Ɛseta Buluku ne 5:1 - BAEBOLO ANZƐƐ BULUKU NWUANZANWUANZA

¹ Kenle nsa ne dwule la, Ɛseta wulale ye belemgbunli raalɛ tɛladeɛ ne na ɔhɔgyinlanle suakunlu ɛkɛ ne alie ne anwo, ɛleka mɔɔ nee belemgbunli asalo kpole ne anye bɔ zolɛ la. Mekɛ ne anu ɛnee belemgbunli ne de ye ebia nu wɔ ye sua ne anu, ɛleka mɔɔ nee suakunlu ɛkɛ ne anuhɔlɛ ne anye bɔ zolɛ la.

Ɛseta Buluku ne 5:1 ပူးပေါင်းရင်းမြစ်များ

Ɛseta Buluku ne 1:11

Ɔzele bɛ kɛ bɛhɔze Belemgbunli Raalɛ Vahyetae kɛ ɔzoa ye belemgbunli kyɛlɛ ne na ɔ nee bɛ ɛlua nwolɛ ɛrɛla. Ɔyɛle ɛhye amaa saa ɔba a yeanyia adenle yeava belemgbunli raalɛ ne anwofɛlɛko ne yeadu ɔ nloa anu wɔ menli ne anyunlu, ɔluakɛ ɛnee belemgbunli raalɛ ne anwo yɛ fɛ kpole kpalɛ.

Ɛseta Buluku ne 2:5

Dwuunli bie wɔ suakpole Susa azo, bɛfɛlɛ ye Mɔdekae. Ɔ ze a le Gyeeyɛɛ, Gyeeyɛɛ ɔ ze a le Hyemɛyae, yɛɛ Hyemɛyae ɔ ze a le Kɛhye mɔɔ vi Bɛngyaman abusua ekpunli ne anu la.

Ɛseta Buluku ne 4:11

“Mɛla mɔɔ wɔ suakunlu ɛke la a le kɛ, awie biala, nrenya o, raalɛ o, mɔɔ bɛanvɛlɛ ye na ɔkɛwolo belemgbunli suakunlu ɛkɛ ne kɛ ɔkanwu ye la, ɔwɔ kɛ bɛku ye. Awie biala, ɛbɔ ye belemgbunli folɛdulɛma anwo zo toonwo badwu menli mɔɔ wɔ maanle ye maanzinli ne mɔ kɔsɔɔti anu la, ze mɛla ɛhye. Kyesɛ sonla mɔɔ belemgbunli ne kɛkpogya ye tumi nvutuke kpɔma ne zo kɛhile ye la, yɛɛ kɛnyia ɔ ti a. Na mame noko, ye siane ko ɛne, belemgbunli ɛtɛfɛlɛle me.”

Ɛseta Buluku ne 4:16

“Kɔ na kɔboɔboa Dwuuma mɔɔ wɔ Susa ɛke la amuala anloa, maa bɛhye ɛhɔne na bɛzɛlɛ bɛmaa me. Bɛmmadi debie biala yɛɛ bɛmmano nzule toonwo kenle nsa. Me nee me sonvolɛ mraalɛ ne mɔ yɛdayɛ yɛbayɛ zɔhane ala. Ɛhye anzi, mebahɔ belemgbunli ɛkɛ. Ɛhye tia mɛla ne bɔbɔ ɛdeɛ, noko saa ɔlua ɛhye ati na ɔwɔ kɛ mewu a, menwɔwu.”

Ɛseta Buluku ne 4:17

Akee Mɔdekae hɔle na ɔhɔyɛle debie biala mɔɔ Ɛseta zele ye la.

Ɛseta Buluku ne 6:4

Belemgbunli ne bizale kɛ, “Na nwane a wɔ ɛkɛ ne a?” Mekɛ ne anu ala ɛnee Heeman ɛra suakunlu ɛkɛ ne alie ne anwo kɛ ɔbaha Mɔdekae ɛhunlɛ nwo edwɛkɛ yeahile ye. Ɛnee Heeman ɛziezie ɛleka mɔɔ bɛbazinze Mɔdekae bɛahu ye la ɛwie.

Ɛseta Buluku ne 8:15

Akee Mɔdekae vi belemgbunli sua nu finde a ɔwula belemgbunli tɛladeɛ buluwu nee fufule, na ɔsoa belemgbunli ezukoa nvutuke kyɛlɛ, na yeava dwɛsɛ ɛdanlɛ anye nwohyee nee kɔkɔlɛ kɛnlɛma bie yeagua zolɛ. Ɔvi belemgbunli sua nu ɔfinde a ɛnee awie biala anye ɛlie.

Edwɛkpa ne kɛmɔ Mateyu hɛlɛle la 10:16

“Bɛdie! Melɛsoa bɛ kɛ mboane la wɔ bedi avinli. Bɛmaa bɛ nye ɛla bɛ nwo zo kɛ nwɔlɛ, noko bɛyɛ bɛlɛvo kɛ abubule.

Edwɛkpa ne kɛmɔ Mateyu hɛlɛle la 11:8

Na duzu a bɛhɔle ye ɛnleanlɛ a? Awie mɔɔ heda ɛdakpa la ɔ? Bɛdabɛ mɔɔ bɛheda ɛdakpa la dede arelemgbunli azua nu.

Edwɛkpa ne kɛmɔ Mateyu hɛlɛle la 27:64

Yemɔti maa adenle maa bɛzinza sɛka ne kpalɛ ɔhɔkpula kenle nsa ne, amaa ye ɛdoavolɛma ne angɔnwua ye, na bɛaraha bɛahile menli kɛ, ‘Bɛdwazo ye bɛvi ewule nu.’ Saa ɛhye si a, adalɛ ɛhye kɛdɛla alumua ɛdeɛ ne bɔkɔɔ.”

Edwɛkpa ne kɛmɔ Luku hɛlɛle la 22:30

Bɛ nee me badɛnla me ɛkponle nwo, bɛali debie na bɛanlo wɔ me Belemgbunlililɛ ne anu, na bɛbadɛnlɛdɛnla arelemgbunli mbia zo bɛabua mbusua bulu nee nwiɔ ne ndɛne.”

Yekile 3:21

Mɔɔ kɛli konim la, mebamaa ye adenle meamaa yearadɛnla me nwo ɛkɛ ne wɔ me belemgbunli ebia ne azo, kɛmɔ meli konim na mede Egya anwo ɛkɛ ne wɔ ye belemgbunli ebia ne azo la.