Ɛseta Buluku ne 3:12 - BAEBOLO ANZƐƐ BULUKU NWUANZANWUANZA

¹² Wɔ siane ne mɔɔ lumua la anu, ye kenle bulu nee nsa ne azo, Heeman manle bɛyiale belemgbunli ne kɛlɛhɛlɛvolɛma ne mɔ na ɔmanle bɛhɛlɛle mɛla mɔɔ yeli la anwo ngɛlata kɛ bɛva bɛhɔmaa mgbanyima mɔɔ le kɛ safohyenlema, amɛnladoma, yɛɛ arane mbɔlɔba mgbanyima ne mɔ amuala. Maanle ko biala anu amra kɛlata ɛdeɛ ne bɛhɛlɛle ye wɔ bɛdabɛ bɛ aneɛ nee bɛ ɛhɛlɛndenle nu. Bɛhɛlɛle ngɛlata ne mɔ wɔ Belemgbunli Zɛzɛse duma nu.

Ɛseta Buluku ne 3:12 ပူးပေါင်းရင်းမြစ်များ

1 Arl 21:8

Akee Gyɛzɛbɛle vale Belemgbunli Ehabe duma hɛlɛle ngɛlata na ɔvale belemgbunli tumi sɛkɛlɛneɛ ne ɔsisile zolɛ na ɔvale ɔnwanle mgbanyima mɔɔ nee Neebɔto de Gyɛzɛlii la.

Ɛzela Buluku ne 8:36

Eza bɛvale belemgbunli kɛlata ne mɔɔ ɔvale ɔmanle bɛ la bɛmanle mbɔlɔba mgbanyinli nee amɛnladoma mɔɔ nea maanzinli ne mɔ azo wɔ Azule Yufileti Adɔleɛ la. Bɛdabɛ noko bɛboale Yizilayɛma ne mɔ wɔ Nyamenle Sua ne ɛzilɛ nu.

Ɛseta Buluku ne 1:22

Ɔhɛlɛle ngɛlata ɔhɔle ye maanle maanle ne mɔ amuala anu, maanle ko biala ɔdaye ye aneɛ nu kɛ, “Wɔ awuke biala anu, nrenya ne a le kpanyinli a, yɛɛ ɔ nloa edwɛkɛ, bɛndu bɛndo.”

Ɛseta Buluku ne 3:11

na ɔzele ye kɛ, “Menli ne wɔ ɛ sa nu. Ezukoa ne le wɔ ɛdeɛ. Mɔɔ ɛnea a ɔfɛta bɛ la, fa yɛ bɛ.”

Ɛseta Buluku ne 8:2

Belemgbunli ne vale ye kpɔdelera ne mɔɔ ɔfa ɔsi kɛlata zo, mɔɔ ɔliele ɔvile Heeman ɛkɛ ne la manle Mɔdekae. Na Ɛseta yɛle Mɔdekae kpanyinli mɔɔ nea debie biala mɔɔ Heeman lɛ la azo.

Ɛseta Buluku ne 9:27

Dwuuma ziele kenle ɛhye mɔ na bɛzɔle nu kɛ bɛdabɛ, bɛ nlɔnra, yɛɛ awie biala mɔɔ bokale bɛ la, kɛli ɛvoyia ɛhye ɛvolɛ biala mɔɔ ɔmkpa nwolɛ fee a, kɛmɔ bɛhɛlɛ bɛdo ɛkɛ ne la.

Daneɛle Buluku ne 3:10

Wɔmɔ belemgbunli, wɔli mɛla kɛ awie biala mɔɔ kɛde aweɛne ndendenle ne, fulutu, getaa ngyikyi nee mgbole, nee ɛweɛne, yɛɛ agole ngakyile ne mɔ ane la ɛdu ɛdɔ ɛzonle ezukoa nvutuke ananze ne mɔɔ wɔzie la.

Daneɛle Buluku ne 6:12

Yemɔti bɛrale belemgbunli ɛkɛ bɛrabizale ye mɛla ne anwo bie kɛ, “Nana, ɛkɛhakye kɛ wɔli mɛla, wɔhye ɔ bo wɔmaa awie biala siane ko kɛ ɔva ɔ ti ɔzɔ wɔmɔ ala ɔyɛ nzɛlɛlɛ, na awie mɔɔ annea ɛ ngomekye na ɔkɛbiza nyamenle biala anzɛɛ sonla ɛkɛ debie la, bɛvuandi ye bɛdo awenade ne mɔ tunli ne anu?” Belemgbunli ne buale kɛ, “Nɔhalɛ ɔ! Midiama nee Pɛhyeama mɛla ɔ, ɔgyi kpundii, bɛtulu ye a ɔntulu.”

Daneɛle Buluku ne 6:15

Menli ne amuala ziale razele belemgbunli ne kɛ, “Nana, mmamaa ɛ rɛle fi kɛ, Midia nee Pɛhyea maanle nu, saa belemgbunli di mɛla fa ɔ sa wula ɔ bo a bɛntulu ye.”

Daneɛle Buluku ne 6:25

Belemgbunli Dalayɛse hɛlɛle hɔmanle maanle maanle nee menli ngakyile mɔɔ bɛ aneɛ le ngakyile la kɛ, “Anzonudwolɛ dɔɔnwo ɛha bɛ!

Daneɛle Buluku ne 6:8

Nana, di mɛla ne fa ɛ sa wula ɔ bo kile kɛ bɛngakyi ye ɛlɛ, kɛmɔ Midiama, nee Pɛhyeama mɛla ne se la.”