Ɛseta Buluku ne 5:2 - BAEBOLO ANZƐƐ BULUKU NWUANZANWUANZA

² Belemgbunli ne nwunle Belemgbunli Raalɛ Ɛseta kɛ ɔgyi alie ne anwo la, ɔ nye liele, na ɔkpogyale ye tumi ezukoa nvutuke kpɔma ne ati zo ɔhilele ye. Ɛseta dudule agyakɛ hɔle ɔ nyunlu na ɔvale ɔ sa ɔhɔhanle belemgbunli tumi kpɔma ne ati.

Ɛseta Buluku ne 5:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 32:28

Nrenya ne zele kɛ, “Bɛnrɛvɛlɛ wɔ Gyekɔbo bieko, bɛbavɛlɛ wɔ Yizilayɛ ɔluakɛ ɛ nee Nyamenle nee menli ɛpele, na wɔli konim.”

Nihɛmaya Buluku ne 1:11

O Awulae, gyele ɛ nzo tie wɔ sonvolɛ ye nzɛlɛlɛ, na tie wɔ sonvolɛma mɔɔ lɛ wɔ duma ne anwo ɛzulolɛ la nzɛlɛlɛ; maa saleɛ ɛdoa wɔ sonvolɛ na maa maanle maanle belemgbunli ne ɛnwu ye anwunvɔne ɛnɛ.” Mekɛ ne anu ɛnee mame a mesu belemgbunli ne nza a.

Ɛseta Buluku ne 2:9

Higae anye liele Ɛseta anwo kpole na ɛkɛ ne ala ɔbɔle ye ɛhehanlɛ bo. Eza ɔmanle ye nwolɛ aleɛ kpalɛ. Higae eza manle ye ɛleka kpalɛ wɔ belemgbunli sua nu ɛkɛ ne mraalɛ nu, na ɔkpale nu ɔyele mbɛlɛra nsuu wɔ suakunlu ɛkɛ ne kɛ bɛzonle Ɛseta.

Ɛseta Buluku ne 4:11

“Mɛla mɔɔ wɔ suakunlu ɛke la a le kɛ, awie biala, nrenya o, raalɛ o, mɔɔ bɛanvɛlɛ ye na ɔkɛwolo belemgbunli suakunlu ɛkɛ ne kɛ ɔkanwu ye la, ɔwɔ kɛ bɛku ye. Awie biala, ɛbɔ ye belemgbunli folɛdulɛma anwo zo toonwo badwu menli mɔɔ wɔ maanle ye maanzinli ne mɔ kɔsɔɔti anu la, ze mɛla ɛhye. Kyesɛ sonla mɔɔ belemgbunli ne kɛkpogya ye tumi nvutuke kpɔma ne zo kɛhile ye la, yɛɛ kɛnyia ɔ ti a. Na mame noko, ye siane ko ɛne, belemgbunli ɛtɛfɛlɛle me.”

Ɛseta Buluku ne 8:4

Belemgbunli ne kpogyale ye tumi ezukoa nvutuke kpɔma ne ati zo hilele Ɛseta,

Edwɛndolɛ Buluku ne 116:1

Mekulo Ɛdɛnkɛma, ɔboalekɛ yede me ne nee me modolɛ nzɛlɛlɛ.

Mrɛlɛbulɛ Buluku ne 21:1

Belemgbunli biala adwenle le kɛ azudenle wɔ Ɛdɛnkɛma asa anu; ɛleka mɔɔ ɔkulo la yɛɛ ɔmaa ɔse ɔdua a.

Ɛzoanvolɛma Gyima ne 10:4

Ɔnwunle Nyamenle soanvolɛ ne la, ɛzulolɛ hanle ye na ɔhanle kɛ, “Yɛmenle, duzu edwɛkɛ ɔ?” Nyamenle soanvolɛ ne buale ye kɛ, “Nyamenle ɛde wɔ nzɛlɛlɛ na yenwu wɔ ahunlunyele gyima ne amuala.

Ɛzoanvolɛma Gyima ne 7:10

na ɔyele ye ɔvile ye amaneɛnwunlɛ muala anu. Mɔɔ Dwosefi dwule Yigyibiti belemgbunli ne (Falo) anyunlu la, Nyamenle manle ye nrɛlɛbɛ na ɔlua zo ɔnyianle ɔ nyunlu. Na Yigyibiti belemgbunli yɛle ye amɛnlado wɔ ye maanle ne anu nee ye suakunlu ɛkɛ ne neavolɛ.