Ɛseta Buluku ne 5:14 - BAEBOLO ANZƐƐ BULUKU NWUANZANWUANZA

¹⁴ Ɔ nloa penle la, ɔ ye Zilɛhye nee ɔ gɔnwo mɔ zuzule hilele ye kɛ, “Na maa bɛziezie ɛzinzelɛ ɛhuleka, mɔɔ ye anwumahɔlɛ bayɛ mita abulanwiɔ nee nwiɔ la na ɛhyema nwonlomɔ ka kile belemgbunli ne maa ɔmaa bɛzinze Mɔdekae wɔ zolɛ bɛhu ye ɛ? Ɛyɛ ɛhye ɛwie a, akee wɔava anyelielɛ wɔahɔ ɛkponledolɛ ne abo.” Heeman liele dole nuhua, na amgba noko ɔmanle bɛzieziele ɛzinzelɛ ɛhuleka ne.

Ɛseta Buluku ne 5:14 ပူးပေါင်းရင်းမြစ်များ

2 Sam 16:21

Ahetɔfɛle zele Abesalɛm kɛ, “Ɛ ze mgbɔnla ne mɔ mɔɔ yegyakyi bɛ kɛ bɛzinza suakunlu ɛkɛ ne la, ɛ nee bɛ kɔsɔɔti ɛla. Ɛhye bamaa Yizilayɛma kɔsɔɔti anwu kɛ ɛ nee ɛ ze bɛpɛ amodinli nu, na menli mɔɔ li ɛ nzi la banyia akɛnrazilɛ.”

1 Arl 21:25

(Awie anyɛ nyɛleɛ ɛtane kpole antia Ɛdɛnkɛma, kɛmɔ Ehabe yɛle la. Ɔ ye Gyɛzɛbɛle a zile ye adua manle ɔbɔle ɛbɛla zɔhane a.

1 Arl 21:7

Ɔ ye zele ye kɛ, “Na tɛ wɔmɔ a ɛsie Yizilayɛ maanle ye ɔ? Wɔmɔ dwazo di debie maa ɛ nye ɛlie na Neebɔto ɛya ne, mame, mebava meamaa wɔ!”

Ɛseta Buluku ne 6:4

Belemgbunli ne bizale kɛ, “Na nwane a wɔ ɛkɛ ne a?” Mekɛ ne anu ala ɛnee Heeman ɛra suakunlu ɛkɛ ne alie ne anwo kɛ ɔbaha Mɔdekae ɛhunlɛ nwo edwɛkɛ yeahile ye. Ɛnee Heeman ɛziezie ɛleka mɔɔ bɛbazinze Mɔdekae bɛahu ye la ɛwie.

Edwɛndolɛ Buluku ne 37:14

Amumuyɛma twe dadeɛ na bɛkpo bɛ ɛda ne mɔ, kɛ bɛku ehyianli ne nee mɔɔ ɛhyia la, kɛ bɛku bɛdabɛ mɔɔ bɛdi pɛlepɛle la;

Edwɛndolɛ Buluku ne 37:32

Amumuyɛnli bu tenlenenli anyehoanlɛ, na ɔbɔ mɔdenle kɛ ɔku ye.

Edwɛndolɛ Buluku ne 9:15

Menli mɔɔ ɛnze Nyamenle la ɛzua ɛhane ɛhye bɛ nwo; bɛgua kuma mɔɔ bɛdabɛ bɛvu la anu.

Mrɛlɛbulɛ Buluku ne 1:18

Menli ɛhye mɔ kɔ bɛdabɛ bɛ ngome bɛ ngoane nwo nzia, bɛdabɛ bɛ ngome bɛ mogya yɛɛ bɛkɔ nwolɛ nzia a.

Mrɛlɛbulɛ Buluku ne 4:16

ɔluakɛ menli mɔɔ fa zɔhane adenle zo la ɛnla kyesɛ bɛli ɛtane. Saa bɛtɛmanle awie ɛtɛtule koti a, bɛngola da,

Wulo 1:32

Bɛze noko kɛ Nyamenle mɛla ne kile kɛ bɛdabɛ mɔɔ bɛbɔ ɛbɛla zɛhae mɔ la fɛta ewule, noko bɛyɛ, yɛɛ bɛsi awie mɔ adua bɛmaa bɛyɛ bie.

Wulo 3:15

Bɛle ahɔdiawu,

Yekile 11:10

Menli mɔɔ wɔ azɛlɛ ye azo la bali fɛlɛko kɛ menli nwiɔ zɔhane ɛwu a. Bɛbali fɛlɛko, bɛ nye balie, na bɛava ahyɛlɛ ninyɛne bɛamaa bɛ nwo ngoko, ɔboalekɛ Nyamenle kpɔmanvolɛma nwiɔ zɔhane yɛle ngyegyelɛ kpalɛ manle aleɛabo amra amuala.