Ɛseta Buluku ne 8:10 - BAEBOLO ANZƐƐ BULUKU NWUANZANWUANZA

¹⁰ Mɔdekae manle bɛvale Belemgbunli Zɛzɛse duma a bɛhɛlɛle ngɛlata ne mɔ a, yɛɛ bɛvale belemgbunli ne kpɔdelera ne bɛsisile ngɛlata ne mɔ azo. Belemgbunli sonvolɛma mɔɔ tɛnla mgbɔnwɔ mɔɔ anwo yɛ ndɛ na bɛyɛne bɛ wɔ belemgbunli ne ɔdaye ye tunli nu la azo a hɔle a.

Ɛseta Buluku ne 8:10 ပူးပေါင်းရင်းမြစ်များ

1 Arl 21:8

Akee Gyɛzɛbɛle vale Belemgbunli Ehabe duma hɛlɛle ngɛlata na ɔvale belemgbunli tumi sɛkɛlɛneɛ ne ɔsisile zolɛ na ɔvale ɔnwanle mgbanyima mɔɔ nee Neebɔto de Gyɛzɛlii la.

1 Arl 4:28

Eza amɛnlado ko biala fa atoko nee ndile mɔɔ bɛfa bɛyɛne mgbɔnwɔ nee nane mɔɔ kola nriandi la ba ɛleka biala mɔɔ bɛkɛze kɛ bɛkpondɛ zɔhane ninyɛne ne mɔ la.

2 Edk 30:6

Yemɔti bɛzoanle menli wɔ Yizilayɛ nee Dwuda amuala, bɛvale ngɛlata bɛvile belemgbunli nee ye mgbanyima ne mɔ ɛkɛ ne bɛhɔle. Edwɛkɛ mɔɔ wɔ ngɛlata ne mɔ anu la se: “O Yizilayɛma, bɛzia bɛrɛla Ɛdɛnkɛma, Ebileham, Ayezeke, nee Gyekɔbo bɛ Nyamenle ne ɛkɛ, amaa ɔdaye noko yeahakyi ɔ nye wɔ bɛdabɛ ekyi ne mɔɔ bɛha mɔɔ Aselea arelemgbunli angu bɛ la anwo zo.

Ɛseta Buluku ne 8:8

Na ɛdawɔ noko ɛze kɛ kɛlata mɔɔ bɛkɛva belemgbunli ne duma bɛkɛhɛlɛ na bɛkɛva ye kpɔdelera ne bɛkɛzi zolɛ la, bɛndwe bɛnzia, yɛɛ bɛmpɛ nuhua. Zɔhane ati bɛdabɛ bɛva belemgbunli ne duma bɛhɛlɛ mɔɔ bɛdabɛ bɛnea a bɛkulo kɛ Dwuuma yɛ la, bɛva belemgbunli ne kpɔdelera ne bɛzi zolɛ na bɛva bɛhɔmaa bɛ.”

Dwobu Buluku ne 9:25

“Me mekɛ se waa tɛla sonla mɔɔ ɛlɛnriandi la; ɔse ɔkɔ, ɔnnwu kpalɛ biala.

Nolo 8:4

Ɔluakɛ mɔɔ belemgbunli kɛha la le tumi, yɛɛ nwane bɔbɔ a kɛhola kɛze ye kɛ, “Na duzu a ɛlɛyɛ la?”

Ayezaya Buluku ne 60:6

Bɛ maanle nu bayɛ afunlumu dɔɔnwo, Afunlumu ndonrandonra mɔɔ vi Medean nee Yifa; Dɔɔnwo noko vi Hyiba bara. Bɛbava ezukoa nvutuke nee ɛyɛlɛ evuanlɛ bɛara, Na bɛbabɔ Ɛdɛnkɛma ayɛlɛyelɛ ne nolo.

Ayezaya Buluku ne 66:20

Menli ɛhye mɔ bava bɛ mediema ne mɔ mɔɔ wɔ maanle maanle ne mɔ anu la wɔ mgbɔnwɔ zo, konle ehwili nee bonrane nu, wɔ mgbɔnwɔndua nee afunlumu zo bɛarɛlɛ me wɔ me boka nwuanzanwuanza ne azo, Gyɛlusalɛm, kɛ azubɔdeɛ; medame Ɛdɛnkɛma a mese a. Bɛbava bɛ bɛara, kɛmɔ Yizilayɛma fa bɛ ma azubɔdeɛ wɔ debie anu bɔkɔbɔkɔ nu ba Ɛdɛnkɛma Ɛzonlenlɛ Sua ne anu la.

Gyɛlɛmaya Buluku ne 2:23

Kɛ bɛkɛzi bɛkɛhola bɛkɛha kɛ, ‘Evinli ɛtɛkanle yɛ, yɛtɛsonlenle awozonle Beeyale ne mɔ’ ɛ? Bɛnlea bɛ ndenle mɔɔ bɛluale nu wɔ bɔnza ne anu, na bɛnwu mɔɔ bɛyɛ la. Bɛle kɛ afunlumu kokonyinli mɔɔ ɛde nyɛma, na ɔlɛdi ahyimango la,

Gyɛlɛmaya Buluku ne 51:21

mefa wɔ mebubu ɛkpɔnwɔ nee ye kavolɛ, mefa wɔ megelegele konle ehwili ne nee ye kavolɛ ne,

Daneɛle Buluku ne 4:1

Belemgbunli Nɛbukadenɛza vale nrɛlaleɛ hɔmanle maanle maanle ne mɔ anu amra mɔɔ ka aneɛ ngakyile la kɛ, “Anzonudwolɛ kpole ɛha bɛ!

Daneɛle Buluku ne 6:8

Nana, di mɛla ne fa ɛ sa wula ɔ bo kile kɛ bɛngakyi ye ɛlɛ, kɛmɔ Midiama, nee Pɛhyeama mɛla ne se la.”