Ɛseta Buluku ne 7:2 - BAEBOLO ANZƐƐ BULUKU NWUANZANWUANZA

² Na ye kenle nwiɔ ne azo, mekɛ mɔɔ ɛnee bɛlɛno nwanye la, belemgbunli ne eza bizale Ɛseta kɛ, “Belemgbunli Raalɛ Ɛseta, duzu a ɛkulo kɛ meyɛ memaa wɔ a? Duzu a ɛkpondɛ a? Debie biala mɔɔ ɛkulo la ka na mebava meamaa wɔ. Saa ɛkpondɛ me maanle ye foa ko bɔbɔ a, ɛ sa baha ye.”

Ɛseta Buluku ne 7:2 ပူးပေါင်းရင်းမြစ်များ

Ɛseta Buluku ne 5:3

Belemgbunli ne bizale ye kɛ, “Belemgbunli Raalɛ Ɛseta, duzu ɔ? Duzu a ɛkpondɛ a? Saa ɛkpondɛ me maanle ye foa ko bɔbɔ a, ɛ sa baha ye.”

Ɛseta Buluku ne 5:6

Mekɛ mɔɔ ɛnee bɛwɔ zolɛ bɛlɛno nwanye la, belemgbunli bizale Ɛseta kɛ, “Duzu a ɛkpondɛ a? Debie mɔɔ ɛkpondɛ la, mebayɛ meamaa wɔ. Duzu a ɛkpondɛ a? Saa ɛkulo me belemgbunli maanle ye foa ko bɔbɔ a, mebava meamaa wɔ.”

Ɛseta Buluku ne 7:1

Na belemgbunli ne nee Heeman hɔle Belemgbunli Raalɛ Ɛseta ɛkɛ ne kɛ bɛ nee ye kakpula bɛ sa bieko.

Ɛseta Buluku ne 9:12

Na belemgbunli ne zele Belemgbunli Raalɛ Ɛseta kɛ, “Wɔ Susa sua bɔdenle ye azo angome, Dwuuma ɛhu menli ɛya nnu. Heeman amra mrenya bulu ne boka nwolɛ. Na menea a maanzinli ne mɔ anu ɛdeɛ ne kɛyɛ ɛzulolɛ. Kɛkala duzu yɛɛ akee ɛkpondɛ a? Mɔɔ ɛkpondɛ la, ɛ sa baha ye. Duzu bieko a ɛkpondɛ a? Ka, na mebayɛ meamaa wɔ.”

Edwɛkpa ne kɛmɔ Maake hɛlɛle la 6:23

Akee ɔhanle ndane kɛ, “Debie biala mɔɔ ɛkulo la, biza, saa me belemgbunli maanle ye foa ko bɔbɔ a, menwɔva menwɔmaa wɔ.”

Dw 16:24

Toonwo mɔɔ yeradwu bekezɛ la, bɛtɛbizale debie biala wɔ me duma nu; bɛbiza na bɛ sa kɛha ye, amaa bɛ fɛlɛkolilɛ ne ali munli.

Ɛzoanvolɛma Gyima ne 23:19

Na sogyama kpanyinli ne zɔle kpavolɛ ne asa, ɔvale ye ɔhɔle ahane, na ɔbizale ye kɛ, “Duzu edwɛkɛ a ɛ nee ye rale a?”