Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:4 - BAEBOLO ANZƐƐ BULUKU NWUANZANWUANZA

⁴ Selɛma, bɛmmaka bɛ mra ɛya; bɛtete bɛ na bɛhilehile bɛ, kɛmɔ Awulae kpondɛ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:4 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:19

Mekpa nu meye ye, amaa yeanlea yeamaa ɔ mra nee ye sua nu amra alua Ɛdɛnkɛma adenle ne azo, na bɛayɛ menli mɔɔ le tenlene na bɛdi pɛlepɛle a, amaa meava debie biala mɔɔ meva mebɔ Ebileham ɛwɔkɛ la meamaa ye.”

1 Edk 28:20

Belemgbunli Devidi zele ɔ ra Sɔlɔmɔn kɛ, “Yɛ ɛ nye gyɛlɛmgbɛɛnye na si wɔ ahonle. Bɔ gyima ne abo, mmamaa debie biala si wɔ adenle. Ɛdɛnkɛma Nyamenle ne, mɔɔ mesonle ye la nee wɔ balua. Ɔnrɛgyakyi ɛ nzi ɛlilɛ, ɔ nee wɔ balua toonwo yeahɔdwu mekɛ mɔɔ ɛkɛwie gyima biala mɔɔ wɔ Ɛzonlenlɛ Sua ne anwo la yɛ la.

1 Edk 29:19

Maa me ra Sɔlɔmɔn ahonle kpalɛ maa ɔli debie biala mɔɔ ɛkɛze ye la azo na ɔzi Ɛzonlenlɛ Sua ne mɔɔ yemɔti meboɔboa ninyɛne ɛhye mɔ anloa la.”

Mrɛlɛbulɛ Buluku ne 19:18

Tea ɛ ra nrenya wɔ mekɛ mɔɔ anyelazo wɔ ɛkɛ la; mmanea ye ɛmaa ɔsɛkye.

Mrɛlɛbulɛ Buluku ne 22:15

Ngoaseade yɛ kakula biala fɛ, na ndeanlɛ baka ne maa ye ngoaseade ne fi ɔ nwo.

Mrɛlɛbulɛ Buluku ne 22:6

Tete kakula wɔ adenle mɔɔ ɔwɔ kɛ ɔfa zo la anu na saa ɔnyi a ɔnrɛvi zolɛ.

Mrɛlɛbulɛ Buluku ne 29:15

Empele nee ndeanlɛ maa kakula nwu nrɛlɛbɛ, na kakula mɔɔ bɛkɛdu ɔ nwo bɛkɛhyɛ ye la gua ɔ nli anyunlu aze.

Mrɛlɛbulɛ Buluku ne 29:17

Saa ɛ ra nrenya yɛ ɛtane a tea ye, ɔbamaa ɛ nzo nu adwo wɔ na ɛ nye alie.

Ayezaya Buluku ne 38:19

Sonla mɔɔ de aze la, yemɔ a kola yɛ wɔ mo a, Kɛmɔ ɛnɛ kenle ye melɛyɛ la. Selɛ a kilehile ɔ mra wɔ nɔhalɛlilɛ ne a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:3

Ɛwɔkɛ ne a le “amaa wɔayɛ kpalɛ na wɔahyɛ azɛlɛ ye azo.”

Mɛla 4:9

Bɛnlea boɛ na bɛzie bɛ adwenle koonwu, amaa bɛ rɛle anvi ninyɛne mɔɔ bɛdabɛ bɛnwu ye bɛ nye zo la. Bɛmmamaa bɛ rɛle fi ye ɛlɛ wɔ mekɛ mɔɔ bɛde ngoane nu la. Bɛhilehile bɛ mra nee bɛ nlɔnra

Mɛla 6:7

na bɛva bɛhilehile bɛ mra kpalɛ kpalɛ. Bɛwɔ bɛ awuke ne mɔ anu a, bɛdwenledwenle nwolɛ, yɛɛ saa bɛlua adenle zo o, bɛla o, bɛdwazo o, bɛyɛ ye zɔhane.

Kɔlɔ 3:21

Awovolɛma, bɛmmatu bɛ mra anwo mɔra, anrɛɛ bɛ rɛle kɛbɔ.

2 Tem 1:5

Mekakye nɔhalɛ diedi ne mɔɔ ɛlɛ ye, diedi ne mɔɔ ɛnee ɛ nla Loyese nee ɛ nli Yunaesi lɛ ye la bie, na medie medi kɛ ɛdawɔ noko ɛlɛ zɔhane diedi ne.

2 Tem 3:15

yɛɛ ɛkakye kɛ sumunli wɔ ngakula nu yɛɛ ɛzukoale Nyamenle Edwɛkɛ ne mɔɔ maa wɔ nrɛlɛbɛ mɔɔ saa ɛdie Kelaese Gyisɛse ɛdi a, ɔkola ɔmaa wɔ ngoanelielɛ la.

Dwɔhyua Buluku ne 24:15

Saa bɛ kunlu ɛndwo kɛ bɛkɛzonle ye a, ɛnee ɛnɛ demua ye, bɛhile mɔɔ bɛkɛzonle ye la, awozonle ne mɔ mɔɔ bɛ nlenya mɔ zonlenle bɛ wɔ Mɛsɔpɔteemea la anzɛɛ saa Amɔlema mɔɔ bɛ azɛlɛ zo a bɛde la awozonle ne mɔ a. Na mame, me nee me sua nu amra, yɛbazonle Ɛdɛnkɛma.”

Maanlebuvolɛma Buluku ne 13:12

Manowa bizale ye kɛ, “Saa wɔ edwɛkɛ ne yɛ nɔhalɛ a, ɛnee duzu a ɔwɔ kɛ kakula ne yɛ a, yɛɛ duzu ɛbɛla a ɔwɔ kɛ ɔbɔ a?”