Ɛseta Buluku ne 2:16 - BAEBOLO ANZƐƐ BULUKU NWUANZANWUANZA

¹⁶ Belemgbunli Zɛzɛse lile ɛvolɛ nsuu wɔ ebia ne azo la, ye siane ne mɔɔ tɔ zolɛ bulu mɔɔ bɛfɛlɛ ye “Tibɛte” la anu yɛɛ bɛvale Ɛseta bɛhɔle ye suakunlu ɛkɛ ne a.

Ɛseta Buluku ne 2:16 ပူးပေါင်းရင်းမြစ်များ

Ɛzela Buluku ne 4:6

Mɔɔ bɛvale Zɛzɛse bɛziele Pɛhyea Maanle Maanle Belemgbunli la, menli mɔɔ wɔ maanle ne anu mɔɔ ɛngulo Dwudama nee Gyɛlusalɛmma edwɛkɛ la hɛlɛle kɛlata hɔdoanle bɛ.

Ɛzela Buluku ne 7:8

Bɛvi Babelonia bɛdule bɛ bo wɔ siane ne mɔɔ lumua la anu kenle ne mɔɔ lumua la azo, na Nyamenle duma nu nee ye moalɛ zo, bɛradwule Gyɛlusalɛm siane nnu ne anu, ye kenle ne mɔɔ lumua la azo.

Ɛseta Buluku ne 2:1

Nzinlii mɔɔ Belemgbunli Zɛzɛse ɛya ne dwole la, ɛnee ɔtɛkakye debie mɔɔ Vahyetae ɛyɛ la nee ɔdaye Zɛzɛse ye mɛla ne mɔɔ yebɔ ye nolo wɔ Vahyetae anwo wɔ ɛleka biala la.

Ɛseta Buluku ne 2:15

Mekɛ dwule kɛ akee ɔwɔ kɛ Ɛseta ɔdaye ɔkɔ belemgbunli ne ɛkɛ ne. Bɛfɛlɛ Ɛseta ɔ ze Abeheli. Abeheli awozoa a le Mɔdekae mɔɔ Ɛseta ɛyɛ ɔdaye ɔ kunlu ralɛ la. Mekɛ ne dwule la, ɛnee awie biala mɔɔ anye kɛbɔ Ɛseta anwo zo la kulo ye. Higae, mɔɔ le sonvolɛ ne mɔɔ nea mbɛlɛra ne mɔ anwo zo la dule Ɛseta folɛ; yeammaa yeanziezie ɔ nwo kpalɛ biala.

Ɛseta Buluku ne 2:17

Belemgbunli ne hulole Ɛseta dɛlale mbɛlɛra ne mɔ amuala, na ɔhulole ye edwɛkɛ ɔdɛlale raalɛ biala mɔɔ ɛra ye suakunlu ɛkɛ ne la. Yemɔti ɔvale belemgbunli kyɛlɛ ne ɔzoale ye na ɔyɛle ye Belemgbunli Raalɛ ɔziele Vahyetae agyakɛ anu.

Ɛseta Buluku ne 2:3

Yeye mbɔlɔba wɔ maanle ye maanzinli ne mɔ anu maa bɛva mbɛlɛra mɔɔ anwo yɛ fɛ la amuala bɛrɛla Susa suakpole ye azo na fa bɛ wula Higae, mɔɔ le sonvolɛ nrenya ne mɔɔ nea wɔ mraalɛ ne mɔ anwo zo la asa anu; na bɛbɔ ɔ bo kɛ bɛkeha bɛ.

Ɛseta Buluku ne 8:9

Siane nsa ne mɔɔ bɛfɛlɛ ye “Sivan” la ye kenle abulanwiɔ nee nsa ne azo, Mɔdekae vɛlɛle belemgbunli ne kɛlɛhɛlɛvolɛma ne mɔ na ɔhanle mɔɔ ɔkpondɛ kɛ bɛkɛlɛ wɔ Dwuuma anwo la ɔhilele bɛ. Bɛhɛlɛle edwɛkɛ ne bɛhɔmanle amɛnladoma, maanzinli zo neavolɛma, yɛɛ maanle maanle ɛya ko abulanwiɔ nee nsuu ne mɔɔ vi Yendea kɔkpula Yiteyopea la anu arelemgbunli. Bɛhɛlɛle kɛlata ne wɔ maanle ko biala ɔdaye ye aneɛ nee ye ɛhɛlɛndenle nu, yɛɛ akee bɛhɛlɛle Dwuuma mɔɔ wɔ maanle maanle ne mɔ anu la wɔ bɛdabɛ bɛ aneɛ nee bɛ ɛhɛlɛndenle nu.