Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:2 - BAEBOLO ANZƐƐ BULUKU NWUANZANWUANZA

² “Di ɛ ze nee ɛ nli eni” a le Nyamenle mɛla mɔɔ lumua mɔɔ ɛwɔkɛ wɔ nwolɛ a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:2 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:12

“Bɛli bɛ ze mɔ nee bɛ nli mɔ eni, amaa bɛ mekɛ awa wɔ azɛlɛ ne mɔɔ medame Ɛdɛnkɛma bɛ Nyamenle ne melɛfa meamaa bɛ la azo.

Mrɛlɛbulɛ Buluku ne 20:20

Saa sonla wa ɔ ze anzɛɛ ɔ nli amonle a, ye kɛnlaneɛ banlu yeamaa awozinli kabii ava ye.

Gyɛlɛmaya Buluku ne 35:18

Na Gyɛlɛmaya zele Rilikabema kɛ, “Tumivolɛ Ɛdɛnkɛma, Yizilayɛ Nyamenle ne se, ‘Kɛmɔ bɛdie bɛ ze Dwɔnadabe ane, bɛli ye mɛla ne amuala azo, bɛyɛ mɔɔ ɔzele bɛ la amuala la ati,

Gyɛlɛmaya Buluku ne 35:7

bɛmmasisi azua, bɛmmadua aleɛ, bɛmmadua vanye anzɛɛ bɛmmayɛ vanye egyinli. Bɛdɛnla ndanlɛ azua nu dahuu, amaa bɛadɛnla azɛlɛ ye azo bɛahyɛ.’

Yizikeɛle Buluku ne 22:7

Bɛmbu selɛ na yeayɛ ninli, bɛbɔ nyɛvolɛ apo bɛdie bɛ ninyɛne, yɛɛ bɛsisi mɔɔ ɛnlɛ ɔ ze nee ahunlanvolɛ mraalɛ.

Malakae Buluku ne 1:6

Tumivolɛ Ɛdɛnkɛma biza bɛ kɛ, “Ralɛ di ɔ ze eni yɛɛ akɛlɛ di ɔ menle eni. Na saa mele bɛ ze a, ɛnee eni mɔɔ bɛdi me la a le boni? Yɛɛ saa mele bɛ menle a, ɛnee ɛzulolɛ mɔɔ bɛsulo me la wɔ nienwu? Bɛmɛ sɛlɛvolɛma bɔbɔ yɛɛ bɛsɛkye me duma a. Noko bɛmɛ bɛbiza kɛ, ‘Ɛnee kɛ yɛzi yɛzɛkye wɔ duma ɛ?’

Wulo 13:7

Yemɔti, mɔɔ ɔwɔ kɛ bɛtua la, bɛdua; bɛdua bɛ maanle adwule ngakyile ne mɔ amuala, bɛbu mgbanyima ne mɔ na bɛli bɛ muala eni.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:3

Ɛwɔkɛ ne a le “amaa wɔayɛ kpalɛ na wɔahyɛ azɛlɛ ye azo.”

Mɛla 27:16

“ ‘Munzule ɛha sonla mɔɔ yeanli ɔ ze nee ɔ nli eni la.’ “Menli ne amuala baha kɛ, ‘Amen!’

Mɛla 5:16

“ ‘Bɛli bɛ ze nee bɛ nli eni, kɛmɔ Ɛdɛnkɛma bɛ Nyamenle zele bɛ la, amaa bɛ mekɛ mɔɔ bɛbali la awa na yeayɛ boɛ yeamaa bɛ wɔ azɛlɛ ne mɔɔ medame, Ɛdɛnkɛma bɛ Nyamenle mebava meamaa bɛ la azo.

1 Tem 5:4

Na saa kunlanvolɛ bie wɔ ɛkɛ ne mɔɔ lɛ mralɛ anzɛɛ nlɔnra a, maa ngakula zɔhane mɔ ɛzukoa bɛ nyamenlezonlenlɛ gyima ne mɔɔ ɔwɔ kɛ bɛdi bɛmaa bɛ awovolɛ la, bɛva bɛdua bɛ awovolɛ kakɛ, ɔluakɛ ɛhye a sɔ Nyamenle anye a.