Ɛseta Buluku ne 5:9 - BAEBOLO ANZƐƐ BULUKU NWUANZANWUANZA

⁹ Kenle ko zɔhane Heeman vale anyelielɛ nee fɛlɛko ngome a hɔle a. Na mɔɔ ɔkɔ na ɔnwunle Mɔdekae wɔ suakunlu ɛkɛ ne anuhɔlɛ ne, na yeandwazo, yɛɛ ye ahonle amkputi ye bɔbɔ la, ɔvale Mɔdekae anwo ɛya kpole.

Ɛseta Buluku ne 5:9 ပူးပေါင်းရင်းမြစ်များ

1 Arl 21:4

Kɛmɔ Neebɔto hanle hilele ye kɛ, “Nyamenle ɛkpa ɛgua kɛ menwɔva me mgbanyinli agyadeɛ menwɔmaa wɔ” la, ɛya nee nyane hunle Belemgbunli Ehabe kpole; ɔhɔle sua nu ɔhɔlale ye mgba ne azo, ɔhakyile ɔ nye bane nwo na ɔkpole aleɛ.

1 Arl 21:6

Ehabe buale ɔ ye kɛ, “Meha mehile Neebɔto mɔɔ vi Gyɛzɛlii ɛke la kɛ ɔva ye vanye ɛya ne ɔmaa me na memaa ye fofolɛ anzɛɛ ɔdɔne ye ɔmaa me a ɔbua ɔse me kɛ, ‘Mefa me vanye ɛya ne memaa wɔ a ɔnrɛyɛ boɛ!’ ”

Ɛseta Buluku ne 2:19

Mekɛ dwule mɔɔ bɛboɔboale mbɛlɛra mɔɔ ɛnze mrenya la anloa bieko la, ɛnee Mɔdekae wɔ belemgbunli ne gyima nu,

Ɛseta Buluku ne 3:2

Sonvolɛma mɔɔ wɔ suakunlu ɛkɛ ne la amuala bɔle bɛ ti aze manle ye, kɛmɔ belemgbunli ne hanle kɛ bɛyɛ la. Na Mɔdekae ɛdeɛ, yeangoto Heeman ɛlɛ.

Ɛseta Buluku ne 3:5

Heeman nwunle kɛ Mɔdekae amgba ɛmbɔ ɔ ti aze ɛmmaa ye, na ɛya hunle ye kpole.

Ɛseta Buluku ne 5:13

Noko ɛhye mɔ amuala biala ɛnyɛ me fɛ, ɔluakɛ Dwuunli Mɔdekae ɔdaye kɛ dahuu ɔde suakunlu anuhɔlɛ ɛkɛ ne ala ɛne.”

Dwobu Buluku ne 20:5

amumuyɛnli ɛkpazilɛ ɛndwu moa, yɛɛ sonla mɔɔ ɛnze Nyamenle la fɛlɛkolilɛ le sinli?

Dwobu Buluku ne 31:31

asoo me awuke nu amra ɛtɛkanle kɛ, ‘Nwane a ɛtɛdile ye debie ɛlɛ a?’

Edwɛndolɛ Buluku ne 15:4

Ɔkyi menli mɔɔ Nyamenle ɛkpo bɛ la, na ɔdi bɛdabɛ mɔɔ bɛsulo Ɛdɛnkɛma la eni, ɔbɔ ɛwɔkɛ a ɔdi zolɛ yɛɛ ɔngakyi ɔ nloa.

Edwɛndolɛ Buluku ne 27:3

Saa ɛlɔnema bɛnra yia me a, menrɛzulo ɛhwee; saa konle fa me aze a, me ahonle ɛnrɛdu.

Daneɛle Buluku ne 3:13

Belemgbunli ne ahonle futule kpole na ɔzele kɛ bɛva Hyeedelake, Mihyake, yɛɛ Abɛdenɛgo bɛrɛla. Bɛhɔhyele menli ɛhye mɔ bɛrale.

Edwɛkpa ne kɛmɔ Mateyu hɛlɛle la 10:28

Bɛmmasulo bɛdabɛ mɔɔ bɛkola bɛku nwonane ne na bɛngola ɛkɛla ne ku la; bɛzulo Nyamenle mɔɔ kola nwonane ne nee ɛkɛla ne amuala ku, na ɔsɛkye bɛ wɔ ɛbolɔ senle nu la.

Edwɛkpa ne kɛmɔ Mateyu hɛlɛle la 2:16

Mɔɔ Belemgbunli Hɛlɔdo nwunle kɛ nrɛlɛbɛvolɛma ne mɔ ɛbɛlɛbɛla ye la, ɔvale ɛya kpole, na ɔvale ye adwenle ɔbubule ɔvile mekɛ mɔɔ nrɛlɛbɛvolɛma ne rahanle edwɛkɛ ne hilele ye la, na ɔmanle bɛhɔhunle ngakula mrenya ngyikyi ngyikyi mɔɔ wɔ Bɛtelɛhɛm nee azua mɔɔ zuozua Bɛtelɛhɛm, na bɛli ɛvolɛ nwiɔ nee mɔɔ ɛtɛdwule ɛvolɛ nwiɔ la amuala, kɛmɔ nrɛlɛbɛvolɛma ne zile hilele mekɛ ne la.

Edwɛkpa ne kɛmɔ Luku hɛlɛle la 6:25

“Munzule ɛha bɛdabɛ mɔɔ bɛ ko ɛyi kɛkala la, ɔluakɛ ɛhɔne bahu bɛ. “Munzule ɛha bɛdabɛ mɔɔ bɛlɛsele kɛkala la, ɔluakɛ bɛbazu bɛadedɛ bɛ nwo bonrane nu.

Dw 16:20

Meka nɔhalɛ ne meahile bɛ: Bɛbazu bɛayi, na ɛtane ewiade ye bali fɛlɛko; bɛbali nyane, na bɛ nyanelilɛ ne bahakyi fɛlɛkolilɛ.

Ɛzoanvolɛma Gyima ne 7:54

Mekɛ mɔɔ ayiama ne ɛlɛtie Sitivin la ɛnee ɛya ɛwie bɛ wolowolo na bɛ nwo ndinli ɛlɛtwehwe bɛ kikilikikili zɛhae.

Gyemise Kɛlata ne 4:9

Bɛli nyane na bɛzu; bɛmaa bɛ ɛzelekɛ ɛyɛ ɛzunlɛ na bɛ fɛlɛkolilɛ ɛyɛ alɔbɔlɛ.