Ɛseta Buluku ne 1:6 - BAEBOLO ANZƐƐ BULUKU NWUANZANWUANZA

⁶ Bɛvale ninyɛne ngɛnlɛma ngakyile dɔɔnwo bɛzieziele suakunlu ɛkɛ ne: mgbɛnu ndanlɛ fufule nee buluwu mɔɔ bɛva lenen ndanlɛ kɔkɔlɛ ndenrɛndenra ngɛnlɛma bɛbobɔ bɛ avinli, na dwɛtɛ fufule ngɛba sosɔ bɛ nloa la hendɛhenda mpila mɔɔ bɛvale awolɛ memeamemea mɔɔ sonle bolɛ la a bɛsisile la. Mbia mɔɔ gyigyi alie nwo ɛkɛ ne la, bɛvale ezukoa nvutuke nee dwɛtɛ fufule a bɛyɛle a. Azɛlɛ ne anwo bɔbɔ, bɛvale awolɛ memeamemea mɔɔ sonle bolɛ la a bɛdole a.

Ɛseta Buluku ne 1:6 ပူးပေါင်းရင်းမြစ်များ

Ɛseta Buluku ne 7:8

Yemɔti Heeman dule dɔle ebia ne mɔɔ Ɛseta la nu la azo kɛ ɔkpa ye kyɛlɛ. Mekɛ ne anu ala yɛɛ belemgbunli ne vindele ɛkɛ ne a, na ɔzele kɛ, “Wio o! Akee eza me nyunlu ɛke ala, wɔ me gyakɛ azo ɛke yɛɛ Heeman akee bafunlofunla belemgbunli raalɛ ye a?” Belemgbunli ne anloa ampe bɔbɔ yɛɛ sonvolɛma ne mɔ hedale Heeman ati zo a.

Ɛseta Buluku ne 8:15

Akee Mɔdekae vi belemgbunli sua nu finde a ɔwula belemgbunli tɛladeɛ buluwu nee fufule, na ɔsoa belemgbunli ezukoa nvutuke kyɛlɛ, na yeava dwɛsɛ ɛdanlɛ anye nwohyee nee kɔkɔlɛ kɛnlɛma bie yeagua zolɛ. Ɔvi belemgbunli sua nu ɔfinde a ɛnee awie biala anye ɛlie.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 26:1

“Fa mgbɛnu ndanlɛ azinli bulu mɔɔ bɛva lenen nyɛma kɛnlɛma, nee mboane enrinli buluwu nee kɔkɔlɛ afonla, nee mboane enrinli kɔkɔlɛ nyɛma bɛnwo, na bɛnwo abɔdeɛ mɔɔ lɛ ndɛbalɛ la bɛgua nu la si Ɛzonlenlɛ Ndanlɛ Sua ne.

Yizikeɛle Buluku ne 23:41

bɛdɛnlanle ehwili kɛnlɛma mɔɔ bɛzie ɛkponle nu na bɛva me ɛyɛlɛ evuanlɛ ne nee me nwole ne bɛzie zolɛ la anu.

Emɔzo Buluku ne 2:8

Bɛkundohundo bɛ nwo aze wɔ azukponle biala anyunlu, wɔ adɛladeɛ mɔɔ bɛva bɛwula bɛ lɔ awoba la azo, na bɛno nwanye mɔɔ bɛbɔ menli kakɛ bɛlie la wɔ bɛ Nyamenle ne ɛzonlenlɛ sua ne anu.

Emɔzo Buluku ne 3:12

Ɛdɛnkɛma se, “Kɛmɔ awenade kye boane na mboaneneavolɛ ne kɔ ye ɛlielɛ a debie mɔɔ ɔnwu ye ala la a le ye ndwɛlɛ nwiɔ anzɛɛ ɔ nzo ko la, zɔhane ala yɛɛ Yizilayɛma mɔɔ de Samɛlea la ɛlielɛ bayɛ a; bɛbanwu ebia mɔɔ bɛda nu la ebule na bɛanwu ɛkpa sinli.

Emɔzo Buluku ne 6:4

Munzule ɛha bɛdabɛ mɔɔ bɛda ɛzɛlɛ ɛkpa zo na bɛtenrɛdenrɛ bɛ nwo wɔ mbia ndendenle nu bɛdi mboane nee nlankɛ la.

1 Sam 28:23

Sɔɔlo hɔsɔle ɔ ti na ɔzele kɛ, “Menrɛli debie.” Na ye sonvolɛma ne nee raalɛ ne kponle ye toonwo manle ɔkponlenle. Yemɔti ɔvi azɛlɛ ne anwo ɔdwazole ɔdɛnlanle ɛsokpa ne azo.