Ɛseta Buluku ne 4:11 - BAEBOLO ANZƐƐ BULUKU NWUANZANWUANZA

¹¹ “Mɛla mɔɔ wɔ suakunlu ɛke la a le kɛ, awie biala, nrenya o, raalɛ o, mɔɔ bɛanvɛlɛ ye na ɔkɛwolo belemgbunli suakunlu ɛkɛ ne kɛ ɔkanwu ye la, ɔwɔ kɛ bɛku ye. Awie biala, ɛbɔ ye belemgbunli folɛdulɛma anwo zo toonwo badwu menli mɔɔ wɔ maanle ye maanzinli ne mɔ kɔsɔɔti anu la, ze mɛla ɛhye. Kyesɛ sonla mɔɔ belemgbunli ne kɛkpogya ye tumi nvutuke kpɔma ne zo kɛhile ye la, yɛɛ kɛnyia ɔ ti a. Na mame noko, ye siane ko ɛne, belemgbunli ɛtɛfɛlɛle me.”

Ɛseta Buluku ne 4:11 ပူးပေါင်းရင်းမြစ်များ

Ɛseta Buluku ne 1:19

Nana, saa ɛkɛkponle a anrɛɛ mese ɛmaa bɛhɛlɛ mɛla ɛhye bɛboka Pɛhyeama nee Mideama maamɛla ne anwo mɔɔ bɛngakyi ye ɛlɛ a, kɛ ɔvi ɛnɛ mɔɔ kɔ la, Vahyetae agyakɛ ba ɛnrɛtia Belemgbunli Zɛzɛse anwo ɛkɛ ne bieko ɛlɛ; na fa ye dehelɛ gyinlabelɛ ne maa raalɛ mɔɔ lɛ subane kpalɛ la.

Ɛseta Buluku ne 2:14

Ɔkɔ nɔsolɛ nu na ɔba nwonlomɔ a, bɛfa ye bɛkɔ ɛleka mɔɔ belemgbunli mgbɔnla ne mɔ wɔ la. Ɛleka ɛhye, sonvolɛ mɔɔ nea ɛkɛ ne la a le Hyeeyahyegaze. Saa bɛlɛra mɔɔ kɛhɔ belemgbunli ɛkɛ ne la sia ba a, ɔngɔ bieko, kyesɛ belemgbunli ne anye liele ɔ nwo. Saa ɔba ye zɔhane a belemgbunli ne soa maa bɛkɔfɛlɛ ye.

Ɛseta Buluku ne 4:10

na Ɛseta vale nrɛlaleɛ manle Hatakye kɛ ɔva ɔhɔmaa Mɔdekae kɛ,

Ɛseta Buluku ne 4:12

Mɔdekae dele Ɛseta nrɛlaleɛ ne la,

Ɛseta Buluku ne 6:4

Belemgbunli ne bizale kɛ, “Na nwane a wɔ ɛkɛ ne a?” Mekɛ ne anu ala ɛnee Heeman ɛra suakunlu ɛkɛ ne alie ne anwo kɛ ɔbaha Mɔdekae ɛhunlɛ nwo edwɛkɛ yeahile ye. Ɛnee Heeman ɛziezie ɛleka mɔɔ bɛbazinze Mɔdekae bɛahu ye la ɛwie.

Ɛseta Buluku ne 8:4

Belemgbunli ne kpogyale ye tumi ezukoa nvutuke kpɔma ne ati zo hilele Ɛseta,

Daneɛle Buluku ne 2:9

saa bɛannwu me ɛlalɛ ne bɛanga, bɛangile ɔ bo a, ɛza ko ala a mebava meahwi bɛ a. Bɛyɛ ko kɛ bɛbɔ adalɛ bɛahwenlehwenle bɛ bo aze bɛava bɛazɛkye mekɛ. Bɛha ɛlalɛ ne bɛhile me bɛmaa menwu kɛ bɛkɛhola ɔ bo kile.”

1 Pit 3:7

Zɔhane ala yɛɛ bɛmɛ mrenya noko, saa bɛ nee bɛ ye mɔ de a ɔwɔ kɛ bɛnwu ye kɛ bɛle mraalɛ na bɛnlɛ anwosesebɛ a. Yemɔti bɛli bɛ eni, ɔboalekɛ bɛ nee bɛ bɛ muala a bɛbanyia Nyamenle ngoane ɛlolɛ ahyɛlɛdeɛ ne a. Bɛyɛ ɛhye, amaa debie biala andenda bɛ gyakɛ anu wɔ bɛ nzɛlɛlɛ nu.