Ɛseta Buluku ne 8:2 - BAEBOLO ANZƐƐ BULUKU NWUANZANWUANZA

² Belemgbunli ne vale ye kpɔdelera ne mɔɔ ɔfa ɔsi kɛlata zo, mɔɔ ɔliele ɔvile Heeman ɛkɛ ne la manle Mɔdekae. Na Ɛseta yɛle Mɔdekae kpanyinli mɔɔ nea debie biala mɔɔ Heeman lɛ la azo.

Ɛseta Buluku ne 8:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 41:42

Akee ɔyele ɔ sa kpɔdelera ne mɔɔ ɔfa ɔsisi ngɛlata zo la ɔwulale Dwosefi asa, na bɛvale adɛladeɛ ngɛnlɛma bɛwulale ye, bɛvale ndweabane bɛdole ɔ kɔme;

Ɛseta Buluku ne 10:2

Belemgbunli ne tumi nee ye ninyɛne mgbole mɔɔ ɔyɛle, nee eni mɔɔ ɔlile Mɔdekae ɔmanle ye zo wɔ ye gyima nu la, bɛhɛlɛ bɛ muala wɔ Midea nee Pɛhyea arelemgbunli edwɛkɛ mɔɔ sisile bɛ mekɛ zo la buluku ne anu.

Ɛseta Buluku ne 3:10

Yemɔti belemgbunli ne yele ɔ sa kpɔdelera ne mɔɔ ɔfa ɔsi kɛlata zo ɔyɛ mɛla la ɔmanle Agagenli Heeman, mɔɔ le Hamɛdeeta ara nrenya ne mɔɔ kpɔ Dwuuma la,

Ɛseta Buluku ne 8:3

Akee Ɛseta dule dɔle belemgbunli ne agyakɛ anu, na ɔvale ɛzunlɛ ɔbodole ye kɛ ɔbɔ mɔdenle ɔye munzule kpole ne mɔɔ Agage anlɔnra Heeman ɛhyehyɛ ɛva Dwuuma amuala akɔme ɛwula nu la wɔ bɛ ti.

Edwɛndolɛ Buluku ne 37:34

Fa ɛ rɛle wula Ɛdɛnkɛma anu na dua ye adenle ne anu, na ɔbakpogya wɔ zo yeamaa wɔanyia azɛlɛ ne; ɛbanwu amumuyɛma ɛzɛkyelɛ.

Daneɛle Buluku ne 2:48

Akee Belemgbunli Nɛbukadenɛza lile Daneɛle eni kpole kpalɛ na ɔmanle ye gyinlabelɛ kpole, ɔhyɛle ye ninyɛne mgbole. Ɔyɛle Daneɛle Babelɔn maanle ne amɛnlado na ɔyɛle ye nrɛlɛbɛvolɛma mɔɔ wɔ Babelɔn la kɔsɔɔti kpanyinli.

Edwɛkpa ne kɛmɔ Luku hɛlɛle la 15:22

Na ɔ ze vɛlɛle ye sonvolɛma ne mɔ na ɔzele bɛ kɛ, ‘Bɛha bɛ nwo na bɛhɔva tɛladeɛ kpalɛ bɛrawula ye. Bɛva kpɔdelera bɛwula ɔ sa, na bɛva mgbɔlaboa bɛwula ye.