Ɛseta Buluku ne 8:11 - BAEBOLO ANZƐƐ BULUKU NWUANZANWUANZA

¹¹ Ngɛlata ne mɔ manle Dwuuma mɔɔ wɔ suakpole biala azo la adenle kɛ bɛboɔboa bɛ nloa na bɛho bɛlie bɛ nwo. Ɛlɔne biala mɔɔ kɛra bɛ nwo zo wɔ menli anzɛɛ maanle biala anu la, bɛhu bɛ, bɛhu bɛ mra nee bɛ mraalɛ, bɛbɔ bɛ bo zo na bɛve bɛ ninyɛne.

Ɛseta Buluku ne 8:11 ပူးပေါင်းရင်းမြစ်များ

Ɛseta Buluku ne 3:13

Bɛvale ngɛlata ne mɔ bɛzoanle menli mɔɔ kola nriandi kpalɛ la a hɔle a. Ngɛlata ne mɔ kile kɛ bɛhu Dwuuma, ngakula nee mgbanyinli, yɛɛ mraalɛ kɔsɔɔti na bɛbɔ bɛ bo zo, na bɛve bɛ ninyɛne. Ngɛlata ne kile kɛ bɛva kenle ko ala a bɛyɛ ɛhye mɔ a, na bɛyɛ ye wɔ siane bulu nee nwiɔ ne mɔɔ bɛfɛlɛ ye “Eda” la ye kenle ne mɔɔ tɔ zolɛ bulu nee nsa ne la azo.

Ɛseta Buluku ne 9:18

Na Dwuuma mɔɔ wɔ Susa la lile ahua na bɛhonle kenle bulu nee nsa ne nee kenle bulu nee nna ne azo na bɛliele bɛ ɛnwomenle wɔ kenle bulu nee nnu ne azo, bɛlile fɛlɛko na bɛdole ɛkponle bɛlieliele bɛ nye.

Edwɛndolɛ Buluku ne 137:8

O Babelɔn, wɔmɔ sɛkyeravolɛ! Ahenle mɔɔ bali wɔ nzenralɛ wɔ mɔɔ wɔva wɔyɛ yɛ la anwo la anye balie kpole!

Edwɛndolɛ Buluku ne 68:3

Maa tenlenema ne anye ɛlie; maa bɛli wulupe wɔ Nyamenle anyunlu; maa bɛ nye ɛlie na bɛli fɛlɛko.

Ayezaya Buluku ne 10:6

mefa metea maanle mɔɔ ɛnze Nyamenle la, yɛɛ eza mesoa ye wɔ menli mɔɔ menwɔva bɛ nwo ɛya la anwo zo, memaa ɔkɔbo bɛ ɔsa bɛ ɔdie bɛ nwo ninyɛne, na ɔtietia bɛ nwo zo kɛ guabile zo ndɛtɛlɛ la.”

Yizikeɛle Buluku ne 39:10

Yemɔti ɔnrɛhyia kɛ bɛkɛhɔ ɛbɔ nu kɛ bɛkakpondɛ ɛyɛne anzɛɛ bɛkapepɛ mbaka wɔ kpɔkɛ nu bɛayɛ ɛyɛne, ɔluakɛ bɛbava konle ninyɛne ne mɔ bɛayɛ ɛyɛne bɛawuda. Bɛbave menli mɔɔ venle bɛ ninyɛne la ninyɛne na bɛasesa menli mɔɔ sesale bɛ ninyɛne hɔle la ninyɛne bɛahɔ.” Awulae Nyamenle a se a.