Ɛseta Buluku ne 9:22 - BAEBOLO ANZƐƐ BULUKU NWUANZANWUANZA

²² kɛ bɛle kenle mɔɔ bɛvale bɛnyianle bɛ ti bɛvile bɛ kpɔvolɛma asa anu a. Siane zɔhane anu yɛɛ bɛ nyane nee bɛ arɛlebɔlɛ hakyile fɛlɛkolilɛ nee anyelielɛ a. Bɛ nwo dɔle bɛ na bɛliele bɛ ɛnwomenle. Ɔwɔ kɛ bɛdie bɛ nye na bɛto ɛkponle wɔ mekɛ ɛhye anu, na bɛfa ninyɛne bɛkyɛ bɛ nwo ngoko ngoko, na bɛfa ahyɛlɛdeɛ bɛmaa ehyianvolɛma.

Ɛseta Buluku ne 9:22 ပူးပေါင်းရင်းမြစ်များ

Ɛseta Buluku ne 9:19

Ɛhye ati yɛɛ Dwuuma mɔɔ wɔ namunamu ne mɔ nee azua ngyikyi zo la die bɛ ɛnwomenle wɔ siane “Eda” ne ye kenle bulu nee nna ne azo la. Ɔdwu zolɛ a, bɛ nye die, bɛdi fɛlɛko na bɛto ɛkponle, bɛfa aleɛ ahyɛlɛdeɛ bɛmemaa bɛ nwo ngoko ngoko.

Ɛseta Buluku ne 9:21

Wɔ ye ngɛlata ne mɔ anu, ɔzele Dwuuma kɛ bɛzie ɛvolɛ biala siane “Eda” ne ye kenle bulu nee nna nee ye kenle bulu nee nnu ne

Ɛseta Buluku ne 9:23

Zɔhane ati Dwuuma lile Mɔdekae ngyehyɛlɛ ne azo, na bɛhɔle zolɛ bɛyɛle kenle ne ɛvoyia mɔɔ ɛvolɛ biala bɛdi a.

Edwɛndolɛ Buluku ne 103:2

O me ɛkɛla, ye Ɛdɛnkɛma ayɛlɛ, na mmamaa ɛ rɛle fi ye ahunlunyele ne mɔ.

Edwɛndolɛ Buluku ne 149:7

kɛ bɛdi maanle maanle ne mɔ nzenralɛ, na bɛadea menli ngakyile ne mɔ la.

Edwɛndolɛ Buluku ne 30:11

Wɔmaa me nyane ɛhakyi ɛzelekɛ, wɔkpa me ɛrele wɔgua na wɔmaa me nye ɛlie,

Edwɛndolɛ Buluku ne 30:12

amaa me ɛkɛla anyɛ koonwu na yeaye wɔ ayɛlɛ. O Ɛdɛnkɛma me Nyamenle, mebayɛ wɔ mo dahuu.

Edwɛndolɛ Buluku ne 37:15

bɛ dadeɛ bawɔ bɛ ngome bɛ ahonle nu, yɛɛ bɛ ɛda ne mɔ babubu.

Ayezaya Buluku ne 14:3

Saa Ɛdɛnkɛma maa bɛ nyane nee abodelɛ nee gyima ɛsesebɛ mɔɔ bɛmanle bɛyɛle la ka aze a,

Zɛkalaya Buluku ne 8:19

“Medame Tumivolɛ Ɛdɛnkɛma mese: Ɛhɔne ne mɔɔ bɛkye ye siane nna ne, siane nnu ne, siane nsuu ne yɛɛ siane bulu ne mɔ anu la bayɛ anyelielɛ nee fɛlɛkolilɛ mekɛ amaa Dwudama na bɛado ɛkponle anyelielɛ nu. Yemɔti bɛhulo nɔhalɛ nee anzonudwolɛ.”

Edwɛkpa ne kɛmɔ Mateyu hɛlɛle la 5:4

“Nyilalɛ ɛha bɛdabɛ mɔɔ nyane ɛha bɛ la; Nyamenle bakyekye bɛ rɛle!

Edwɛkpa ne kɛmɔ Luku hɛlɛle la 11:41

Bɛva mɔɔ ɛyi bɛ kanrɛlɛ ne mɔ nee bɛ ɛyɛba ne mɔ la bɛmaa ehyianvolɛma na debie biala anwo kɛde kɛmaa bɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:10

Mɔɔ bɛzele yɛ la a le kɛ anrɛɛ yɛhakye na yɛboa mediema mɔɔ le ehyianvolɛma la, na ɛhye a le debie titile mɔɔ me nye bolole nwolɛ kɛ meyɛ a.

Mɛla 15:7

“Saa bɛ diema bie yɛ ehyianli wɔ sua bie azo, wɔ azɛlɛ ne mɔɔ Ɛdɛnkɛma bɛ Nyamenle ne ɛlɛfa amaa bɛ la azo a, anrɛɛ bɛmmayɛ ye atisesebɛ anzɛɛ bɛmmafoa adiema ne bɛ nwo.

Mɛla 16:14

Bɛ nee bɛ mra mrenya nee mraalɛ, bɛ sonvolɛ mrenya nee mraalɛ, nyɛvolɛ, Livaema, nrisa nee ahunlanvolɛ mɔɔ wɔ bɛ azua ne mɔ azo la ɛbɔ nu ɛli ɛvoyia ne anyelielɛ nu.

Mɛla 16:15

Bɛli ɛvoyia ne kenle nsuu wɔ ɛleka ne mɔɔ Ɛdɛnkɛma bɛ Nyamenle ne kɛhile la bɛva bɛwula Ɛdɛnkɛma bɛ Nyamenle ne anyunlunyia, ɔboalekɛ Ɛdɛnkɛma bɛ Nyamenle ne bayila bɛ, amaa bɛanyia aleɛ dɔɔnwo na bɛakpazi wɔ gyima biala mɔɔ bɛkɛva bɛ sa bɛkɛha ye la anu, amaa bɛ muala bɛ nye alie.

Yekile 11:10

Menli mɔɔ wɔ azɛlɛ ye azo la bali fɛlɛko kɛ menli nwiɔ zɔhane ɛwu a. Bɛbali fɛlɛko, bɛ nye balie, na bɛava ahyɛlɛ ninyɛne bɛamaa bɛ nwo ngoko, ɔboalekɛ Nyamenle kpɔmanvolɛma nwiɔ zɔhane yɛle ngyegyelɛ kpalɛ manle aleɛabo amra amuala.

1 Sam 25:8

Ɛdawɔ mumua ne biza bɛ na bɛbaha nɔhalɛ ne bɛahile wɔ. Yɛwɔ ɛvolɛ nu, yemɔti Devidi se ɛlie yɛ gyɛlɛɛnye. Yɛsɛlɛ wɔ, debie biala mɔɔ ɛfa ɛmaa wɔ sonvolɛma nee ɛ gɔnwo kpalɛ Devidi a ɔyɛ anyenzɔlɛ la, fa maa yɛhɔ.’ ”