Ɛseta Buluku ne 9:15 - BAEBOLO ANZƐƐ BULUKU NWUANZANWUANZA

¹⁵ Dwuuma mɔɔ wɔ Susa la boale bɛ nloa bieko wɔ siane “Eda” ne ye kenle bulu nee nna ne azo na bɛhunle menli ɛya nsa bieko, noko bɛanva bɛ sa bɛanga awie biala debie.

Ɛseta Buluku ne 9:15 ပူးပေါင်းရင်းမြစ်များ

Ɛseta Buluku ne 8:11

Ngɛlata ne mɔ manle Dwuuma mɔɔ wɔ suakpole biala azo la adenle kɛ bɛboɔboa bɛ nloa na bɛho bɛlie bɛ nwo. Ɛlɔne biala mɔɔ kɛra bɛ nwo zo wɔ menli anzɛɛ maanle biala anu la, bɛhu bɛ, bɛhu bɛ mra nee bɛ mraalɛ, bɛbɔ bɛ bo zo na bɛve bɛ ninyɛne.

Ɛseta Buluku ne 9:12

Na belemgbunli ne zele Belemgbunli Raalɛ Ɛseta kɛ, “Wɔ Susa sua bɔdenle ye azo angome, Dwuuma ɛhu menli ɛya nnu. Heeman amra mrenya bulu ne boka nwolɛ. Na menea a maanzinli ne mɔ anu ɛdeɛ ne kɛyɛ ɛzulolɛ. Kɛkala duzu yɛɛ akee ɛkpondɛ a? Mɔɔ ɛkpondɛ la, ɛ sa baha ye. Duzu bieko a ɛkpondɛ a? Ka, na mebayɛ meamaa wɔ.”

Ɛseta Buluku ne 9:13

Na Ɛseta buale kɛ, “Nana, mesɛlɛ wɔ, anrɛɛ mese ɛmaa Dwuuma mɔɔ wɔ Susa ɛke la adenle ɛmaa ɛhyema bɛyɛ mɔɔ ɛnɛ kenle ye bɛyɛ la bieko, na maa bɛva nyɛma bɛsosɔ Heeman amra bulu ne akɔme bɛhendɛhenda bɛ.”

Ɛseta Buluku ne 9:14

Zɔhane ati belemgbunli ne manle adenle manle bɛyɛle ɛhye, na bɛlile mɛla wɔ Susa, bɛmanle bɛhendɛhendanle Heeman amra bulu ne.

Ɛseta Buluku ne 9:16

Dwuuma mɔɔ wɔ belemgbunli ne maanzinli ne mɔ anu la bɛdabɛ bɛlile ahua na bɛhonle bɛliele bɛ nwo bɛvile bɛ kpɔvolɛma asa anu. Bɛhunle menli mɔɔ kpɔ bɛ la anu apenle ngoko abulasuu nee nnu, noko bɛanva bɛ sa bɛanga awie biala debie.

Ɛseta Buluku ne 9:2

Dwuuma mɔɔ wɔ azuamgbole mɔɔ wɔ maanle mɔɔ Belemgbunli Zɛzɛse sie bɛ la azo la boɔboale bɛ nloa na bɛhonle bɛliele bɛ nwo bɛvile awie biala mɔɔ rale bɛ nwo zo kɛ ɔbahu bɛ la asa anu. Na awie biala angola bɛ nyunlu gyinla, ɔluakɛ ɛnee bɛ nwo ɛzulolɛ ɛyɛ debie ɛdɔ menli ne kɔsɔɔti anwo zo.

1 Tɛs 5:22

na bɛhyi ɛtane ngakyile biala.

Kɛlata mɔɔ bɛhɛlɛle bɛhɔmanle Hibuluma la 13:5

Bɛye ezukoa nwo anyebolo bɛvi bɛ ɛbɛla nu, na bɛmaa bɛ kunlu ɛdwo mɔɔ bɛlɛ ye la anwo. Ɔluakɛ Nyamenle ɛha ye kɛ, “Menrɛgyakyi bɛ ɛlɛ, yɛɛ me rɛle ɛnrɛvi bɛ fee.”