Ɛseta Buluku ne 3:5 - BAEBOLO ANZƐƐ BULUKU NWUANZANWUANZA

⁵ Heeman nwunle kɛ Mɔdekae amgba ɛmbɔ ɔ ti aze ɛmmaa ye, na ɛya hunle ye kpole.

Ɛseta Buluku ne 3:5 ပူးပေါင်းရင်းမြစ်များ

Ɛseta Buluku ne 1:12

Na Belemgbunli Raalɛ Vahyetae dule ɔ gye. Ɛhye ati belemgbunli ne ahonle futule na ɔvale ɛya.

Ɛseta Buluku ne 3:2

Sonvolɛma mɔɔ wɔ suakunlu ɛkɛ ne la amuala bɔle bɛ ti aze manle ye, kɛmɔ belemgbunli ne hanle kɛ bɛyɛ la. Na Mɔdekae ɛdeɛ, yeangoto Heeman ɛlɛ.

Ɛseta Buluku ne 3:4

Bɛbizale ye nwolɛ edwɛkɛ fane dɔɔnwo, noko yeandɛne bɛ zo. Dahuu ye edwɛkɛ a le kɛ, “Mame, mele Dwuunli.” Ɛhye ati bɛbɔle Heeman amaneɛ, amaa bɛanlea kɛ saa edwɛkɛ ne kɔda Heeman anyunlu a Mɔdekae kɛva ɔ nwo dwɔɔ.

Ɛseta Buluku ne 5:9

Kenle ko zɔhane Heeman vale anyelielɛ nee fɛlɛko ngome a hɔle a. Na mɔɔ ɔkɔ na ɔnwunle Mɔdekae wɔ suakunlu ɛkɛ ne anuhɔlɛ ne, na yeandwazo, yɛɛ ye ahonle amkputi ye bɔbɔ la, ɔvale Mɔdekae anwo ɛya kpole.

Dwobu Buluku ne 5:2

Nɔhalɛ, ɛya ku koasea, yɛɛ anyebolo ku kɔnwɔne.

Edwɛndolɛ Buluku ne 37:12

Amumuyɛnli pepɛ tenlenenli agyakɛ anzi, ɔkpɔ ye, na ɔbu ye anyehoanlɛ.

Mrɛlɛbulɛ Buluku ne 12:16

Koasea ɛyavalɛ da ali ndɛndɛ, na badwemafo ɛndwenle aholoba ɛbɔlɛ nwo.

Mrɛlɛbulɛ Buluku ne 19:19

Sonla mɔɔ fa ɛya mgbole la nwu ɔ bo aleɛ, ɔluakɛ saa ɛdie ye ɛfi munzule ko anu a, eza ɛbalie ye wɔavi bieko anu.

Mrɛlɛbulɛ Buluku ne 21:24

Sonla mɔɔ memaa ɔ nwo zo, tu ɔ nloa anu, na ɔyɛ ye debie adubɛnwo nu la, ye duma a le “Agolobɛnwo!”

Nolo 10:6

Bɛmaa menli mɔɔ ɛnze nrɛlɛbɛ la tumi gyinlabelɛ na bɛkpo sukuavolɛma.

Daneɛle Buluku ne 3:19

Nɛbukadenɛza vale ɛya kpole, ɔmunlanle kpole kpalɛ wɔ Hyeedelake, Mihyake, yɛɛ Abɛdenɛgo edwɛkɛ ne ati. Ɔmanle bɛhuanle sendɔlɔra kpole kpalɛ mɔɔ ye ɛzɔlɛ ne kpole tɛla dɛba ɛdeɛ ne mɔ fane nsuu la.