Ɛseta Buluku ne 2:2 - BAEBOLO ANZƐƐ BULUKU NWUANZANWUANZA

² Yemɔti belemgbunli ne folɛdulɛma ne bie mɔ mɔɔ bikye ye kpalɛ la zuzule hilele ye kɛ, “Duzu ati a ɛmkpondɛ mbɛlɛra mɔɔ anwo yɛ fɛ kpalɛ la bie ɛ?

Ɛseta Buluku ne 2:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:14

Mɔɔ Ebilam dwule Yigyibiti la, Yigyibitima nwunle kɛ raalɛ ne anwo yɛ fɛ kpalɛ.

1 Arl 1:2

Yemɔti ye sonvolɛma ne hanle hilele ye kɛ, “Maa yɛkpondɛ bɛlɛra bie yɛmaa ɔ nee wɔ ɛdɛnla na ɔnlea wɔ. Eza ɔbala ɛ nwo ɛkɛ na ɛ nwo ayɛ wuluwulu.”

Ɛseta Buluku ne 1:10

Kenle nsuu ne azo, mɔɔ ɛnee belemgbunli ne ɛlɛno nza na ɔ nye ɛlie kpalɛ kpalɛ la, ɔzoanle ɔmanle bɛhɔvɛlɛle ɔdaye Belemgbunli Zɛzɛse ɔ ti anwo sonvolɛma nsuu ne mɔɔ di ɔ nzi la ɔmanle bɛrale. Bɛmɛ a le Mɛhuman, Bezeta, Haabona, Begeta, Abageta, Zita, yɛɛ Kaakase.

Ɛseta Buluku ne 1:14

Mgbanyima ne mɔ a le Kaahyina, Hyita, Ademeeta, Tahyehye, Milɛse, Maasina, yɛɛ Mɛmukan. Bɛmɛ a bɛle Pɛhyea nee Midea maanle ne mɔ anu mgbanyima nsuu mɔɔ lumuale wɔ maanle ne ɛbulɛ nu a.

Ɛseta Buluku ne 2:3

Yeye mbɔlɔba wɔ maanle ye maanzinli ne mɔ anu maa bɛva mbɛlɛra mɔɔ anwo yɛ fɛ la amuala bɛrɛla Susa suakpole ye azo na fa bɛ wula Higae, mɔɔ le sonvolɛ nrenya ne mɔɔ nea wɔ mraalɛ ne mɔ anwo zo la asa anu; na bɛbɔ ɔ bo kɛ bɛkeha bɛ.

Ɛseta Buluku ne 6:14

Mɔɔ Heeman agɔnwo mɔ nee ɔ ye anloa wɔ zolɛ bɛ nee ye ɛlɛtendɛ la, yɛɛ belemgbunli ne sonvolɛma rale a, na bɛvale ye bɛ nee ye hɔle ɛkponle ne mɔɔ Ɛseta ɛdo ɛmaa belemgbunli ne la abo.