Ɛseta Buluku ne 5:3 - BAEBOLO ANZƐƐ BULUKU NWUANZANWUANZA

³ Belemgbunli ne bizale ye kɛ, “Belemgbunli Raalɛ Ɛseta, duzu ɔ? Duzu a ɛkpondɛ a? Saa ɛkpondɛ me maanle ye foa ko bɔbɔ a, ɛ sa baha ye.”

Ɛseta Buluku ne 5:3 ပူးပေါင်းရင်းမြစ်များ

1 Arl 2:20

na ɔ nli hanle hilele ye kɛ, “Mesɛlɛ wɔ debie ekyi; dwenle nwolɛ, mebodo wɔ, mmakɔsɔ ɛ ti.” Belemgbunli zele ye kɛ, “Ɔmɔ, duzu debie ɔ? Biza na mebabua wɔ gyɛlɛɛnye.”

1 Arl 3:5

Kenle ko ne nɔe ne Ɛdɛnkɛma yele ɔ nwo hilele ye wɔ ɛlalɛ nu na ɔzele ye kɛ, “Duzu a ɛkpondɛ kɛ meyɛ memaa wɔ a?”

Nihɛmaya Buluku ne 2:4

Na belemgbunli ne bizale me kɛ, “Duzu a menyɛ memaa wɔ a?” Menzɛlɛle anwuma anwuma Nyamenle ne

Ɛseta Buluku ne 5:4

Ɛseta buale ye kɛ, “Nana, mesɛlɛ wɔ, saa mekola ye ka a anrɛɛ mese saa ɛkulo a ɛ nee Heeman bɛrɛla me ɛkɛ ɛnɛ nɔsolɛ na meyɛ debie mezie wɔ na bɛrakpula bɛ sa.”

Ɛseta Buluku ne 5:6

Mekɛ mɔɔ ɛnee bɛwɔ zolɛ bɛlɛno nwanye la, belemgbunli bizale Ɛseta kɛ, “Duzu a ɛkpondɛ a? Debie mɔɔ ɛkpondɛ la, mebayɛ meamaa wɔ. Duzu a ɛkpondɛ a? Saa ɛkulo me belemgbunli maanle ye foa ko bɔbɔ a, mebava meamaa wɔ.”

Ɛseta Buluku ne 7:2

Na ye kenle nwiɔ ne azo, mekɛ mɔɔ ɛnee bɛlɛno nwanye la, belemgbunli ne eza bizale Ɛseta kɛ, “Belemgbunli Raalɛ Ɛseta, duzu a ɛkulo kɛ meyɛ memaa wɔ a? Duzu a ɛkpondɛ a? Debie biala mɔɔ ɛkulo la ka na mebava meamaa wɔ. Saa ɛkpondɛ me maanle ye foa ko bɔbɔ a, ɛ sa baha ye.”

Ɛseta Buluku ne 9:12

Na belemgbunli ne zele Belemgbunli Raalɛ Ɛseta kɛ, “Wɔ Susa sua bɔdenle ye azo angome, Dwuuma ɛhu menli ɛya nnu. Heeman amra mrenya bulu ne boka nwolɛ. Na menea a maanzinli ne mɔ anu ɛdeɛ ne kɛyɛ ɛzulolɛ. Kɛkala duzu yɛɛ akee ɛkpondɛ a? Mɔɔ ɛkpondɛ la, ɛ sa baha ye. Duzu bieko a ɛkpondɛ a? Ka, na mebayɛ meamaa wɔ.”

Edwɛkpa ne kɛmɔ Maake hɛlɛle la 6:23

Akee ɔhanle ndane kɛ, “Debie biala mɔɔ ɛkulo la, biza, saa me belemgbunli maanle ye foa ko bɔbɔ a, menwɔva menwɔmaa wɔ.”

Edwɛkpa ne kɛmɔ Luku hɛlɛle la 18:41

“Duzu a ɛkulo kɛ meyɛ memaa wɔ a?” Na ɔbuale kɛ, “Yɛmenle, mekulo kɛ menwu debie bieko.”

Ɛzoanvolɛma Gyima ne 23:19

Na sogyama kpanyinli ne zɔle kpavolɛ ne asa, ɔvale ye ɔhɔle ahane, na ɔbizale ye kɛ, “Duzu edwɛkɛ a ɛ nee ye rale a?”