Ɛseta Buluku ne 8:16 - BAEBOLO ANZƐƐ BULUKU NWUANZANWUANZA

¹⁶ Dwuuma mɔɔ wɔ suakpole ne azo la anwo dɔle bɛ, bɛlile fɛlɛko, bɛ nye liele, na awie biala lile bɛ eni.

Ɛseta Buluku ne 8:16 ပူးပေါင်းရင်းမြစ်များ

Ɛseta Buluku ne 4:16

“Kɔ na kɔboɔboa Dwuuma mɔɔ wɔ Susa ɛke la amuala anloa, maa bɛhye ɛhɔne na bɛzɛlɛ bɛmaa me. Bɛmmadi debie biala yɛɛ bɛmmano nzule toonwo kenle nsa. Me nee me sonvolɛ mraalɛ ne mɔ yɛdayɛ yɛbayɛ zɔhane ala. Ɛhye anzi, mebahɔ belemgbunli ɛkɛ. Ɛhye tia mɛla ne bɔbɔ ɛdeɛ, noko saa ɔlua ɛhye ati na ɔwɔ kɛ mewu a, menwɔwu.”

Ɛseta Buluku ne 9:17

Bɛyɛle ɛhye mɔ wɔ siane “Eda” ne ye kenle bulu nee nsa ne azo. Bɛliele bɛ ɛnwomenle wɔ kenle bulu nee nna ne azo, bɛliele bɛ nye na bɛlile fɛlɛko, bɛdole nwolɛ ɛkponle.

Edwɛndolɛ Buluku ne 112:4

Wienyi kpa menli mɔɔ di boɛ la awozinli, Ɛdɛnkɛma le dovolɛ, anwunvɔnezelɛnli nee tenlenenli.

Edwɛndolɛ Buluku ne 118:27

Ɛdɛnkɛma le Nyamenle, yɛɛ yemaa yɛ wienyi. Bɛva mbaka ngane bɛdo ɛlɔnwɔne bɛbɔ ɛvoyialilɛ ne abo, na bɛbɔ azukponle ne mgbɔlɔka.

Edwɛndolɛ Buluku ne 18:28

O Ɛdɛnkɛma, wɔmɔ, ɛle me kɛnlaneɛ; O me Nyamenle, ɛkpa me awozinli.

Edwɛndolɛ Buluku ne 30:12

amaa me ɛkɛla anyɛ koonwu na yeaye wɔ ayɛlɛ. O Ɛdɛnkɛma me Nyamenle, mebayɛ wɔ mo dahuu.

Edwɛndolɛ Buluku ne 97:11

Wienyi ta tenlenema anwo zo, yɛɛ mɔɔ ahonle nu te la anye die.

Mrɛlɛbulɛ Buluku ne 11:10

Saa ɔyɛ boɛ ɔmaa tenlenenli a, suakpole ne azo amra amuala anye die, na saa amumuyɛnli wu a, zolɛ le fɛlɛkolilɛ ngome.

Mrɛlɛbulɛ Buluku ne 28:12

Saa tenlenenli di konim a, menli di fɛlɛko kpole, na saa amumuyɛnli dwazo a, menli nriandi fea.

Ayezaya Buluku ne 35:10

Bɛdabɛ mɔɔ Ɛdɛnkɛma ɛkpɔne bɛ la bava edwɛndolɛ azia ara Gyɛlusalɛm. Bɛbali fɛlɛko mɔɔ ɛnlɛ awieleɛ; bɛ nye balie, bɛali fɛlɛko, na nyane nee alɔbɔlɛ baminliminli.