Ɛseta Buluku ne 7:8 - BAEBOLO ANZƐƐ BULUKU NWUANZANWUANZA

⁸ Yemɔti Heeman dule dɔle ebia ne mɔɔ Ɛseta la nu la azo kɛ ɔkpa ye kyɛlɛ. Mekɛ ne anu ala yɛɛ belemgbunli ne vindele ɛkɛ ne a, na ɔzele kɛ, “Wio o! Akee eza me nyunlu ɛke ala, wɔ me gyakɛ azo ɛke yɛɛ Heeman akee bafunlofunla belemgbunli raalɛ ye a?” Belemgbunli ne anloa ampe bɔbɔ yɛɛ sonvolɛma ne mɔ hedale Heeman ati zo a.

Ɛseta Buluku ne 7:8 ပူးပေါင်းရင်းမြစ်များ

Ɛseta Buluku ne 1:5

Ɛhye anzi, belemgbunli ne dole Susa suakpole ne azo amra ɛkponle toonwo kenle kɔkɔlɛ nsuu wɔ ye suakunlu alie kpandaanwo ne anwo. Sukoavolɛma nee koahweabanema kɔsɔɔti hɔle ɛkponledolɛ ne bie.

Ɛseta Buluku ne 1:6

Bɛvale ninyɛne ngɛnlɛma ngakyile dɔɔnwo bɛzieziele suakunlu ɛkɛ ne: mgbɛnu ndanlɛ fufule nee buluwu mɔɔ bɛva lenen ndanlɛ kɔkɔlɛ ndenrɛndenra ngɛnlɛma bɛbobɔ bɛ avinli, na dwɛtɛ fufule ngɛba sosɔ bɛ nloa la hendɛhenda mpila mɔɔ bɛvale awolɛ memeamemea mɔɔ sonle bolɛ la a bɛsisile la. Mbia mɔɔ gyigyi alie nwo ɛkɛ ne la, bɛvale ezukoa nvutuke nee dwɛtɛ fufule a bɛyɛle a. Azɛlɛ ne anwo bɔbɔ, bɛvale awolɛ memeamemea mɔɔ sonle bolɛ la a bɛdole a.

Ɛseta Buluku ne 6:12

Akee Mɔdekae ziale hɔdɛnlanle ɔ bo zo ne wɔ belemgbunli ne anuhɔlɛ ne. Na Heeman hedale ɔ ti zo na ɔvale nyane nee nyiane ɔhɔle sua nu ndɛndɛ.

Ɛseta Buluku ne 7:10

Na bɛvale Heeman bɛhɔzinzele ɛhuleka ne mɔɔ ɔmanle bɛzieziele kɛ ɔbava yeahu Mɔdekae la azo. Na akee belemgbunli ne akunlu dwole fɔɔnwo.

Dwobu Buluku ne 9:24

Bɛva azɛlɛ ye bɛwula amumuyɛma asa anu; ɔkedɛheda ndɛnebuavolɛma anyunlu, na saa tɛ ye a, ɛnee nwane ɔ?

Ayezaya Buluku ne 22:17

Nea, Ɛdɛnkɛma bavuandi wɔ ado kpole kpalɛ; ɛdawɔ ɛse ɛ nwo yɛ se! Ɔbazɔ wɔ mrɛlakɛ bo yeabili wɔ,

Ayezaya Buluku ne 49:23

Arelemgbunli bayɛ bɛ dɔmagyama, na arelemgbunli mraalɛ ayɛ bɛ baviavolɛma. Bɛbazi bɛ ti aze, bɛabu ndwɛlɛ wɔ bɛ nyunlu, na bɛatafe bɛ gyakɛ anwo munlutu. Na akee bɛbanwu kɛ medame a mele Ɛdɛnkɛma a; bɛdabɛ mɔɔ bɛkendɛ me moalɛ la anyunlu ɛnrɛgua aze.”

Emɔzo Buluku ne 3:12

Ɛdɛnkɛma se, “Kɛmɔ awenade kye boane na mboaneneavolɛ ne kɔ ye ɛlielɛ a debie mɔɔ ɔnwu ye ala la a le ye ndwɛlɛ nwiɔ anzɛɛ ɔ nzo ko la, zɔhane ala yɛɛ Yizilayɛma mɔɔ de Samɛlea la ɛlielɛ bayɛ a; bɛbanwu ebia mɔɔ bɛda nu la ebule na bɛanwu ɛkpa sinli.

Edwɛkpa ne kɛmɔ Maake hɛlɛle la 14:65

Sinzavolɛma ne mɔ bobɔle ɔ nzo nu. Bie mɔ totole nyɛlɛ ɔ nyunlu, bɛkyekyele ɔ nye, bɛwulowulale ye ahutuku na bɛbizale ye kɛ, “Nwane a bɔle wɔ a?”