Ɛseta Buluku ne 8:9 - BAEBOLO ANZƐƐ BULUKU NWUANZANWUANZA

⁹ Siane nsa ne mɔɔ bɛfɛlɛ ye “Sivan” la ye kenle abulanwiɔ nee nsa ne azo, Mɔdekae vɛlɛle belemgbunli ne kɛlɛhɛlɛvolɛma ne mɔ na ɔhanle mɔɔ ɔkpondɛ kɛ bɛkɛlɛ wɔ Dwuuma anwo la ɔhilele bɛ. Bɛhɛlɛle edwɛkɛ ne bɛhɔmanle amɛnladoma, maanzinli zo neavolɛma, yɛɛ maanle maanle ɛya ko abulanwiɔ nee nsuu ne mɔɔ vi Yendea kɔkpula Yiteyopea la anu arelemgbunli. Bɛhɛlɛle kɛlata ne wɔ maanle ko biala ɔdaye ye aneɛ nee ye ɛhɛlɛndenle nu, yɛɛ akee bɛhɛlɛle Dwuuma mɔɔ wɔ maanle maanle ne mɔ anu la wɔ bɛdabɛ bɛ aneɛ nee bɛ ɛhɛlɛndenle nu.

Ɛseta Buluku ne 8:9 ပူးပေါင်းရင်းမြစ်များ

2 Arl 18:26

Na Yilayakem, Hyɛbena, yɛɛ Dwowaa hanle hilele safohyenle ne kɛ, “Yɛmenle, yɛsɛlɛ wɔ ka Arelameeyeke kile yɛ na yɛte. Mmaka Hibulu ɛmaa menli mɔɔ gua bane ye ati zo ɛke la te mɔɔ ɛlɛka la.”

2 Edk 15:10

Ɔmanle bɛyiale nu wɔ Gyɛlusalɛm wɔ mekɛ mɔɔ ɛnee yeli ɛvolɛ bulu nee nnu wɔ ebia ne azo la, ye siane nsa ne azo.

Ɛseta Buluku ne 1:1

Mekɛ mɔɔ Zɛzɛse a di Maanle Maanle belemgbunli wɔ Pɛhyea la ɛnee ye suakpole a le Susa. Ɔziele maanle maanle mɔɔ bo ɛya ko abulanwiɔ nee nsuu, ɔvi Yendea toonwo kɔkpula Yiteyopea.

Ɛseta Buluku ne 1:22

Ɔhɛlɛle ngɛlata ɔhɔle ye maanle maanle ne mɔ amuala anu, maanle ko biala ɔdaye ye aneɛ nu kɛ, “Wɔ awuke biala anu, nrenya ne a le kpanyinli a, yɛɛ ɔ nloa edwɛkɛ, bɛndu bɛndo.”

Ɛseta Buluku ne 10:1

Akee Belemgbunli Zɛzɛse dele adwule manle bɛdabɛ mɔɔ bɛwɔ maanle ne anu ɛnweazo nee ɛbɔ nu la amuala.

Daneɛle Buluku ne 4:1

Belemgbunli Nɛbukadenɛza vale nrɛlaleɛ hɔmanle maanle maanle ne mɔ anu amra mɔɔ ka aneɛ ngakyile la kɛ, “Anzonudwolɛ kpole ɛha bɛ!

Daneɛle Buluku ne 6:1

Dalayɛse vale adwenle kɛ ɔye amɛnladoma ɛya ko abulanwiɔ yeamaa bɛanlea maanzinli ne mɔ azo.

Daneɛle Buluku ne 6:25

Belemgbunli Dalayɛse hɛlɛle hɔmanle maanle maanle nee menli ngakyile mɔɔ bɛ aneɛ le ngakyile la kɛ, “Anzonudwolɛ dɔɔnwo ɛha bɛ!