Ɛseta Buluku ne 9:3 - BAEBOLO ANZƐƐ BULUKU NWUANZANWUANZA

³ Arane mbɔlɔba mgbanyinli, amɛnladoma, maanzinli zo neavolɛma, yɛɛ arane mbɔlɔba kɔsɔɔti lile boale Dwuuma, ɔluakɛ ɛnee bɛsulo Mɔdekae kpole kpalɛ.

Ɛseta Buluku ne 9:3 ပူးပေါင်းရင်းမြစ်များ

Ɛzela Buluku ne 2:2

Menli mɔɔ lile bɛ ti nee bɛ rale la a le Zɛlɛbabɛle, Dwɔhyua, Nihɛmaya, Sɛlaya, Rililaya, Mɔdekae, Belehyan, Mezepa, Begeveeyae, Rilihɛm, yɛɛ Beeyana. Yizilayɛ mbusua nee abusua ko biala anu menli mɔɔ ziale rale la dodo ɛne:

Ɛzela Buluku ne 8:36

Eza bɛvale belemgbunli kɛlata ne mɔɔ ɔvale ɔmanle bɛ la bɛmanle mbɔlɔba mgbanyinli nee amɛnladoma mɔɔ nea maanzinli ne mɔ azo wɔ Azule Yufileti Adɔleɛ la. Bɛdabɛ noko bɛboale Yizilayɛma ne mɔ wɔ Nyamenle Sua ne ɛzilɛ nu.

Ɛseta Buluku ne 3:12

Wɔ siane ne mɔɔ lumua la anu, ye kenle bulu nee nsa ne azo, Heeman manle bɛyiale belemgbunli ne kɛlɛhɛlɛvolɛma ne mɔ na ɔmanle bɛhɛlɛle mɛla mɔɔ yeli la anwo ngɛlata kɛ bɛva bɛhɔmaa mgbanyima mɔɔ le kɛ safohyenlema, amɛnladoma, yɛɛ arane mbɔlɔba mgbanyima ne mɔ amuala. Maanle ko biala anu amra kɛlata ɛdeɛ ne bɛhɛlɛle ye wɔ bɛdabɛ bɛ aneɛ nee bɛ ɛhɛlɛndenle nu. Bɛhɛlɛle ngɛlata ne mɔ wɔ Belemgbunli Zɛzɛse duma nu.

Ɛseta Buluku ne 8:17

Wɔ maanzinli biala anu anzɛɛ suakpole biala azo mɔɔ belemgbunli ne kɛlata ne nee ye mɛla ne kɛdwu la, Dwuuma anye die, bɛdi fɛlɛko, bɛsie kenle bɛdie bɛ ɛnwomenle na bɛto ɛkponle. Menli dɔɔnwo noko mɔɔ wɔ maanle ne anu la zulole Dwuuma, na ɔlua zolɛ bɛhakyile bɛyɛle Dwuuma.

Ɛseta Buluku ne 8:5

na Ɛseta dwazole gyinlanle. Na ɔzele kɛ, “Awulae, mesɛlɛ wɔ, mmafa ɛya. Saa ɔyɛ wɔ ɛhulolɛ na mesɔ ɛ nye, na eza saa Nana ɔdaye ɔnea na ɔle kpalɛ ɛdeɛ a, ɛnee maa bɛhɛlɛ ɛ nloa edwɛkɛ bɛhɔpɛ Agage anlɔnra Heeman, mɔɔ le Hamɛdeeta ara ne ngɛlata ne mɔ mɔɔ ɔhɛlɛle kɛ ɔfa yeazɛkye Dwuuma amuala mɔɔ wɔ ɛke nee maanzinli ne mɔ amuala anu la anu.

Ɛseta Buluku ne 8:9

Siane nsa ne mɔɔ bɛfɛlɛ ye “Sivan” la ye kenle abulanwiɔ nee nsa ne azo, Mɔdekae vɛlɛle belemgbunli ne kɛlɛhɛlɛvolɛma ne mɔ na ɔhanle mɔɔ ɔkpondɛ kɛ bɛkɛlɛ wɔ Dwuuma anwo la ɔhilele bɛ. Bɛhɛlɛle edwɛkɛ ne bɛhɔmanle amɛnladoma, maanzinli zo neavolɛma, yɛɛ maanle maanle ɛya ko abulanwiɔ nee nsuu ne mɔɔ vi Yendea kɔkpula Yiteyopea la anu arelemgbunli. Bɛhɛlɛle kɛlata ne wɔ maanle ko biala ɔdaye ye aneɛ nee ye ɛhɛlɛndenle nu, yɛɛ akee bɛhɛlɛle Dwuuma mɔɔ wɔ maanle maanle ne mɔ anu la wɔ bɛdabɛ bɛ aneɛ nee bɛ ɛhɛlɛndenle nu.

Daneɛle Buluku ne 3:2

Akee ɔmanle bɛhɔvale maanle ne anu mgbanyima: arelemgbunli, amɛnladoma, mgbanyima mɔɔ tu arane folɛ, gyazoneavolɛma, ndɛnebuavolɛma, edwɛkɛdivolɛma, yɛɛ maanle maanle ne mɔ anu mbɔlɔba mgbanyinli kɛ bɛrɛla bɛmaa bɛvinde ananze ne mɔɔ ɔdaye Nɛbukadenɛza yemaa bɛzie la.