Ɛseta Buluku ne 9:27 - BAEBOLO ANZƐƐ BULUKU NWUANZANWUANZA

²⁷ Dwuuma ziele kenle ɛhye mɔ na bɛzɔle nu kɛ bɛdabɛ, bɛ nlɔnra, yɛɛ awie biala mɔɔ bokale bɛ la, kɛli ɛvoyia ɛhye ɛvolɛ biala mɔɔ ɔmkpa nwolɛ fee a, kɛmɔ bɛhɛlɛ bɛdo ɛkɛ ne la.

Ɛseta Buluku ne 9:27 ပူးပေါင်းရင်းမြစ်များ

Ɛseta Buluku ne 8:17

Wɔ maanzinli biala anu anzɛɛ suakpole biala azo mɔɔ belemgbunli ne kɛlata ne nee ye mɛla ne kɛdwu la, Dwuuma anye die, bɛdi fɛlɛko, bɛsie kenle bɛdie bɛ ɛnwomenle na bɛto ɛkponle. Menli dɔɔnwo noko mɔɔ wɔ maanle ne anu la zulole Dwuuma, na ɔlua zolɛ bɛhakyile bɛyɛle Dwuuma.

Ɛseta Buluku ne 9:20

Mɔdekae hɛlɛle ninyɛne ɛhye mɔ mɔɔ sisile la amuala wɔ ngɛlata zo na ɔvale ɔhɔmanle Dwuuma mɔɔ wɔ Belemgbunli Zɛzɛse maanle maanle ne mɔ anu la amuala.

Ɛseta Buluku ne 9:21

Wɔ ye ngɛlata ne mɔ anu, ɔzele Dwuuma kɛ bɛzie ɛvolɛ biala siane “Eda” ne ye kenle bulu nee nna nee ye kenle bulu nee nnu ne

Ɛseta Buluku ne 9:28

Bɛbali ɛvoyia ɛhye ɛvolɛ biala wɔ awuke awuke nu, maanle biala anu, yɛɛ suakpole biala azo awolɛndoazo muala anu. Ɔnle kɛ Dwuunli biala sɛkye ɛvoyia ne mɔɔ bɛfɛlɛ ye “Pulem” la, yɛɛ ɔnle kɛ bɛgyakyi ɛvoyia zɛhae ɛlilɛ wɔ bɛ abusuandoazo biala mekɛ zo ɛlɛ.

Edwɛndolɛ Buluku ne 78:7

amaa bɛanyia Nyamenle nu anyelazo, amaa bɛ rɛle anvi Nyamenle gyima ne mɔ, na bɛali ye mɛla ne mɔ azo;

Ayezaya Buluku ne 2:3

Menli dɔɔnwo bara ɛkɛ na bɛaha kɛ, “Bɛrɛla, bɛmaa yɛhɔ Ɛdɛnkɛma Boka ne azo, yɛhɔ Gyekɔbo Nyamenle ne Sua nu, amaa yeahilehile yɛ ye ndenle ne mɔ, na yɛalua ye ndenle ne mɔ anu. Ɔluakɛ mɛla ne vi Zayɔn a bara a, yɛɛ Nyamenle edwɛkɛ ne vi Gyɛlusalɛm a bara a.”

Ayezaya Buluku ne 56:3

Ɛyɛvolɛ biala mɔɔ ɛradɛnla Ɛdɛnkɛma menli ne avinli la mmaka kɛ, “Ɛdɛnkɛma baye me avi ye menli ne avinli.” Nrenya mɔɔ bɛza ye noko la mmaka kɛ, “Bɛnlea, meyɛ baka wulera.”

Ayezaya Buluku ne 56:6

“Nyɛvolɛ mɔɔ kɛva bɛ nwo kɛbeta Ɛdɛnkɛma kɛ bɛsonle ye, bɛkulo Ɛdɛnkɛma duma na bɛayɛ ye sonvolɛma, awie biala mɔɔ sie Ɛnwomenlelielɛ Kenle ne, na ɔngua nwolɛ evinli, na ɔsɔ me ngyekyeleɛ ne anu ɛsesebɛ la,

Yizikeɛle Buluku ne 16:61

Ɛbahakye wɔ ndenle mɔɔ ɛluale nuhua la, na saa mefa ɛ mediema mraalɛ, ngakula nee mgbanyinli memaa wɔ kɛ bɛle ɛ mediema mraalɛ a anyiemgba aha wɔ. Mebamaa bɛayɛ ɛ mra mraalɛ, noko tɛ ngyekyeleɛ ne mɔɔ me nee wɔ kyekyele la ati ɔ.

Zɛkalaya Buluku ne 2:11

Mekɛ ne anu maanle maanle dɔɔnwo bava bɛ nwo amaa Ɛdɛnkɛma, na bɛayɛ ye menli. Ɛdɛnkɛma badɛnla bɛ avinli na bɛanwu kɛ Tumivolɛ Ɛdɛnkɛma a ɛzoa me a.

Zɛkalaya Buluku ne 8:23

Mekɛ ne anu mrenya bulu vi maanle maanle ne mɔ nee aneɛ ngakyile ne mɔ anu barazɔ Dwuunli tɛladeɛ nu na bɛaha kɛ, ‘Maa yɛ nee wɔ ɛhɔ, ɔluakɛ yɛde kɛ Nyamenle nee bɛ lua.’ ”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:15

Ngyehyɛlɛ ko ye ala wɔ ɛkɛ maa awolɛndoazo mɔɔ bara la amuala, bɛdabɛ nee nyɛvolɛ mɔɔ de bɛ avinli la, ɔluakɛ wɔ Ɛdɛnkɛma anyunlu, bɛ muala bɛle menli ko.

Mɛla 5:3

Ngyekyeleɛ ɛhye, tɛ yɛ ze mɔ yɛɛ Ɛdɛnkɛma nee bɛ kyekyele a. Yɛdayɛ mɔɔ kɛkala yɛtɛte aze la, yɛmɛ yɛɛ ɔ nee yɛ kyekyele a.

Dwɔhyua Buluku ne 9:15

Dwɔhyua nee Gebɛyɔnoma ne yɛle anzonudwolɛ ngyehyɛlɛ mɔɔ bamaa bɛadɛnla ngoane nu a. Yizilayɛma mgbanyinli ne mɔ hanle ndane kɛ bɛkɛli ngyehyɛlɛ ne azo.

Maanlebuvolɛma Buluku ne 11:40

kɛ ɛvolɛ biala dwu a Yizilayɛ mraalɛ kɔsu Geleadenli Gyɛfeta ara raalɛ ne kenle nna.

1 Sam 30:25

Devidi lile ɛhye anwo mɛla na ɔvi mekɛ ne anu mɔɔ ɛradwu ɛnɛ la kɛ ɔde ala la ɛne wɔ Yizilayɛ maanle ne anu.