Ɛseta Buluku ne 4:1 - BAEBOLO ANZƐƐ BULUKU NWUANZANWUANZA

¹ Mekɛ mɔɔ Mɔdekae dele edwɛkɛ mɔɔ ɛzi la, ɔsuosuanle ye tɛladeɛ ne mɔɔ ɔwula la anu, na ɔvale ɛrele ɔhedale, na ɔvale nzonle ɔbɔle ɔ nwo, na akee ɔvale ɛzunlɛ ɔyele awolɛ ɔdudule gua toonwo ɔhɔdwule suakpole ne avinli lɔ.

Ɛseta Buluku ne 4:1 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 27:34

Yisɔ dele ɔ ze edwɛkɛ ne la, ɔzunle kpole kpalɛ; ɔzunle alɔbɔlɛ nee nyane ɛzunlɛ na ɔbodole ɔ ze kɛ, “Egya, yileyila me, medame zɛhae noko.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:34

Na Gyekɔbo suosuanle ye tɛladeɛ ne mɔɔ ɔwula la anu, ɔvale ɛrele ɔpɛle ɔ bo, na ɔzunle ɔ ra ne mekɛ dɔɔnwo.

2 Sam 1:11

Devidi vale nyane ngome suosuanle ye tɛladeɛ ne anu, na ye menli mɔɔ nee ye lua la yɛle zɔhane ala.

2 Sam 13:19

Teemaa suosuanle tɛladeɛ ne mɔɔ ɔwula la anu na ɔvulale nzonle ɔguale ɔ ti zo. Ɔvale ɔ sa ɔguale ɔ ti zo na ɔzunle. Mɔɔ ɔlɛkɔ la ɛnee ɔlɛsu.

Ɛseta Buluku ne 4:2

Ɔhɔle toonwo ɔhɔle belemgbunli ne anuhɔlɛ kpole ne anloa, noko yeanwolo nu, ɔluakɛ bɛngeda ɛrele bɛngɔ suakunlu ɛkɛ ne.

Ɛseta Buluku ne 4:3

Maanle ne anu ɛleka biala mɔɔ bɛkɛde belemgbunli ne nolo ne la, Dwuuma mɔɔ wɔ ɛkɛ ne la di nyane kpalɛ, bɛdi buada, na bɛsu bɛye awolɛ. Bɛ nuhua dɔɔnwo bɔbɔ fa nzonle bɔ bɛ nwo na bɛkeda ɛrele bɛda.

Dwobu Buluku ne 1:20

Akee Dwobu dwazole, ɔsuosuanle tɛladeɛ mɔɔ ɔwula la anu, ɔkpale ɔ ti, ɔdule ɔdɔle aze na ɔyeyɛle Nyamenle.

Dwobu Buluku ne 2:8

Dwobu hɔdɛnlanle fovolɛ zo yɛɛ ɔfa foandɛkɛ ɔfonvoa ɔ nwo a.

Dwobu Buluku ne 42:6

yemɔti mebɔ anyiemgba na menlu me nwo; mebɔ ndɛtɛlɛ nee nzonle.”

Ayezaya Buluku ne 15:4

Hɛhyebɔnoma nee Ɛlɛyalima ɛlɛsu. Bɛte bɛ ne wɔ Gyeehaze, yemɔti akee Mowabe ɛlɔnema ɛlɛsu kpole kpalɛ na bɛ nwo wozo bɛ.

Ayezaya Buluku ne 22:4

Yemɔti menganle kɛ, “Awie biala mmanea me; bɛmaa menzu mendwi monle kpalɛ; bɛmmapele kɛ bɛkyekye me rɛle wɔ me menli ne mɔ mɔɔ bɛhu bɛ la ati!”

Ayezaya Buluku ne 37:1

Mɔɔ Belemgbunli Hɛzikaya dele edwɛkɛ ne la, nyane ngome manle ɔsuosuanle ye adɛladeɛ mɔɔ ɔwula la anu, ɔvale ɛrele adɛladeɛ ɔwulale na ɔhɔle Ɛdɛnkɛma Ɛzonlenlɛ Sua ne anu.

Ayezaya Buluku ne 37:2

Ɔzoanle Yilayakem, mɔɔ nea belemgbunli suakunlu ɛkɛ ne la, kɔɔto kɛlɛhɛlɛvolɛ Hyɛbena, yɛɛ sɛlɛvolɛ mgbanyinli ne mɔ wɔ Nyamenle kpɔmanvolɛ Ayezaya mɔɔ ɔ ze a le Emɔzo la anwo ɛkɛ. Bɛdabɛ noko bɛwulale ɛrele adɛladeɛ a bɛhɔle a.

Ayezaya Buluku ne 58:5

Asoo ɛhɔnehyelɛ mɔɔ medi ye edwɛkɛ la, yemɔ a le ɛhye, kɛ bɛkɛzie kenle, bɛkɛbɛlɛ bɛ nwo aze, bɛkɛsisi bɛ ti aze kɛ ɛhonle, na bɛkɛdɛlɛdɛlɛ nzonle nee ɛrele nu bɛkɛla zolɛ la ɔ? Bɛfɛlɛ ɛhye ɛhɔnehyelɛ, yɛɛ bɛnea a ɔle kenle mɔɔ kɛzɔ medame Ɛdɛnkɛma me nye ɔ?

Yizikeɛle Buluku ne 21:11

Yemɔti bɛva dadeɛ ne bɛmaa kɛ bɛhwi nwolɛ, amaa bɛava bɛali gyima. Bɛzi na bɛhwi nwolɛ, amaa bɛava bɛamaa mɔɔ ku sonla la.

Yizikeɛle Buluku ne 21:6

“Sonla ra, gu ɛnwomenle, kponle ɛ bo kɛ ɛlɛdi nyane kpole bie la wɔ bɛ nye zo ɛkɛ ne.

Daneɛle Buluku ne 9:3

Mengyele ɛhɔne, mengedale ɛrele, membɔle nzonle na membodole menzɛlɛle Awulae Nyamenle.

Maeka Buluku ne 1:8

Na Maeka hanle kɛ, “Ɔlua ɛhye ati mebazu meaye awolɛ, mebakpa me nwo, mealɛ me nwo zɔ, meaye awolɛ kɛ ɛsɛlɛ zo ɛzonlɛ, na meali nyane kɛ anloma soholo,

Zɛfanaya Buluku ne 1:14

Ɛdɛnkɛma kenle kpole ne ɛbikye. Ɔnrɛhyɛ biala, yebikye kpalɛ. Ɛzunlɛ mɔɔ bade Ɛdɛnkɛma kenle ne la bayɛ alɔbɔlɛ, ɔluakɛ kenle zɔhane, katakyiema bazu alɔbɔlɛ ɛzunlɛ.

Edwɛkpa ne kɛmɔ Mateyu hɛlɛle la 11:21

“Munzule ɛha bɛdabɛ mɔɔ bɛwɔ Koleezen la! Munzule ɛha bɛdabɛ mɔɔ bɛwɔ Bɛteseeyeda la! Nwanwane gyima mgbole mɔɔ bɛyɛle wɔ bɛ azua ne mɔ azo la, saa bɛyɛle bie wɔ Taya nee Saedɛn a, anrɛɛ menli mɔɔ wɔ zo la hedale ɛrele, bɔle nzonle, bɛvale bɛhilele kɛ bɛnlu bɛ nwo wɔ bɛ ɛtane ne mɔ anwo.

Ɛzoanvolɛma Gyima ne 14:14

Mɔɔ Baanabase nee Pɔɔlo dele mɔɔ menli ne mɔ kpondɛ ayɛ la, ɔyɛle bɛ azibɛnwo. Yemɔti bɛsuosuanle bɛ adɛladeɛ ne mɔ anu na bɛnriandile bɛhɔle menli ne avinli na bɛzele bɛ kɛ,

Dwɔhyua Buluku ne 7:6

Dwɔhyua nee Yizilayɛ mgbanyima ne mɔ tetele bɛ adɛladeɛ ne mɔ bɛvale bɛhilele nyane mɔɔ ɛha bɛ la, na bɛdule bɛguale mutule nu wɔ Ɛdɛnkɛma Ngyekyeleɛ Ɛlɛka ne anyunlu, na bɛguale ɛkɛ ne toonwo nɔsolɛ nu; eza bɛvulale ɛnwea bɛguale bɛ ti zo bɛhilele kɛ bɛlɛdi nyane.

Yekile 11:3

Mebamaa me dasevolɛma nwiɔ aheda ɛrele arabɔ Nyamenle edwɛkɛ ne nolo kenle apenle ko ɛya nwiɔ abulasia (1260).”