Ɛseta Buluku ne 7:7 - BAEBOLO ANZƐƐ BULUKU NWUANZANWUANZA

⁷ Na ɛkɛ ne ala belemgbunli ne vale ɛya, na ɔdwazole ɛkponle ne anwo, ɔhɔle suakunlu ɛkɛ ne tola ne anu. Heeman andwazo bie; ɔhale ɛkɛ ne kɛ ɔkpa Belemgbunli Raalɛ Ɛseta kyɛlɛ kɛ ɔlie ye ngoane, ɔluakɛ ɛnee yenwu kɛ belemgbunli ɛva ɛya kpole, na mɔɔ li ɔ nzi la le munzule kpole maa ye.

Ɛseta Buluku ne 7:7 ပူးပေါင်းရင်းမြစ်များ

Ɛseta Buluku ne 1:12

Na Belemgbunli Raalɛ Vahyetae dule ɔ gye. Ɛhye ati belemgbunli ne ahonle futule na ɔvale ɛya.

Ɛseta Buluku ne 1:5

Ɛhye anzi, belemgbunli ne dole Susa suakpole ne azo amra ɛkponle toonwo kenle kɔkɔlɛ nsuu wɔ ye suakunlu alie kpandaanwo ne anwo. Sukoavolɛma nee koahweabanema kɔsɔɔti hɔle ɛkponledolɛ ne bie.

Ɛseta Buluku ne 7:10

Na bɛvale Heeman bɛhɔzinzele ɛhuleka ne mɔɔ ɔmanle bɛzieziele kɛ ɔbava yeahu Mɔdekae la azo. Na akee belemgbunli ne akunlu dwole fɔɔnwo.

Edwɛndolɛ Buluku ne 112:10

Amumuyɛnli nwu ye na ɔfa ɛya; ɔdedɛ ɔ nwo bonrane nu na ɔminliminli, amumuyɛnli adwenle yɛ mgbane.

Mrɛlɛbulɛ Buluku ne 14:19

Ɛtanema bɔ bɛ ti aze wɔ kpalɛma anyunlu, yɛɛ amumuyɛma dwu tenlenema anyunlu a bɛtoto bɛ nwo aze.

Mrɛlɛbulɛ Buluku ne 14:35

Sonvolɛ mɔɔ bɔ ye ɛbɛla nrɛlɛbɛ nu la sɔ belemgbunli anye, belemgbunli anyebolo wɔ mɔɔ bɔ anyiemgba ɛbɛla la anwo zo.

Mrɛlɛbulɛ Buluku ne 16:14

Belemgbunli ɛyavalɛ le ewule soanvolɛ; sonla mɔɔ ze nrɛlɛbɛ la kola gogo ye ahonle.

Mrɛlɛbulɛ Buluku ne 19:12

Belemgbunli fa ɛya a ɔle kɛ awenade mɔɔ ɛlɛkpo la, noko ye nyeleyɛlɛ le kɛ ɛbɔlɛ mɔɔ ɛdɔ ndile zo la.

Ayezaya Buluku ne 60:14

Menli mɔɔ sisile bɛ la amra mrenya ne mɔ Barabɔ bɛ ti aze amaa bɛ; Menli mɔɔ kpole bɛ la kɔsɔɔti Baradu agua bɛ gyakɛ anu. Bɛbavɛlɛ sua ne ‘Ɛdɛnkɛma Suakpole,’ ‘Zayɔn, Yizilayɛ Nwuanzanwuanza Ko ne Suakpole.’

Daneɛle Buluku ne 3:19

Nɛbukadenɛza vale ɛya kpole, ɔmunlanle kpole kpalɛ wɔ Hyeedelake, Mihyake, yɛɛ Abɛdenɛgo edwɛkɛ ne ati. Ɔmanle bɛhuanle sendɔlɔra kpole kpalɛ mɔɔ ye ɛzɔlɛ ne kpole tɛla dɛba ɛdeɛ ne mɔ fane nsuu la.

Yekile 3:9

Tie, menli ekpunli ekyi ne mɔɔ le Seetan ɛdeɛ, alanema ne mɔɔ kile kɛ bɛle Dwuuma noko bɛnle Dwuuma la, mebamaa bɛarabu ndwɛlɛ wɔ ɛ nyunlu, na bɛ muala bɛanwu kɛ mekulo wɔ.

1 Sam 20:7

Saa ɔkponle zolɛ a, ɛnee ɔkile kɛ melɛ ngoane. Saa ɔfa ɛya a ɛnee ɔkile kɛ yezi pi kɛ ɔku me.

1 Sam 20:9

Dwɔnatan zele kɛ, “Nyamenle ɛkpa ɛgua; saa meze kɛ egya ɛva adwenle kɛ ɔku wɔ a, anrɛɛ ɛnea a menrɛha menrɛhile wɔ ɔ?”

1 Sam 25:17

Mesɛlɛ wɔ, dwenle ɛhye anwo ɛsesebɛ na bu nwolɛ amaamuo kpalɛ. Ɔluakɛ ɛhye kola twe munzule maa yɛ menle ne nee ye awuke nu amra; yɛɛ ɔnlɛ subane noko bɔbɔ mɔɔ bɛka ye edwɛkɛ a ɔfa a.”