Ɛseta Buluku ne 1:3 - BAEBOLO ANZƐƐ BULUKU NWUANZANWUANZA

³ Ɔlile ɛvolɛ nsa wɔ ebia ne azo la ɔdole ye mgbanyima nee sonvolɛma, Pɛhyea nee Midea sogya mgbanyinli, menli mɔɔ di munli nee amɛnladoma mɔɔ nea maanle maanle ne mɔ azo la ɛkponle,

Ɛseta Buluku ne 1:3 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 40:20

Kenle nsa ne azo Yigyibiti belemgbunli ne lile ye awolɛ kenle. Ɔdole ɛkponle kpole bie ɔmanle ye sonvolɛma ne amuala. Ɔyele ye sonvolɛ kpanyinli ne mɔɔ nea ye nza nee ye ahyɛnze zo nee sonvolɛ ne mɔɔ to kpanwo la ɔvile efiade.

1 Arl 3:15

Sɔlɔmɔn dunwuele la ɔnwunle kɛ Nyamenle ɛdendɛ ɛhile ye wɔ ɛlalɛ nu. Nzinlii ɔhɔle Gyɛlusalɛm, ɛleka mɔɔ Ɛdɛnkɛma Ngyekyeleɛ Ɛlɛka ne wɔ la na ɔyelale nane ɔbɔle azu na eza ɔbɔle anzonudwolɛ azu ɔmanle Ɛdɛnkɛma. Eza ɔdole ye menli ne amuala ɛkponle.

Ɛzela Buluku ne 1:2

“Kɛ Belemgbunli Saelɛse mɔɔ nea Pɛhyea Maanle Maanle ne mɔ azo la se la ɛne: Ɛdɛnkɛma, mɔɔ le Anwuma Nyamenle ne ɛva maanle maanle mɔɔ wɔ azɛlɛ ye azo la amuala ɛwula me sa nu kɛ menzie bɛ. Na yeze me kɛ menzi Ɛzonlenlɛ Sua memaa ye wɔ Gyɛlusalɛm mɔɔ wɔ Dwuda la.

Ɛseta Buluku ne 1:14

Mgbanyima ne mɔ a le Kaahyina, Hyita, Ademeeta, Tahyehye, Milɛse, Maasina, yɛɛ Mɛmukan. Bɛmɛ a bɛle Pɛhyea nee Midea maanle ne mɔ anu mgbanyima nsuu mɔɔ lumuale wɔ maanle ne ɛbulɛ nu a.

Ɛseta Buluku ne 1:4

na ɔvale kenle ngoko ɛya ko abulatwɛ (siane nsia) ɔyele ye anwonyia mɔɔ wɔ ye belemgbunlililɛ ne anwo la ɔhilele.

Ɛseta Buluku ne 2:18

Akee Belemgbunli Zɛzɛse dole ɛkponle kpole bie manle Ɛseta na ɔdole ɛsalɛ ɔvɛlɛle ye maanle mgbanyima nee ye mbɔlɔba ne mɔ amuala. Mekɛ ne anu belemgbunli ne gyakyile ye adwule mɔɔ ɔdie ɔfi ye maanle maanle ne mɔ lɔ la anu ekyii na ɔvale ahyɛlɛdeɛ dɔɔnwo ɔmanle menli.

Ɛseta Buluku ne 3:7

Belemgbunli Zɛzɛse lile ebia ne la, ye ɛvolɛ bulu nee nwiɔ ne azo, ye siane ne mɔɔ lumua mɔɔ bɛfɛlɛ ye “Naesan” la anu, Heeman manle bɛhwenle adunyi. Adunyi ɛhwenlɛ ne, Hibulu nu bɛfɛlɛ ye “Pulu.” Saa bɛbahwe adunyi ne anzɛɛ “Pulu” ne a, Heeman batɛnla ye ebia nu. Siane ko biala anu, kenle ko biala bɛtwe ɔ ti adunyi; na bɛhwenle dedee la ɔkpulale siane bulu nee nwiɔ ne mɔɔ bɛfɛlɛ ye “Eda” la anu kenle bulu nee nsa ne. Na kenle ɛhye yɛɛ ɔwɔ kɛ bɛfa bɛdi Dwuuma anwo gyima mɔɔ le zɛhae la a.

Ayezaya Buluku ne 21:2

Ɛnyelɛzodeɛnwunlɛ ɛsesebɛ kpalɛ a menwu ye la; ninyɛnevenlɛma mɔɔ fe ninyɛne nee ninyɛnezɛkyelɛma mɔɔ sɛkye ninyɛne. Yilam ɛlɔnema, bɛhɔho! Midea ɛlɔnema, bɛhɔbɛnra azuamgbole bɛyia! Nyamenle se, “Mebazi nyanehilelɛ ne mɔɔ Babelɔn ɛhile menli la kɔsɔɔti aze.”

Gyɛlɛmaya Buluku ne 51:11

“Bɛzi atwɛ ne mɔ! Bɛgyela bɛ enyinlike ne mɔ!” Ɛdɛnkɛma ɛne. Yemaa Medea arelemgbunli anwosesebɛ, ɔluakɛ yeva yezie ɔ nyunlu kɛ ɔsɛkye Babelonia, yeava yeali mɔɔ bɛyɛle bɛtiale ye Ɛzonlenlɛ Sua ne la anwo nzenralɛ.

Daneɛle Buluku ne 5:1

Belemgbunli Bɛlehyaza dole ye mgbanyima ne mɔ apenle ko ɛkponle kpole bie na ɔ nee bɛ muala nlonle nza.

Daneɛle Buluku ne 5:28

U PASEN, bɛhyɛ wɔ maanle ne anu bɛmaa Midiama nee Pɛhyeama.”

Daneɛle Buluku ne 6:1

Dalayɛse vale adwenle kɛ ɔye amɛnladoma ɛya ko abulanwiɔ yeamaa bɛanlea maanzinli ne mɔ azo.

Daneɛle Buluku ne 8:20

“Boane ne mɔɔ ɛnwunle ye kɛ ɔlɛ mɛne nwiɔ ne la gyi ɛkɛ maa Midia nee Pɛhyea arelemgbunli ne mɔ.

Edwɛkpa ne kɛmɔ Maake hɛlɛle la 6:21

Nzinlii Hɛlɔdease asa hanle Dwɔn wɔ mekɛ mɔɔ ɛnee Hɛlɔdo ɛlɛdi ye awolɛ kenle ɛvoyia la. Hɛlɔdo dole ɛkponle na ɔvɛlɛvɛlɛle arane mbɔlɔba mgbanyinli, ye safohyenlema nee Galeli mgbanyima ne mɔ amuala.