Ɛseta Buluku ne 9:1 - BAEBOLO ANZƐƐ BULUKU NWUANZANWUANZA

¹ Siane bulu nee nwiɔ ne mɔɔ bɛfɛlɛ ye “Eda” la, ye kenle bulu nee nsa ne azo yɛɛ belemgbunli ne mɛla ne nee ye ngɛlata ne mɔ anu edwɛkɛ ne mekɛ dwule a, na mɔɔ ɔwɔ kɛ si la si. Kenle ko ne yɛɛ bɛhyehyɛ kɛ ɔwɔ kɛ bɛdabɛ mɔɔ bɛngulo Dwuuma edwɛkɛ la dwazo bɛ nwo zo na bɛku bɛ a. Noko ɛhye anyɛ zɔhane. Ɔyɛle kenle mɔɔ Dwuuma lile bɛ kpɔvolɛma anwo zo konim a.

Ɛseta Buluku ne 9:1 ပူးပေါင်းရင်းမြစ်များ

2 Sam 22:41

Ɛmanle me kpɔvolɛma nriandile vile me nyunlu, menzɛkyele bɛdabɛ mɔɔ bɛkyi me la.

Ɛseta Buluku ne 3:13

Bɛvale ngɛlata ne mɔ bɛzoanle menli mɔɔ kola nriandi kpalɛ la a hɔle a. Ngɛlata ne mɔ kile kɛ bɛhu Dwuuma, ngakula nee mgbanyinli, yɛɛ mraalɛ kɔsɔɔti na bɛbɔ bɛ bo zo, na bɛve bɛ ninyɛne. Ngɛlata ne kile kɛ bɛva kenle ko ala a bɛyɛ ɛhye mɔ a, na bɛyɛ ye wɔ siane bulu nee nwiɔ ne mɔɔ bɛfɛlɛ ye “Eda” la ye kenle ne mɔɔ tɔ zolɛ bulu nee nsa ne la azo.

Ɛseta Buluku ne 3:7

Belemgbunli Zɛzɛse lile ebia ne la, ye ɛvolɛ bulu nee nwiɔ ne azo, ye siane ne mɔɔ lumua mɔɔ bɛfɛlɛ ye “Naesan” la anu, Heeman manle bɛhwenle adunyi. Adunyi ɛhwenlɛ ne, Hibulu nu bɛfɛlɛ ye “Pulu.” Saa bɛbahwe adunyi ne anzɛɛ “Pulu” ne a, Heeman batɛnla ye ebia nu. Siane ko biala anu, kenle ko biala bɛtwe ɔ ti adunyi; na bɛhwenle dedee la ɔkpulale siane bulu nee nwiɔ ne mɔɔ bɛfɛlɛ ye “Eda” la anu kenle bulu nee nsa ne. Na kenle ɛhye yɛɛ ɔwɔ kɛ bɛfa bɛdi Dwuuma anwo gyima mɔɔ le zɛhae la a.

Ɛseta Buluku ne 8:12

Ngɛlata ne mɔ kile kɛ, siane bulu nee nwiɔ ne mɔɔ bɛfɛlɛ ye “Eda” la, ye kenle bulu nee nsa ne azo, yɛɛ ɔwɔ kɛ ɛhye si wɔ Belemgbunli Zɛzɛse maanle maanle ne kɔsɔɔti anu a.

Ɛseta Buluku ne 8:6

Ɔluakɛ menrɛhola munzule kpole ɛhye mɔɔ bazi me menli ne mɔ anwo zo la anloa gyinla, yɛɛ menrɛhola me nwo sɔ kɛ megyinla meanlea, wɔ mekɛ mɔɔ bɛlɛku me menli ne amuala bɛabɔ bɛ bo zo la.”

Ɛseta Buluku ne 9:17

Bɛyɛle ɛhye mɔ wɔ siane “Eda” ne ye kenle bulu nee nsa ne azo. Bɛliele bɛ ɛnwomenle wɔ kenle bulu nee nna ne azo, bɛliele bɛ nye na bɛlile fɛlɛko, bɛdole nwolɛ ɛkponle.

Edwɛndolɛ Buluku ne 18:40

Ɛmanle me kpɔvolɛma nriandile vile me nyunlu, menzɛkyele bɛdabɛ mɔɔ bɛkyi me la.

Edwɛndolɛ Buluku ne 30:11

Wɔmaa me nyane ɛhakyi ɛzelekɛ, wɔkpa me ɛrele wɔgua na wɔmaa me nye ɛlie,

Ɛzoanvolɛma Gyima ne 12:11

Pita anye zo tetele ye la ɔzele kɛ, “Akee bɔ zo mɔɔ menwu kɛ debie biala mɔɔ ɛlɛkɔ zolɛ la le nɔhalɛ a. Awulae ɛzoa ɛmaa bɛraye me bɛvi Hɛlɔdo asa anu, nee ninyɛne mɔɔ Dwuuma anye la kɛ bɛkɛyɛ me la amuala anu.”

Mɛla 32:36

Ɔluakɛ Ɛdɛnkɛma balie ye menli ne ati, na yeanwu ye ngɛkɛlɛ anwunvɔne, saa ɔnwu kɛ bɛ anwosesebɛ ɛwie, na alehelɛ nee ahanra muala ɛlɛminli a.

Yekile 11:18

Ɛya ɛwolo bɛdabɛ mɔɔ bɛnzonle Nyamenle la, noko wɔ ɛya kenle ne ɛdwu. Mekɛ ɛdwu mɔɔ ɛbua mɔwuamra ndɛne na ɛmaa wɔ sonvolɛma, kpɔmanvolɛma, nee wɔ menli kɔsɔɔti, ngakula nee mgbanyinli, mɔɔ sonle wɔ la ahatualɛ mɔɔ fɛta la a. Mekɛ ɛdwu mɔɔ akee ɔwɔ kɛ ɛsɛkye bɛdabɛ mɔɔ bɛsɛkye azɛlɛ ye la a.”