Ɛseta Buluku ne 3:2 - BAEBOLO ANZƐƐ BULUKU NWUANZANWUANZA

² Sonvolɛma mɔɔ wɔ suakunlu ɛkɛ ne la amuala bɔle bɛ ti aze manle ye, kɛmɔ belemgbunli ne hanle kɛ bɛyɛ la. Na Mɔdekae ɛdeɛ, yeangoto Heeman ɛlɛ.

Ɛseta Buluku ne 3:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 41:43

na ɔmanle ɔdɛnlanle ye konle ehwili ne mɔɔ tɔ zolɛ nwiɔ la anu, na ye sonvolɛma deanle nu kɛ, “Bɛhoto ye!” Ɛnee kɛ bɛyɛle bɛvale Dwosefi bɛziele Yigyibiti azɛlɛ ne kɔsɔɔti anloa la ɛne.

Ɛseta Buluku ne 2:19

Mekɛ dwule mɔɔ bɛboɔboale mbɛlɛra mɔɔ ɛnze mrenya la anloa bieko la, ɛnee Mɔdekae wɔ belemgbunli ne gyima nu,

Ɛseta Buluku ne 2:21

Mekɛ mɔɔ ɛnee Mɔdekae wɔ gyima nu la, sinzavolɛma nwiɔ mɔɔ nea nwolodo ne mɔɔ kɔ belemgbunli suakunlu ɛkɛ ne la hɔle Belemgbunli Zɛzɛse ati akpamo kɛ bɛku ye. Sinzavolɛma nwiɔ ne a le Begeteena nee Tilɛhye.

Ɛseta Buluku ne 2:5

Dwuunli bie wɔ suakpole Susa azo, bɛfɛlɛ ye Mɔdekae. Ɔ ze a le Gyeeyɛɛ, Gyeeyɛɛ ɔ ze a le Hyemɛyae, yɛɛ Hyemɛyae ɔ ze a le Kɛhye mɔɔ vi Bɛngyaman abusua ekpunli ne anu la.

Ɛseta Buluku ne 3:1

Nzinlii Belemgbunli Zɛzɛse yɛle nrenya bie mɔɔ bɛfɛlɛ ye Heeman, mɔɔ vi Agage abusua nu na ɔ ze a le Hamɛdeeta la sonvolɛ kpanyinli ɔmanle ɔdɛlale ye suakunlu ɛkɛ ne mgbanyima ne mɔ amuala.

Ɛseta Buluku ne 3:3

Sonvolɛma mɔɔ wɔ suakunlu ɛkɛ ne la bizale Mɔdekae kɛ, “Duzu ati a ɛnli belemgbunli ne mɛla ne azo a?”

Ɛseta Buluku ne 3:5

Heeman nwunle kɛ Mɔdekae amgba ɛmbɔ ɔ ti aze ɛmmaa ye, na ɛya hunle ye kpole.

Ɛseta Buluku ne 5:9

Kenle ko zɔhane Heeman vale anyelielɛ nee fɛlɛko ngome a hɔle a. Na mɔɔ ɔkɔ na ɔnwunle Mɔdekae wɔ suakunlu ɛkɛ ne anuhɔlɛ ne, na yeandwazo, yɛɛ ye ahonle amkputi ye bɔbɔ la, ɔvale Mɔdekae anwo ɛya kpole.

Edwɛndolɛ Buluku ne 15:4

Ɔkyi menli mɔɔ Nyamenle ɛkpo bɛ la, na ɔdi bɛdabɛ mɔɔ bɛsulo Ɛdɛnkɛma la eni, ɔbɔ ɛwɔkɛ a ɔdi zolɛ yɛɛ ɔngakyi ɔ nloa.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 17:14

Akee Ɛdɛnkɛma zele Mosisi kɛ, “Kɛlɛ ɛhye wɔ buluku nu maa ɔyɛ ngakyelɛ na kenga kile Dwɔhyua kɛ: Mebanunu Amalɛkema abo zo bɔkɔɔ wɔ aleɛabo.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 17:16

Ɔse, “Bɛmaa Ɛdɛnkɛma fɛlɛnra ne zo! Ɔvi awolɛndoazo mɔɔ kɔ awolɛndoazo la, Ɛdɛnkɛma baho atia Amalɛkema.”

Daneɛle Buluku ne 2:49

Na Daneɛle zɛlɛle belemgbunli ne manle ɔvale Babelɔn maanle ne anwo amaamuo biala ɔwulale Hyeedelake, Mihyɛke, yɛɛ Abɛdenɛgo asa anu kɛ bɛnlea zolɛ; na yemɔ Daneɛle, ɔhale belemgbunli suakunlu ɛkɛ.

Mɛla 25:19

Yemɔti saa Ɛdɛnkɛma bɛ Nyamenle ne maa bɛ nwo tɔ bɛ wɔ azɛlɛ ne mɔɔ Ɛdɛnkɛma bɛ Nyamenle ɛlɛfa amaa bɛ la azo, mɔɔ kpɔvolɛ biala ɛngyegye bɛ bieko la a, bɛhu Amalɛkema amuala; bɛmmagyakyi ko bɔbɔ na awie ava abɔ bɛ duma bieko wɔ ewiade ye anu. Bɛmmamaa bɛ rɛle fi ɛhye fee.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:10

Ɛhye ati, anwuma nee aze nee ɛbolɔ amra amuala bahoto Gyisɛse na bɛali ye duma ne eni,

1 Sam 15:3

Yemɔti kɔ na kɔhu Amalɛkema kɔsɔɔti, sɛkye bɛ debie biala mɔɔ bɛlɛ la, mmagyakyi debie biala fee; ku mrenya nee mraalɛ, ngakula nee nlɔma, nlankɛ nee mboane, afunlumu nee asoaso kɔsɔɔti. Mmagyakyi ko bɔbɔ.’ ”