Ɛseta Buluku ne 7:9 - BAEBOLO ANZƐƐ BULUKU NWUANZANWUANZA

⁹ Na Haabona, belemgbunli ne sonvolɛma ne mɔ ko mɔɔ ɛnee li ɔ nzi la hanle kɛ, “Ɛzinzelɛ ɛhuleka mɔɔ Heeman mumua ne manle bɛzieziele kɛ bɛbava bɛahu Mɔdekae, mɔɔ ɛkenle liele belemgbunli ne ngoane la tɛbɔ ɔdaye Heeman ye sua nu lɔ. Ye anwuma ɛhɔlɛ le mita abulanwiɔ nee nwiɔ.” Belemgbunli ne zele kɛ, “Bɛva ye bɛhɔzinze zolɛ.”

Ɛseta Buluku ne 7:9 ပူးပေါင်းရင်းမြစ်များ

2 Arl 9:32

Gyihu manle ɔ ti zo nleanle ye wɔ nvɛnzɛlɛ ne anu na ɔbizale kɛ, “Nwane mɔ a wɔ me nzi a?” Ɛkɛ ne ala suakunlu ɛkɛ ne sonvolɛma nwiɔ anzɛɛ nsa wulale bɛ ti nvɛnzɛlɛ ne mɔ ko anu nleanle Gyihu anyunlu.

Ɛseta Buluku ne 1:10

Kenle nsuu ne azo, mɔɔ ɛnee belemgbunli ne ɛlɛno nza na ɔ nye ɛlie kpalɛ kpalɛ la, ɔzoanle ɔmanle bɛhɔvɛlɛle ɔdaye Belemgbunli Zɛzɛse ɔ ti anwo sonvolɛma nsuu ne mɔɔ di ɔ nzi la ɔmanle bɛrale. Bɛmɛ a le Mɛhuman, Bezeta, Haabona, Begeta, Abageta, Zita, yɛɛ Kaakase.

Ɛseta Buluku ne 5:14

Ɔ nloa penle la, ɔ ye Zilɛhye nee ɔ gɔnwo mɔ zuzule hilele ye kɛ, “Na maa bɛziezie ɛzinzelɛ ɛhuleka, mɔɔ ye anwumahɔlɛ bayɛ mita abulanwiɔ nee nwiɔ la na ɛhyema nwonlomɔ ka kile belemgbunli ne maa ɔmaa bɛzinze Mɔdekae wɔ zolɛ bɛhu ye ɛ? Ɛyɛ ɛhye ɛwie a, akee wɔava anyelielɛ wɔahɔ ɛkponledolɛ ne abo.” Heeman liele dole nuhua, na amgba noko ɔmanle bɛzieziele ɛzinzelɛ ɛhuleka ne.

Ɛseta Buluku ne 6:14

Mɔɔ Heeman agɔnwo mɔ nee ɔ ye anloa wɔ zolɛ bɛ nee ye ɛlɛtendɛ la, yɛɛ belemgbunli ne sonvolɛma rale a, na bɛvale ye bɛ nee ye hɔle ɛkponle ne mɔɔ Ɛseta ɛdo ɛmaa belemgbunli ne la abo.

Ɛseta Buluku ne 6:2

Na bɛnwunle kɛ bɛhɛlɛ ye wɔ buluku ne anu kɛ, mekɛ mɔɔ Begeteena nee Tilɛhye mɔɔ anrɛɛ sinza nwolodo ne mɔɔ kɔ belemgbunli suakunlu ɛkɛ ne la vale adwenle kɛ bɛku belemgbunli ne la, Mɔdekae a dele nwolɛ bie mɔɔ ɔfetele zolɛ ɔhilele belemgbunli ne a.

Ɛseta Buluku ne 8:7

Na Belemgbunli Zɛzɛse zele Belemgbunli Raalɛ Ɛseta nee Dwuunli Mɔdekae kɛ, “Bɛdie, meva debie biala mɔɔ le Heeman ɛdeɛ la memaa Ɛseta na memaa bɛzinze Heeman bɛhu ye, wɔ ye adwenle ɛtane ne mɔɔ ɔvale kɛ ɔku Dwuuma la ati.

Ɛseta Buluku ne 9:14

Zɔhane ati belemgbunli ne manle adenle manle bɛyɛle ɛhye, na bɛlile mɛla wɔ Susa, bɛmanle bɛhendɛhendanle Heeman amra bulu ne.

Ɛseta Buluku ne 9:25

Na Ɛseta hɔle belemgbunli ne anyunlu, na belemgbunli ne manle bɛhɛlɛle ngɛlata na ɔmanle adwenle ɛtane ne mɔɔ Heeman vale la hakyile dɔle ɔ nwo zo. Ɔlua zolɛ bɛzinzele ye nee ɔ mra mrenya bulu ne amuala bɛhunle bɛ.

Edwɛndolɛ Buluku ne 141:10

Maa amumuyɛma ɛgulu nu ɛgua bɛ ngane ne mɔ anu, na maa me nwo ɛyɛ kɔlɔnwo.

Edwɛndolɛ Buluku ne 35:8

Maa bɛpe kpotekpote arɛlevilɛ nu! Na maa bɛ ngome bɛ ɛhane ɛhye bɛ; maa bɛgua nu bɛwu.

Edwɛndolɛ Buluku ne 73:19

Ndɛndɛ ne ala ɛnee bɛ bo zo ɛbɔ, bɛ bo zo ɛminli ɛzulolɛ ɛzulolɛ bie.

Daneɛle Buluku ne 6:24

Belemgbunli manle bɛhɔhyele menli mɔɔ doanle Daneɛle la bɛrale, na bɛvuandinle bɛ nee bɛ mra nee bɛ mraalɛ bɛguale awenade tunli ne anu. Bɛandwu aze wɔ tunli ne anu bɔbɔ, awenade ne mɔ sosɔle bɛ anwuma tetele bɛ azinli lile.

Daneɛle Buluku ne 6:7

Kɛkala, maanle ye anu mgbanyima, amɛnladoma, folɛdulɛma, yɛɛ maanzinli zo neavolɛma amuala ɛlie ɛdo nu kɛ ɔwɔ kɛ ɛdi mɛla, ɛkye ɔ bo kɛ, ‘Awie biala mmaye ɛdɛne maa nyamenle biala anzɛɛ biza sonla biala debie toonwo kenle kɔkɔlɛ abulasa (siane ko) na ɛ ngomekye a bɛva bɛ ti bɛzɔ wɔ a. Awie biala mɔɔ anli mɛla ɛhye azo la, ɔwɔ kɛ bɛfuandi ye bɛto awenade ne mɔ tunli ne anu.’

1 Sam 17:51

Akee Devidi nriandile hɔvole gyinlanle Golayate anwo zo, ɔhwenle Golayate mumua ne dadeɛ ne wɔ ye boa ne anu, na ɔvale ɔpɛle Golayate ati. Mɔɔ Filisitiama nwunle kɛ bɛhu bɛ sonla anwo ɛzulolɛ ne mɔɔ li bɛ ti la, bɛguale ɛbɔ nu.