Ɛseta Buluku ne 4:4 - BAEBOLO ANZƐƐ BULUKU NWUANZANWUANZA

⁴ Mɔɔ Ɛseta sonvolɛ mraalɛ nee mrenya ne mɔ nwunle mɔɔ Mɔdekae ɛlɛyɛ la, bɛhanle bɛhilele ye, na ye adwenle zɛkyele. Ɛhye ati ɔvale adɛladeɛ kɛ bɛva bɛhɔmaa Mɔdekae ɛwula na ɔkpa ɛrele ne ɔgua, noko Mɔdekae anlie.

Ɛseta Buluku ne 4:4 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:35

Ɔ mra mrenya ne mɔ nee ɔ mra mraalɛ ne mɔ amuala rakyekyele ɔ rɛle, noko yeamkponle na ɔhanle kɛ, “Kyɛkyɛ, mebava nyane meawu meahɔ ɛbolɔ lɔ meahɔdo me ra ne.” Na ɔ ze hɔle zolɛ zunle ye.

2 Arl 9:32

Gyihu manle ɔ ti zo nleanle ye wɔ nvɛnzɛlɛ ne anu na ɔbizale kɛ, “Nwane mɔ a wɔ me nzi a?” Ɛkɛ ne ala suakunlu ɛkɛ ne sonvolɛma nwiɔ anzɛɛ nsa wulale bɛ ti nvɛnzɛlɛ ne mɔ ko anu nleanle Gyihu anyunlu.

Ɛseta Buluku ne 1:12

Na Belemgbunli Raalɛ Vahyetae dule ɔ gye. Ɛhye ati belemgbunli ne ahonle futule na ɔvale ɛya.

Ɛseta Buluku ne 4:3

Maanle ne anu ɛleka biala mɔɔ bɛkɛde belemgbunli ne nolo ne la, Dwuuma mɔɔ wɔ ɛkɛ ne la di nyane kpalɛ, bɛdi buada, na bɛsu bɛye awolɛ. Bɛ nuhua dɔɔnwo bɔbɔ fa nzonle bɔ bɛ nwo na bɛkeda ɛrele bɛda.

Ɛseta Buluku ne 4:5

Akee Ɛseta vɛlɛle Hatakye, mɔɔ le sonvolɛ nrenya mɔɔ belemgbunli ne ɛye ye kɛ ɔzonle Ɛseta la, na ɔzoanle ye kɛ ɔhɔbiza Mɔdekae deɛ holɛ ko mɔɔ ɔlɛyɛ la abo, nee kɛ ɔyɛle mɔɔ ɔrale ye zɔhane la.

Edwɛndolɛ Buluku ne 77:2

Mekpondɛ Awulae wɔ me amaneɛnwunlɛ mekɛ nu; aledwolɛ nu metɛlɛdɛlɛ me sa nu mesɛlɛ, menvɛ fee; me ɛkɛla ɛmkponle kɛ bɛkɛkyekye ɔ rɛle.

Ayezaya Buluku ne 56:3

Ɛyɛvolɛ biala mɔɔ ɛradɛnla Ɛdɛnkɛma menli ne avinli la mmaka kɛ, “Ɛdɛnkɛma baye me avi ye menli ne avinli.” Nrenya mɔɔ bɛza ye noko la mmaka kɛ, “Bɛnlea, meyɛ baka wulera.”

Gyɛlɛmaya Buluku ne 31:15

Ɛdɛnkɛma se, “Mede ɛnelɛ bie wɔ Releema, ɔle awolɛyelɛ nee alɔbɔlɛ ɛzunlɛ, Relahyɛle ɛlɛsu ɔ mra, ɔ mra ne mɔ ɛwie wu, yemɔti bɛkpɔda ye a ɔndie.

Ɛzoanvolɛma Gyima ne 8:27

Na Felepe zile nu hɔle. Ɛnee Yiteyopeanli kpanyinli bie mɔɔ le abɔlɔba kpanyinli mɔɔ nea Yiteyopea Belemgbunli Raalɛ ne gya zo la ɔdaye ɔlua adenle ne azo. Ɔhɔle Nyamenle ɛzonlenlɛ wɔ Gyɛlusalɛm na ɔde ye ehwili nu yezia ɔlɛkɔ ye sua zo. Mɔɔ ɔde ehwili ne anu la ɛnee ɔlɛkenga Nyamenle kpɔmanvolɛ Ayezaya nwoma ne.

1 Sam 8:15

Ɔbahyɛ awie biala abɛlɛ nee ye vanye ma ne mɔ anu bulu yeadu ɛkpɔ ngoko yeamaa ye suakunlu mgbanyima nee ye sonvolɛma.