Ɛseta Buluku ne 6:4 - BAEBOLO ANZƐƐ BULUKU NWUANZANWUANZA

⁴ Belemgbunli ne bizale kɛ, “Na nwane a wɔ ɛkɛ ne a?” Mekɛ ne anu ala ɛnee Heeman ɛra suakunlu ɛkɛ ne alie ne anwo kɛ ɔbaha Mɔdekae ɛhunlɛ nwo edwɛkɛ yeahile ye. Ɛnee Heeman ɛziezie ɛleka mɔɔ bɛbazinze Mɔdekae bɛahu ye la ɛwie.

Ɛseta Buluku ne 6:4 ပူးပေါင်းရင်းမြစ်များ

Ɛseta Buluku ne 4:11

“Mɛla mɔɔ wɔ suakunlu ɛke la a le kɛ, awie biala, nrenya o, raalɛ o, mɔɔ bɛanvɛlɛ ye na ɔkɛwolo belemgbunli suakunlu ɛkɛ ne kɛ ɔkanwu ye la, ɔwɔ kɛ bɛku ye. Awie biala, ɛbɔ ye belemgbunli folɛdulɛma anwo zo toonwo badwu menli mɔɔ wɔ maanle ye maanzinli ne mɔ kɔsɔɔti anu la, ze mɛla ɛhye. Kyesɛ sonla mɔɔ belemgbunli ne kɛkpogya ye tumi nvutuke kpɔma ne zo kɛhile ye la, yɛɛ kɛnyia ɔ ti a. Na mame noko, ye siane ko ɛne, belemgbunli ɛtɛfɛlɛle me.”

Ɛseta Buluku ne 5:1

Kenle nsa ne dwule la, Ɛseta wulale ye belemgbunli raalɛ tɛladeɛ ne na ɔhɔgyinlanle suakunlu ɛkɛ ne alie ne anwo, ɛleka mɔɔ nee belemgbunli asalo kpole ne anye bɔ zolɛ la. Mekɛ ne anu ɛnee belemgbunli ne de ye ebia nu wɔ ye sua ne anu, ɛleka mɔɔ nee suakunlu ɛkɛ ne anuhɔlɛ ne anye bɔ zolɛ la.

Ɛseta Buluku ne 5:14

Ɔ nloa penle la, ɔ ye Zilɛhye nee ɔ gɔnwo mɔ zuzule hilele ye kɛ, “Na maa bɛziezie ɛzinzelɛ ɛhuleka, mɔɔ ye anwumahɔlɛ bayɛ mita abulanwiɔ nee nwiɔ la na ɛhyema nwonlomɔ ka kile belemgbunli ne maa ɔmaa bɛzinze Mɔdekae wɔ zolɛ bɛhu ye ɛ? Ɛyɛ ɛhye ɛwie a, akee wɔava anyelielɛ wɔahɔ ɛkponledolɛ ne abo.” Heeman liele dole nuhua, na amgba noko ɔmanle bɛzieziele ɛzinzelɛ ɛhuleka ne.

Ɛseta Buluku ne 6:3

Na belemgbunli ne bizale kɛ, “Duzu a bɛyɛ bɛmaa Mɔdekae wɔ ɛhye anwo a?” Belemgbunli sonvolɛma ne hanle kɛ, “Bɛtɛyɛle ɛhwee bɛtɛmanle ye.”

Ɛseta Buluku ne 6:5

Sonvolɛma ne hanle hilele belemgbunli ne kɛ, “Heeman a wɔ ɛkɛ a, na ɔkulo kɛ ɔnwu wɔ.” Belemgbunli ne zele kɛ, “Bɛze ye kɛ ɔrɛla.”

Ɛseta Buluku ne 7:9

Na Haabona, belemgbunli ne sonvolɛma ne mɔ ko mɔɔ ɛnee li ɔ nzi la hanle kɛ, “Ɛzinzelɛ ɛhuleka mɔɔ Heeman mumua ne manle bɛzieziele kɛ bɛbava bɛahu Mɔdekae, mɔɔ ɛkenle liele belemgbunli ne ngoane la tɛbɔ ɔdaye Heeman ye sua nu lɔ. Ye anwuma ɛhɔlɛ le mita abulanwiɔ nee nwiɔ.” Belemgbunli ne zele kɛ, “Bɛva ye bɛhɔzinze zolɛ.”

Dwobu Buluku ne 5:13

Ɔkye nrɛlɛbɛvolɛma wɔ bɛdabɛ bɛ agyibadolɛ nu, na agyibadolɛma ngyehyɛlɛ ne mɔ pɛ sinli ndɛndɛ.

Edwɛndolɛ Buluku ne 2:4

Mɔɔ de anwuma lɔ la nea bɛ sele, Ɛdɛnkɛma ɛmbu bɛ ɛhwee.

Edwɛndolɛ Buluku ne 33:19

amaa yealie bɛ yeavi ewule nu, na ɛhɔne ba a bɛanwu.

Nolo 9:10

Debie biala mɔɔ ɛkɛzɔ nu kɛ ɛyɛ la, fa wɔ anwosesebɛ yɛ, ɔluakɛ gyima anzɛɛ ndwenlenwo anzɛɛ adwenle anzɛɛ nrɛlɛbɛ biala ɛnle Ɛbolɔ mɔɔ ɛlɛkɔ la.