Ɛseta Buluku ne 9:2 - BAEBOLO ANZƐƐ BULUKU NWUANZANWUANZA

² Dwuuma mɔɔ wɔ azuamgbole mɔɔ wɔ maanle mɔɔ Belemgbunli Zɛzɛse sie bɛ la azo la boɔboale bɛ nloa na bɛhonle bɛliele bɛ nwo bɛvile awie biala mɔɔ rale bɛ nwo zo kɛ ɔbahu bɛ la asa anu. Na awie biala angola bɛ nyunlu gyinla, ɔluakɛ ɛnee bɛ nwo ɛzulolɛ ɛyɛ debie ɛdɔ menli ne kɔsɔɔti anwo zo.

Ɛseta Buluku ne 9:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 35:5

Bɛzile nu mɔɔ bɛkɔ la, ɛzulolɛ kpole dɔle azuamgbole mɔɔ zuozua Hyikɛm la amra anwo zo, yemɔti bɛ biala anga ɛlalɛ kɛ ɔkɛkpo Gyekɔbo amra ne mɔ.

Ɛseta Buluku ne 8:11

Ngɛlata ne mɔ manle Dwuuma mɔɔ wɔ suakpole biala azo la adenle kɛ bɛboɔboa bɛ nloa na bɛho bɛlie bɛ nwo. Ɛlɔne biala mɔɔ kɛra bɛ nwo zo wɔ menli anzɛɛ maanle biala anu la, bɛhu bɛ, bɛhu bɛ mra nee bɛ mraalɛ, bɛbɔ bɛ bo zo na bɛve bɛ ninyɛne.

Ɛseta Buluku ne 8:17

Wɔ maanzinli biala anu anzɛɛ suakpole biala azo mɔɔ belemgbunli ne kɛlata ne nee ye mɛla ne kɛdwu la, Dwuuma anye die, bɛdi fɛlɛko, bɛsie kenle bɛdie bɛ ɛnwomenle na bɛto ɛkponle. Menli dɔɔnwo noko mɔɔ wɔ maanle ne anu la zulole Dwuuma, na ɔlua zolɛ bɛhakyile bɛyɛle Dwuuma.

Edwɛndolɛ Buluku ne 71:13

Maa menli mɔɔ keha me nwo edwɛkɛ ɛtane ɛtane la anyunlu ɛgua aze na bɛhu bɛ; maa nyiane nee anyiemgba ɛbia menli mɔɔ kpondɛ kɛ bɛkile me nyane la.

Edwɛndolɛ Buluku ne 71:24

Mebaha wɔ tenlene moalɛ ne anwo edwɛkɛ dahuu, ɔluakɛ bɛdabɛ mɔɔ bɛkpondɛ me bɛahu me la anyunlu ɛgua aze, bɛbɔ anyiemgba.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:27

“Mebaha menli mɔɔ ko tia bɛ la ɛzulolɛ meamaa bɛ nye zo ada bɛ, na meamaa bɛ kpɔvolɛma agua ɛbɔ nu.

Ayezaya Buluku ne 8:9

Bɛmɛ maanle maanle kɔsɔɔti, munzule ɛha bɛ, bɛli nyane; bɛmɛ maanle maanle mɔɔ bɛwɔ moa moa la, bɛdie! Bɛva sulosulo bɛbɛza! Ɛhɛe, bɛva sulosulo bɛbɛza.

Mɛla 2:30

“Na Hɛhyebɔn Belemgbunli Saehɔn amkponle kɛ ɔkɛmaa yɛkɛze ye azɛlɛ ne azo. Ɔluakɛ ɛnee Ɛdɛnkɛma bɛ Nyamenle ne ɛmaa yɛsolo na yeyɛ dapele, amaa yeaye ye yeamaa bɛ, kɛmɔ ɔde kɛkala la.

Dwɔhyua Buluku ne 11:20

Ɛdɛnkɛma a yɛle bɛ zɔhane manle bɛ nee Yizilayɛma honle, amaa ɔlua zo bɛabua bɛ fɔlɛ, bɛahu bɛ, bɛabɔ bɛ bo zo bɔkɔɔ mɔɔ anwunvɔnezelɛ biala ɛnle nu a. Kɛ Ɛdɛnkɛma zele Mosisi kɛ ɔyɛ la ɛne.

Dwɔhyua Buluku ne 2:9

na ɔzele bɛ kɛ, “Meze kɛ Ɛdɛnkɛma ɛva azɛlɛ ye ɛmaa bɛ. Awie biala mɔɔ wɔ yɛ maanle ye anu la sulo bɛ, yɛɛ menli te bɛ nganeɛ a ɛnee ɛzulolɛ ɛha bɛ.