Ɛseta Buluku ne 3:1 - BAEBOLO ANZƐƐ BULUKU NWUANZANWUANZA

¹ Nzinlii Belemgbunli Zɛzɛse yɛle nrenya bie mɔɔ bɛfɛlɛ ye Heeman, mɔɔ vi Agage abusua nu na ɔ ze a le Hamɛdeeta la sonvolɛ kpanyinli ɔmanle ɔdɛlale ye suakunlu ɛkɛ ne mgbanyima ne mɔ amuala.

Ɛseta Buluku ne 3:1 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 41:40

Ɛbanlea me sua nu ɛke, na me menli ne amuala bayɛ tieyɛ amaa wɔ. Edwɛkɛ biala mɔɔ ɛkɛha la bɛbali zolɛ. Debie mɔɔ mefa metɛla wɔ la a le me belemgbunli ebia ne mɔɔ mede zolɛ la.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 41:55

Mɔɔ ɛhɔne ne hanle Yigyibiti la, maanlema amuala zunle vɛlɛle bɛ belemgbunli ne kɛ ɔmaa bɛ aleɛ. Na belemgbunli ne zele Yigyibitima amuala kɛ, “Bɛhɔ Dwosefi ɛkɛ, na bɛyɛ debie biala mɔɔ ɔkɛze bɛ la.”

Ɛzela Buluku ne 7:14

Belemgbunli nee ye mgbanyima nsuu ne mɔɔ tu ye folɛ la yɛɛ ɛzoa wɔ kɛ ɛhɔ Dwuda nee Gyɛlusalɛm ɛhɔnleɛnlea menli ne ɛbɛlabɔlɛ nu kɛ bɛlɛdi Nyamenle, wɔ Nyamenle ne Mɛla ne mɔɔ ɛlɛ la azo a.

Ɛseta Buluku ne 1:14

Mgbanyima ne mɔ a le Kaahyina, Hyita, Ademeeta, Tahyehye, Milɛse, Maasina, yɛɛ Mɛmukan. Bɛmɛ a bɛle Pɛhyea nee Midea maanle ne mɔ anu mgbanyima nsuu mɔɔ lumuale wɔ maanle ne ɛbulɛ nu a.

Ɛseta Buluku ne 3:10

Yemɔti belemgbunli ne yele ɔ sa kpɔdelera ne mɔɔ ɔfa ɔsi kɛlata zo ɔyɛ mɛla la ɔmanle Agagenli Heeman, mɔɔ le Hamɛdeeta ara nrenya ne mɔɔ kpɔ Dwuuma la,

Ɛseta Buluku ne 5:11

Bɛrale la, Heeman sosɔle zolɛ hanle ɔ nwo mɔɔ yenyia ye kpole, ɔ mra dodo mɔɔ yewo bɛ, yɛɛ ɔ nyunlu mɔɔ belemgbunli ne ɛmaa yenyia wɔ gyima nu yeva yewula ɔdaye Heeman anyunlunyia la amuala ɔhilele bɛ. Eza ɔhanle kɛ belemgbunli ɛzi ɛmaa ye dibilɛ yedɛla amɛnladoma nee sonvolɛma amuala mɔɔ wɔ suakunlu ɛkɛ ne la ɔhilele bɛ.

Ɛseta Buluku ne 7:6

Ɛseta buale ye kɛ, “Kpɔvolɛ ne mɔɔ ɛwie yɛ yɛ la a le Heeman amumuyɛ ɛhye!” Heeman ahonle dule na ɔ nye hale belemgbunli ne nee Belemgbunli Raalɛ Ɛseta anyunlu.

Ɛseta Buluku ne 8:3

Akee Ɛseta dule dɔle belemgbunli ne agyakɛ anu, na ɔvale ɛzunlɛ ɔbodole ye kɛ ɔbɔ mɔdenle ɔye munzule kpole ne mɔɔ Agage anlɔnra Heeman ɛhyehyɛ ɛva Dwuuma amuala akɔme ɛwula nu la wɔ bɛ ti.

Edwɛndolɛ Buluku ne 12:8

Amumuyɛma ɛbɔ yɛ mgbɔlɔka ɛyia, yɛɛ menli kanvo mɔɔ le munzule la.

Mrɛlɛbulɛ Buluku ne 29:2

Saa tenlenema ɛlɛbu maanle a, menli ne anye die, na saa amumuyɛma ɛlɛbu maanle a, menli ne su bɛ kunlu.

Nolo 10:6

Bɛmaa menli mɔɔ ɛnze nrɛlɛbɛ la tumi gyinlabelɛ na bɛkpo sukuavolɛma.

Daneɛle Buluku ne 6:2

Akee ɔyele Daneɛle nee menli nwiɔ bie noko kɛ bɛmɛ nsa bɛnlea amɛnladoma ɛya ko abulanwiɔ ne mɔ anwo zo, amaa belemgbunli ne amminli debie.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:7

Bɛbanyia ezule molozo Bɛalua bɛ ma wɔ azɛlɛ fɔtɔfɔtɔ zo. Bɛ belemgbunli bayɛ kpole adɛla Agage, Na ye belemgbunlililɛ bayɛ kpole.

1 Sam 15:33

Na Samoɛle zele ye kɛ, “Kɛmɔ wɔ dadeɛ ne ɛmaa mrɛladane mraalɛ amra ɛvi bɛ sa la, zɔhane ala yɛɛ ɛdawɔ ɛ nli balɛ ɔ sa mgbane wɔ mrɛladane mraalɛ avinli a.” Na Samoɛle pepɛle ye nzokanzoka wɔ Gelegale wɔ Ɛdɛnkɛma anyunlu ɛkɛ.

1 Sam 15:8

Ɔhyele Amalɛke belemgbunli Egage anyewɔzo, na ɔhunle menli ne kɔsɔɔti.