Ɛseta Buluku ne 10:3 - BAEBOLO ANZƐƐ BULUKU NWUANZANWUANZA

³ Ɛnee saa ɛye Belemgbunli Zɛzɛse a, Dwuunli Mɔdekae a wɔ ɛkɛ a. Mɔdekae nyianle ɔ nyunlu na Dwuuma nee ɔ gɔnwo mɔ amuala hulole ye edwɛkɛ na bɛlile ye eni. Mɔdekae eza kpondɛle Dwuuma kpalɛyɛlɛ na ɔmanle bɛ nzo nu dwole bɛ.

Ɛseta Buluku ne 10:3 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 41:40

Ɛbanlea me sua nu ɛke, na me menli ne amuala bayɛ tieyɛ amaa wɔ. Edwɛkɛ biala mɔɔ ɛkɛha la bɛbali zolɛ. Debie mɔɔ mefa metɛla wɔ la a le me belemgbunli ebia ne mɔɔ mede zolɛ la.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 45:10

Saa ɛba a ɛ nee ɛ mra nee wɔ nlɔnra nee wɔ mboane nee wɔ nlankɛ ne mɔ amuala nee debie biala mɔɔ bɛlɛ la badɛnla Gohyɛn, amaa bɛabikye me.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 45:11

Saa bɛwɔ Gohyɛn a, yɛɛ me nye bado bɛ nwo zo, wɔ ɛhɔne ɛvolɛ nnu ne mɔɔ ɛha la anu a. Saa tɛ ye zɔhane ɛdeɛ a, yemɔ ɛdawɔ nee wɔ sua nu amra bali ehyia na debie biala mɔɔ bɛlɛ la abo zo aminli bɔkɔɔ.’

2 Edk 28:7

Na Yizilayɛnli sogya ko mɔɔ vi Yifelaem abusua ekpunli ne anu, mɔɔ bɛfɛlɛ ye Zekelae la hunle Dwuda belemgbunli ne ara nrenya Meeyasaya nee Azelaekam mɔɔ nea belemgbunli suakunlu ɛkɛ ne la, nee Ɛlekeena mɔɔ saa belemgbunli ɛnle ɛkɛ a ɛnee yemɔ a ɔwɔ ɛkɛ ne la.

Nihɛmaya Buluku ne 2:10

Na mɔɔ Sanebalate mɔɔ vi Bɛte Hɔlɔn, nee Tobaya, mɔɔ le belemgbunli mbɔlɔba ne mɔ ko, mɔɔ vi Amɔn maanzinli nu la dele kɛ awie ɛra Yizilayɛma boɛyɛlɛ ti la, bɛvale ɛya kpole.

Ɛseta Buluku ne 2:5

Dwuunli bie wɔ suakpole Susa azo, bɛfɛlɛ ye Mɔdekae. Ɔ ze a le Gyeeyɛɛ, Gyeeyɛɛ ɔ ze a le Hyemɛyae, yɛɛ Hyemɛyae ɔ ze a le Kɛhye mɔɔ vi Bɛngyaman abusua ekpunli ne anu la.

Ɛseta Buluku ne 3:2

Sonvolɛma mɔɔ wɔ suakunlu ɛkɛ ne la amuala bɔle bɛ ti aze manle ye, kɛmɔ belemgbunli ne hanle kɛ bɛyɛ la. Na Mɔdekae ɛdeɛ, yeangoto Heeman ɛlɛ.

Daneɛle Buluku ne 5:16

Na mede kɛ ɛkola ɛkile debie bo yɛɛ ɛkola ɛgyinla edwɛkɛ ɛsesebɛ nloa. Saa ɛkola ngɛlɛlera ne kenga ɛkile ɔ bo ɛkile me a, bɛbawula wɔ belemgbunli tɛladeɛ, bɛava ezukoa nvutuke ndweabane bɛado ɛ kɔme, na wɔayɛ maanlebuvo mɔɔ tɔ zolɛ nsa la.”

Daneɛle Buluku ne 5:29

Ɛkɛ ne ala Bɛlehyaza manle ye sonvolɛma wulale Daneɛle belemgbunli tɛladeɛ kɔkɔlɛ, bɛvale ezukoa nvutuke ndweabane bɛdole ɔ kɔme, na bɛbɔle ye nolo kɛ bɛyɛ ye maanlebuvo mɔɔ tɔ zolɛ nsa.

Daneɛle Buluku ne 6:3

Daneɛle yɛle gyima dɛlale mgbanyima mɔɔ ɛha la nee amɛnladoma ne mɔ amuala, ɔboalekɛ sunsum kpalɛ wɔ ye nu. Yemɔti belemgbunli ne yɛle kɛ ɔmaa yeazie maanle ne kɔsɔɔti.

Wulo 10:1

Me mediema, me kunlu a anrɛɛ bɛlie me menli ne kɔsɔɔti ngoane. Na ɛhye ati mefa me ahonle muala mesɛlɛ Nyamenle wɔ nwolɛ dahuu.

Wulo 14:18

Awie biala mɔɔ sonle Kelaese wɔ zɛhae adenle zo la yɛɛ Nyamenle anye die ɔ nwo na ɔsɔ menli nye a.

1 Sam 18:16

Na Yizilayɛma nee Dwudama ɛdeɛ bɛ kɔsɔɔti bɛhulole Devidi edwɛkɛ, ɔboalekɛ saleɛ doa ye.

1 Sam 23:17

Ɔhanle ɔzɔle zolɛ kɛ, “Mmasulo, ɔluakɛ egya Sɔɔlo asa ɛnrɛha wɔ ɛnrɛhu wɔ ɛlɛ. Ɔze ye wienyi kɛ ɛbali Yizilayɛ belemgbunli na medame noko meadɛnla ɛ sa fema zo.”