlɛ, yɛɛ ɔkpazi debie biala anu.

Edwɛndolɛ Buluku ne 18:43

Ɛliele me ɛvile menli mɔɔ dele atua la asa anu; ɛyɛle me maanle maanle belemgbunli; na menli mɔɔ menze bɛ la zonlenle me.

Edwɛndolɛ Buluku ne 92:13

Bɛlua bɛ wɔ Ɛdɛnkɛma awuke nu, bɛnyi buzubuzu wɔ Nyamenle alienwo ɛkɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 11:3

Ɛdɛnkɛma manle Yigyibitima lile Yizilayɛma ne eni. Ɛnee Mosisi mumua ne ɛyɛ sonlakpole wɔ Yigyibiti maanle ne anu, wɔ belemgbunli mgbanyima ne nee menli ne mɔ anye zo.

Mrɛlɛbulɛ Buluku ne 4:18

Tenlenema adenle nu le wienyi kɛ nwonlomɔ sɛnzɛne mɔɔ kɛkpuke la, ɔfi, ɔta toonwo ɔyɛ kɛ sɛnzɛngyinla ewia.

Ayezaya Buluku ne 9:7

Ye maanlebulɛ ne bahɔ zo melɛ mɔɔ ɛnlɛ awieleɛ; ye maanlema anzo nu badwo bɛ dahuu. Ɔbali ye ebia ne kɛ yeli Belemgbunli Devidi agya, yeava nɔhalɛlilɛ nee pɛlepɛlelilɛ yeabu ye maanle ne, ɔvi ɛnɛ mɔɔ kɔ nee mekɛ mɔɔ ɛnlɛ awieleɛ. Tumivolɛ Ɛdɛnkɛma ɛbɔ kpɔkɛ kɛ ɔbayɛ ɛhye.

Zɛfanaya Buluku ne 3:19

Mekɛ ne anu me nee menli mɔɔ sisile bɛ la bali. Mebalie abuburama, na meaboɔboa menli mɔɔ bɛmbu bɛ bie la anloa; mebahakyi bɛ anyiemgba ne ayɛlɛyelɛ, nee enililɛ wɔ ewiade ye amuala anu.

Edwɛkpa ne kɛmɔ Mateyu hɛlɛle la 4:24

Ye nganeɛ dendenle hɔle Selea maanle ne anu amuala, na bɛvale bɛdabɛ mɔɔ ewule ngakyile ɛha bɛ na bɛlɛnwu amaneɛ: mɔɔ ɛbubu, mɔɔ awozonle ɛva bɛ, yɛɛ mɔɔ tɔ mgbutike la amuala bɛrɛlɛle ye, na ɔyɛle bɛ muala ayile.

Dwɔhyua Buluku ne 6:27

Na Ɛdɛnkɛma nee Dwɔhyua luale, na ye nganeɛ hɔle maanle ne anu ɛleka biala.

1 Sam 2:30

Zɔhane ati, medame, Yizilayɛ Ɛdɛnkɛma Nyamenle, mese: membɔle ɛwɔkɛ kɛ wɔ abusua ne nee ɛ bo zo amra bayɛ me sɛlɛvolɛma dahuu ɛdeɛ na kɛkala, mese wɔ kɛ ɔnrɛyɛ zɔhane bieko. Mebali menli mɔɔ di me eni la eni; na menrɛbu bɛdabɛ mɔɔ bɛkpo me la ɛhwee.