Ɛseta Buluku ne 7:10 - BAEBOLO ANZƐƐ BULUKU NWUANZANWUANZA

¹⁰ Na bɛvale Heeman bɛhɔzinzele ɛhuleka ne mɔɔ ɔmanle bɛzieziele kɛ ɔbava yeahu Mɔdekae la azo. Na akee belemgbunli ne akunlu dwole fɔɔnwo.

Ɛseta Buluku ne 7:10 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 40:22

Akee ɔhunle sonvolɛ ne mɔɔ to kpanwo ne la, kɛmɔ Dwosefi zile hilele bɛ ɛlalɛ ne mɔ abo ala la.

Ɛseta Buluku ne 2:1

Nzinlii mɔɔ Belemgbunli Zɛzɛse ɛya ne dwole la, ɛnee ɔtɛkakye debie mɔɔ Vahyetae ɛyɛ la nee ɔdaye Zɛzɛse ye mɛla ne mɔɔ yebɔ ye nolo wɔ Vahyetae anwo wɔ ɛleka biala la.

Ɛseta Buluku ne 5:14

Ɔ nloa penle la, ɔ ye Zilɛhye nee ɔ gɔnwo mɔ zuzule hilele ye kɛ, “Na maa bɛziezie ɛzinzelɛ ɛhuleka, mɔɔ ye anwumahɔlɛ bayɛ mita abulanwiɔ nee nwiɔ la na ɛhyema nwonlomɔ ka kile belemgbunli ne maa ɔmaa bɛzinze Mɔdekae wɔ zolɛ bɛhu ye ɛ? Ɛyɛ ɛhye ɛwie a, akee wɔava anyelielɛ wɔahɔ ɛkponledolɛ ne abo.” Heeman liele dole nuhua, na amgba noko ɔmanle bɛzieziele ɛzinzelɛ ɛhuleka ne.

Ɛseta Buluku ne 7:7

Na ɛkɛ ne ala belemgbunli ne vale ɛya, na ɔdwazole ɛkponle ne anwo, ɔhɔle suakunlu ɛkɛ ne tola ne anu. Heeman andwazo bie; ɔhale ɛkɛ ne kɛ ɔkpa Belemgbunli Raalɛ Ɛseta kyɛlɛ kɛ ɔlie ye ngoane, ɔluakɛ ɛnee yenwu kɛ belemgbunli ɛva ɛya kpole, na mɔɔ li ɔ nzi la le munzule kpole maa ye.

Ɛseta Buluku ne 7:8

Yemɔti Heeman dule dɔle ebia ne mɔɔ Ɛseta la nu la azo kɛ ɔkpa ye kyɛlɛ. Mekɛ ne anu ala yɛɛ belemgbunli ne vindele ɛkɛ ne a, na ɔzele kɛ, “Wio o! Akee eza me nyunlu ɛke ala, wɔ me gyakɛ azo ɛke yɛɛ Heeman akee bafunlofunla belemgbunli raalɛ ye a?” Belemgbunli ne anloa ampe bɔbɔ yɛɛ sonvolɛma ne mɔ hedale Heeman ati zo a.

Ɛseta Buluku ne 8:7

Na Belemgbunli Zɛzɛse zele Belemgbunli Raalɛ Ɛseta nee Dwuunli Mɔdekae kɛ, “Bɛdie, meva debie biala mɔɔ le Heeman ɛdeɛ la memaa Ɛseta na memaa bɛzinze Heeman bɛhu ye, wɔ ye adwenle ɛtane ne mɔɔ ɔvale kɛ ɔku Dwuuma la ati.

Ɛseta Buluku ne 9:14

Zɔhane ati belemgbunli ne manle adenle manle bɛyɛle ɛhye, na bɛlile mɛla wɔ Susa, bɛmanle bɛhendɛhendanle Heeman amra bulu ne.

Ɛseta Buluku ne 9:25

Na Ɛseta hɔle belemgbunli ne anyunlu, na belemgbunli ne manle bɛhɛlɛle ngɛlata na ɔmanle adwenle ɛtane ne mɔɔ Heeman vale la hakyile dɔle ɔ nwo zo. Ɔlua zolɛ bɛzinzele ye nee ɔ mra mrenya bulu ne amuala bɛhunle bɛ.

Dwobu Buluku ne 18:8

Ɔluakɛ ɔdaye ɔ gyakɛ fa ye kɔto ɛhane nu, na ɔkɔtɔ kuma nu.

Dwobu Buluku ne 20:8

Ɔbapɛ nu yeaze kɛ ɛlalɛ, na bɛnrɛnwu ye ko; bɛbavoa ye kɛ nɔɔzo ɛnyelɛzodeɛnwunlɛ.

Edwɛndolɛ Buluku ne 37:15

bɛ dadeɛ bawɔ bɛ ngome bɛ ahonle nu, yɛɛ bɛ ɛda ne mɔ babubu.

Edwɛndolɛ Buluku ne 7:16

Ye ngunzi ne bɔ ɔ ti, na ye konle adwenle ne bodɛboda ye.

Edwɛndolɛ Buluku ne 94:23

Ɔbamaa bɛ ɛtane abu azia bɛ, na yeabɔ bɛ bo zo wɔ bɛ amumuyɛ ti; Ɛdɛnkɛma yɛ Nyamenle ne babɔ bɛ bo zo.

Mrɛlɛbulɛ Buluku ne 11:27

Sonla mɔɔ pele kpondɛ kpalɛ bo zo la nyia ɔ nyunlu, yɛɛ munzule to mɔɔ kpondɛ munzule bo zo la.

Mrɛlɛbulɛ Buluku ne 11:8

Bɛdie tenlenenli ne bɛfi ngyegyelɛ nu, na amumuyɛnli ne tɔ nu.

Mrɛlɛbulɛ Buluku ne 26:27

Sonla mɔɔ pɛ ɔ gɔnwo mɔ anwo kuma la badɔ nu, yɛɛ sonla mɔɔ kundo bolɛ la, bolɛ tɔ ɔ nwo zo.

Gyɛlɛmaya Buluku ne 34:17

Ɔlua ɛhye ati, medame Ɛdɛnkɛma, mese: Bɛandie me edwɛkɛ. Mɔɔ bɛkyekyele bɛhyele ɔ bo kɛ bɛdwula bɛ mediema ahanra ne mɔ la, bɛtulu ye. Yemɔti bɛnlea, mame, medwula bɛmɛ kɛ bɛli bɛ ti; medwula bɛ kɛ bɛhɔwu konle nu, anwonyane nu, yɛɛ ɛhɔne nu. Medame Ɛdɛnkɛma a mese a. Debie mɔɔ mebava meayɛ bɛ la, ewiade ye anu, maanle biala mɔɔ kɛde la, ɛzulolɛ baha ye.

Yizikeɛle Buluku ne 5:13

“Zɛhae yɛɛ bɛbanwu me ɛyavalɛ ne a; mebakpokpo ye kɔsɔɔti meagua bɛ ti zo na me kunlu adwo, na bɛanwu kɛ medame Ɛdɛnkɛma, meva ɛya kpole a melɛtendɛ meahile bɛ a.

Daneɛle Buluku ne 6:24

Belemgbunli manle bɛhɔhyele menli mɔɔ doanle Daneɛle la bɛrale, na bɛvuandinle bɛ nee bɛ mra nee bɛ mraalɛ bɛguale awenade tunli ne anu. Bɛandwu aze wɔ tunli ne anu bɔbɔ, awenade ne mɔ sosɔle bɛ anwuma tetele bɛ azinli lile.

Daneɛle Buluku ne 6:25

Belemgbunli Dalayɛse hɛlɛle hɔmanle maanle maanle nee menli ngakyile mɔɔ bɛ aneɛ le ngakyile la kɛ, “Anzonudwolɛ dɔɔnwo ɛha bɛ!

Zɛkalaya Buluku ne 6:8

Nyamenle soanvolɛ ne deanle nu zele me kɛ, “Nea, mgbɔnwɔ ne mɔ mɔɔ ɛlɛkɔ ɛbɔ nu afoa nu la ɛmaa me Sunsum ne akunlu ɛdwo ɛbɔ nu afoa nu maanle ne anwo.”

Maanlebuvolɛma Buluku ne 15:7

Na Samesɛn zele bɛ kɛ, “Saa amaamuo zɛhae yɛɛ bɛbu ɛdeɛ a, ɛnee meka, meka kɛ, saa metɛyɛle bɛ bie metɛsiele ɔ bo zo a, menrɛla.”