Ɛseta Buluku ne 3:9 - BAEBOLO ANZƐƐ BULUKU NWUANZANWUANZA

⁹ Saa ɛ nee me kɛyɛ adwenle a, anrɛɛ mese ɛyɛ ye mɛla ɛmaa bɛhu bɛ muala. Ɛkponle ɛhye azo a, mebadua dwɛtɛ fufule ‘talɛnte’ apenle bulu meamaa menli mɔɔ nea belemgbunli ne gyima zo la, amaa bɛava bɛagua wɔ gya ne anu.”

Ɛseta Buluku ne 3:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 23:16

Ebileham kponlenle zolɛ na ɔzuzule dwɛtɛ fufule ne ɔmanle Yifolɔn, ɔmanle Hɛtema mɔɔ rayiale ɛkɛ ne la amuala nwunle ye. Ɔle dwɛtɛ fufule ɛya nna, kɛmɔ gualilɛma ɛzuzudeɛ ne mɔɔ bɛfa bɛsuzu bɛ ezukoa la kile la.

Ɛseta Buluku ne 3:10

Yemɔti belemgbunli ne yele ɔ sa kpɔdelera ne mɔɔ ɔfa ɔsi kɛlata zo ɔyɛ mɛla la ɔmanle Agagenli Heeman, mɔɔ le Hamɛdeeta ara nrenya ne mɔɔ kpɔ Dwuuma la,

Ɛseta Buluku ne 3:8

Akee Heeman hanle hilele Belemgbunli Zɛzɛse kɛ, “Menli bie mɔɔ bɛdabɛ asolo bɛ amaamuo la ɛde ɛkponde wɔ maanle maanle mɔɔ ɛsie bɛ la amuala anu. Bɛnli wɔ mɛla ɛdeɛ ne azo. Ɛhye ati ɔnle kpalɛ kɛ belemgbunli kɛlie bɛ wɔ ye maanle ye anu.

Ɛseta Buluku ne 4:7

Mɔdekae hanle mɔɔ ɛzi ɔ nwo zo la amuala hilele ye nee ezukoa mɔɔ Heeman ɛbɔ ɛwɔkɛ kɛ saa bɛku Dwuuma amuala a ɔkɛdua ɔkɛgua belemgbunli ne gya nu la ɔhilele ye.

Ɛseta Buluku ne 7:4

Ɔluakɛ bɛdɔne me nee me menli ne bɛmaa kɛ bɛhu yɛ bɛbɔ yɛ bo zo bɔkɔɔ. Saa bɛdɔnenle yɛ kɛ ahanra mrenya nee mraalɛ ala a, anrɛɛ ɔnvane me nwo. Ɔluakɛ yɛ kpɔvolɛ ne ɛhunlɛ mɔɔ ɔbamaa bɛahu yɛ la ɛnrɛhola ɛnrɛzie mɔɔ belemgbunli ne baminli ye la abo zo.”

Daneɛle Buluku ne 3:8

Mekɛ ɛhye anu, Babelɔnoma bie mɔ yele bɛ nyunlu kɛ bɛtoɔdoa Dwuuma ne mɔ.

Edwɛkpa ne kɛmɔ Mateyu hɛlɛle la 18:24

Mekɛ mɔɔ bɛhɔle mgbondabulɛ ne azo la, bɛvale ko mɔɔ tua ye kakɛ nzunza apenle nsa la bɛrale.