Ɛseta Buluku ne 2:12 - BAEBOLO ANZƐƐ BULUKU NWUANZANWUANZA

¹² Bɛvale siane bulu nee nwiɔ a bɛhehanle mbɛlɛra ne mɔ a. Bɛvale siane nsia bɛkpokpale bɛ aabɛya nwole yɛɛ bɛvale siane nsia bɛkpokpale bɛ sakyeɛ. Mekɛ ne dwule la, bɛvale mbɛlɛra ne mɔ bɛhɔle Belemgbunli Zɛzɛse ɛkɛ ne ngoko.

Ɛseta Buluku ne 2:12 ပူးပေါင်းရင်းမြစ်များ

Ɛseta Buluku ne 2:11

Na Mɔdekae lile belemgbunli sua nu ɛkɛ ne mraalɛ nu anuhɔlɛ ne anyunlu akɔneaba dahuu, kɛ ɔnea kɛ Ɛseta te kpɔkɛ nee debie mɔɔ bazi ɔ nwo zo la.

Ɛseta Buluku ne 2:13

Saa bɛlɛra ne bahɔ belemgbunli ne ɛkɛ a, ɔsiezie ɔ nwo, kɛmɔ ɔdaye ɔkulo la na ɔvi belemgbunli sua nu ɛkɛ ne mraalɛ nu yeahɔ suakunlu ɛkɛ.

Ɛseta Buluku ne 2:3

Yeye mbɔlɔba wɔ maanle ye maanzinli ne mɔ anu maa bɛva mbɛlɛra mɔɔ anwo yɛ fɛ la amuala bɛrɛla Susa suakpole ye azo na fa bɛ wula Higae, mɔɔ le sonvolɛ nrenya ne mɔɔ nea wɔ mraalɛ ne mɔ anwo zo la asa anu; na bɛbɔ ɔ bo kɛ bɛkeha bɛ.

Ɛseta Buluku ne 2:9

Higae anye liele Ɛseta anwo kpole na ɛkɛ ne ala ɔbɔle ye ɛhehanlɛ bo. Eza ɔmanle ye nwolɛ aleɛ kpalɛ. Higae eza manle ye ɛleka kpalɛ wɔ belemgbunli sua nu ɛkɛ ne mraalɛ nu, na ɔkpale nu ɔyele mbɛlɛra nsuu wɔ suakunlu ɛkɛ ne kɛ bɛzonle Ɛseta.

Mrɛlɛbulɛ Buluku ne 7:17

Meva alufuanlɛ, kolɔbo, yɛɛ baka evuanlɛ senamɔn meyɛ sua ne anu mukumuku zɛhae.

Sɔlɔmɔn Edwɛne 3:6

Duzu a vi fienemgbole ne anu ɛlɛba, mɔɔ le bolonwonwo kɛ esike, na ɛyɛlɛ nee alufuanlɛ evuanlɛ ɛyɛ ye mukumuku, ɛyɛlɛ mɔɔ gualilɛma a tɔne la?

Ayezaya Buluku ne 3:24

Bɛ nwo ɛnrɛbɔ evuanlɛ, bɛ nwo babɔ ɛnyane; bɛnrɛhye falɛ, bɛbahye nyɛma; bɛ ti enrinli ngɛnlɛma ne, bɛnrɛyɛ bɛ bieko, bɛ ti zo bakpa; bɛnrɛwula adɛladeɛ ngɛnlɛma, bɛbava ɛrele bɛakyekye bɛ nwo, na bɛ anwofɛlɛko ne bahakyi anyiemgba.

Ayezaya Buluku ne 57:9

Bɛvale anatele evuanlɛ kpalɛ bɛguale bɛ nwo bɛhɔzonlenle bɛ bozonle Molɛke, bɛzoanle menli bɛmanle bɛhɔle moa moa, na bɛmanle bɛhɔle toonwo bɛhɔle Ɛbolɔ.