Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:19 - BAEBOLO ANZƐƐ BULUKU NWUANZANWUANZA

¹⁹ na bɛzɛlɛ bɛmaa medame noko kɛ saa menyia nwo mebadendɛ a, Nyamenle kɛmaa me edwɛkɛ mɔɔ mebaha la, amaa meahola meadendɛ akɛnrasesebɛ zo meabɔ mɔɔ vea Edwɛkpa ne anu la nolo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:19 ပူးပေါင်းရင်းမြစ်များ

Ɛzoanvolɛma Gyima ne 13:46

Noko Pɔɔlo nee Baanabase dendɛle akɛnrasesebɛ zo zele bɛ kɛ, “Anrɛɛ ɔhyia kɛ bɛkɛlumua bɛkɛha Nyamenle edwɛkɛ ne bɛkɛhile bɛmɛ Dwuuma. Na saa bɛnyia bɛkpo kɛ bɛnrɛdie na bɛhile kɛ bɛ nwo ɛnfɛta ngoane mɔɔ ɛnlɛ awieleɛ la a, ɛnee ɔwɔ kɛ yɛgyakyi bɛ na yɛkɔka edwɛkɛ ne yɛkile bɛdabɛ mɔɔ bɛnle Dwuuma la.

Ɛzoanvolɛma Gyima ne 14:3

Noko ɛzoanvolɛma ne dɛnlanle ɛkɛ hyɛle, bɛhanle Awulae anwo edwɛkɛ ne akɛnrasesebɛ zo na Awulae hilele nɔhalɛ mɔɔ wɔ ye ɛlolɛ nwo nolo ne mɔɔ bɛlɛbɔ la anu na ɔmanle bɛ tumi ɔmanle bɛyɛle sɛkɛlɛneɛ nee nwanwane ninyɛne dɔɔnwo.

Ɛzoanvolɛma Gyima ne 18:26

Ɔdendɛle akɛnrasesebɛ zo kpalɛ wɔ Dwuuma nyianu sua ne anu. Pelesela nee Akoyela nwunle ye la, bɛvɛlɛle ye bɛ sua nu na bɛhilehilele ye Awulae Adenle ne anwo edwɛkɛ fɔɔnwo.

Ɛzoanvolɛma Gyima ne 19:8

Pɔɔlo hɔle nyianu sua ne anu na ɔdendɛle akɛnrasesebɛ zo ɔhilele Dwuuma ne mɔ toonwo siane nsa kɛ ɔmaa bɛanwu Nyamenle Belemgbunlililɛ ne.

Ɛzoanvolɛma Gyima ne 2:4

Sunsum Nwuanzanwuanza ne rayile bɛ tɛkɛɛ na bɛbɔle ɔ bo kɛ bɛka aneɛ ngakyile, kɛmɔ Sunsum ne vale manle bɛ kɛ bɛha la.

Ɛzoanvolɛma Gyima ne 28:31

Ɔhanle Nyamenle Belemgbunlililɛ ne anwo edwɛkɛ na ɔhilehilele menli ninyɛne mɔɔ fane Awulae Gyisɛse Kelaese anwo la, na awie biala andenda ɔ gyakɛ anu.

Ɛzoanvolɛma Gyima ne 4:13

Ɔyɛle ayiama ne azibɛnwo kɛ Pita nee Dwɔn ɛnyia akɛnrasesebɛ mɔɔ le zɛhae a, ɔluakɛ bɛze kɛ bɛle menli mɔɔ ɛnze nwoma a, na bɛliele bɛdole nu kɛ bɛ nee Gyisɛse a anrɛɛ lua a.

Ɛzoanvolɛma Gyima ne 4:29

Na Awulae, akee nea kɛ bɛlɛsi bɛanwunlonwunla yɛ a. Maa yɛ, wɔ ɛzoanvolɛma, akɛnrasesebɛ maa yɛhola yɛha wɔ Edwɛkpa ne.

Ɛzoanvolɛma Gyima ne 4:31

Mɔɔ bɛwiele nzɛlɛlɛ ne yɛ la, ɛleka mɔɔ bɛyiale nu la kpusule. Na Sunsum Nwuanzanwuanza ne rawolole bɛ na bɛnyianle akɛnrasesebɛ kɛ akee bɛka Nyamenle edwɛkɛ ne kpalɛ.

Ɛzoanvolɛma Gyima ne 9:27

Zɔhane ati Baanabase raboale ye na ɔ nee ye hɔle ɛzoanvolɛma ne ɛkɛ. Ɔhilehilele kɛ Sɔɔlo zile nwunle Awulae wɔ adevinli ne na Awulae dendɛle hilele ye, nee Sɔɔlo ahonle mɔɔ zile na ɔvale Gyisɛse duma ɔbɔle Edwɛkpa ne nolo wɔ Dɛmasekɛse la amuala ɔhilele bɛ.

Ɛzoanvolɛma Gyima ne 9:29

Eza ɔ nee Dwuuma mɔɔ ka Giliki la zule kpolera ɔmanle bɛnyianle adwenle kɛ bɛku ye.

Wulo 15:30

Mediema, mesɛlɛ bɛ, ɔlua yɛ Awulae Gyisɛse Kelaese ati, ɔ nee ɛhulolɛ ne mɔɔ le Sunsum Nwuanzanwuanza ahyɛlɛdeɛ ne la ati, bɛboa me wɔ me gyima ye ɛyɛlɛ nu na bɛzɛlɛ Nyamenle bɛmaa me.

Wulo 16:25

Bɛmaa yɛlua Gyisɛse Kelaese anwo zo yɛva anyunlunyia yɛmaa Nyamenle mɔɔ ɔ ngomekye ala a ɔze nrɛlɛbɛ na ɔkola ɔmaa bɛgyinla kpundii wɔ diedi nu, kɛmɔ ye Edwɛkpa ne mɔɔ fane Awulae Gyisɛse Kelaese anwo, mɔɔ mebɔ ye nolo la kile la. Edwɛkpa ɛhye mɔɔ anrɛɛ vea, na bɛhedale zolɛ wɔ mekɛ dɔɔnwo mɔɔ ɛraze ɛhɔ la akee ɛvinde wienyi. Ɛdɛnkɛma Nyamenle ne ɛmaa bɛbɔ ye nolo bɛhile maanle maanle kɔsɔɔti, amaa bɛalie bɛali na bɛali zolɛ, kɛmɔ Nyamenle kpɔmanvolɛma ɛha ye wɔ Nyamenle Edwɛkɛ ne anu la. Anyunlunyia ɛha Nyamenle dahuu! Amen.

1 Kɔl 1:5

Ɔluakɛ Kelaese ati bɛnyia bɛ nwo wɔ ninyɛne kɔsɔɔti anu, bɔbɔ wɔ edwɛkɛ ɛhanlɛ nee adwenle nu amuala.

1 Kɔl 2:7

Nrɛlɛbɛ ne mɔɔ yɛbɔ ye nolo la le Nyamenle nrɛlɛbɛ mɔɔ vea na menli ɛnze a. Nyamenle vale ziele yɛ ɛkɛ dɛba kolaa na yeabɔ ewiade ye kɛ ɔbava yeade yɛ nyunlu.

1 Kɔl 4:1

Ɔwɔ kɛ bɛbu yɛ kɛ Kelaese sonvolɛma mɔɔ nea Nyamenle gyima ne mɔɔ vea la azo a.

2 Kɔl 1:11

ɔlua bɛ nzɛlɛlɛ ti. Zɔhane ala yɛɛ menli dɔɔnwo bayɛ Nyamenle mo wɔ yɛ ti, kɛ ɔlua menli somaa nzɛlɛlɛ zo yelo yɛ ɛlolɛ kpole zɛhae a.

2 Kɔl 3:12

Kɛmɔ yɛlɛ anyelazo ɛhye la ati, yɛtendɛ a yɛnzulo.

2 Kɔl 6:11

Me gɔnwo mɔ Kɔlentema! Yɛbuke yɛ munli nu a yɛlɛtendɛ yɛahile bɛ a.

2 Kɔl 7:4

Medie bɛ medi, mefa bɛ metu me nwo! Me nwo tɔ me, yɛɛ wɔ yɛ anwongyelelɛ muala anu medi fɛlɛko kpole.

2 Kɔl 8:7

Kɛmɔ debie biala anu bɛdi munli, wɔ diedi nu, ɛdendɛlɛ nu, adwenlenubukelɛ nu, bɛ nye mɔɔ ɛkpota bɛ ti anwo kɛ bɛboa, nee ɛhulolɛ mɔɔ bɛlɛ ye wɔ yɛ nwo la, zɔhane ala yɛɛ yɛ nye la kɛ bɛkɛhile bɛ atiakunlukɛnlɛma noko wɔ ɛlolɛ ɛzonlenlɛ ɛhye anu bɛkɛmaa ɔkɛbo zolɛ a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:9

Nyamenle yɛle mɔɔ yehyehyɛ la, na yelua Kelaese anwo zo yemaa yɛnwu ye ngyehyɛlɛ ne mɔɔ yedwenle nwolɛ dɛba yedo ɛkɛ ne na ɔvea la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:9

na memaa menli kɔsɔɔti ɛnwu kɛ nwanwane ngyehyɛlɛ ne mɔɔ vea la bazi ahɔ zolɛ la. Nyamenle mɔɔ yemɔ a ɔbɔle ninyɛne muala la vale ngyehyɛlɛ ɛhye veale mekɛ dɔɔnwo mɔɔ ɛraze ɛhɔ la,

Kɔlɔ 2:2

Meka ɛhye meamaa bɛ akɛnrazilɛ na bɛali ahua wɔ ɛhulolɛ nu, amaa bɛanyia diedi nu anwonyia ne mɔɔ ndelebɛbo kpalɛ fa maa la. Zɛhae adenle zo yɛɛ bɛlua a bɛkɛnwu deɛ ne mɔɔ Nyamenle ɛva ɛvea la a; deɛ ne mɔɔ Nyamenle ɛva ɛvea la a le Kelaese ɔdaye mumua ne.

Kɔlɔ 4:3

Eza bɛzɛlɛ bɛmaa yɛdayɛ noko kɛ Nyamenle ɛmaa yɛ mekɛ kpalɛ ɔmaa yɛbɔ fealera nu Edwɛkpa ne mɔɔ fane Kelaese anwo la nolo. Ɔluakɛ ɛhye ala ati yɛɛ kɛkala mela efiade a.

1 Tɛs 2:2

Bɛdabɛ bɛze amaneɛ mɔɔ yɛnwunle ye nee aholoba mɔɔ bɛbɔle yɛ wɔ Felepae kolaa na yɛara Tɛsalonaeka la. Noko yɛ Nyamenle ne manle yɛ akɛnrasesebɛ manle yɛhanle Edwɛkpa ne mɔɔ vi ye ɛkɛ ne la yɛhilele bɛ wɔ mekɛ bɔbɔ mɔɔ ɛnee menli dɔɔnwo tia yɛ la.

1 Tɛs 5:25

Mediema, anrɛɛ bɛzɛlɛ bɛmaa yɛ.

2 Tɛs 3:1

Mediema, edwɛkɛ mɔɔ li amozi la a le kɛ, bɛzɛlɛ bɛmaa yɛ kɛ Awulae edwɛkɛ ne kɛdɛlɛ ndɛndɛ na ɔkɛli konim, kɛmɔ ɔyɛle ye wɔ bɛ nu la.

1 Tem 3:16

Yɛka yɛto gua kɛ nɔhalɛ, awozinli nu debie mɔɔ wɔ yɛ nyamenlezonlenlɛ ne anu la yɛ nwanwane: Ɔrale ewiade kɛ sonla, noko Sunsum nu a ɔle saanwu. Nyamenle soanvolɛma nwunle ye, bɛbɔle ɔ nwo nolo wɔ maanle maanle kɔsɔɔti anu. Ewiade amra amuala liele ye lile, na bɛvale ye bɛhɔle anwuma anyu

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:22

Eza kpondɛ dabelɛ sie me, ɔboalekɛ melɛ anyelazo kɛ Nyamenle badie bɛ muala bɛ nzɛlɛlɛ amaa meazia me nee bɛ aradɛnla.

Kɛlata mɔɔ bɛhɛlɛle bɛhɔmanle Hibuluma la 13:18

Bɛhɔ zolɛ bɛzɛlɛ bɛmaa yɛ. Yɛsi pi kɛ yɛ adwenle nu le wienyi, ɔboalekɛ yɛkpondɛ kɛ dahuu yɛyɛ mɔɔ le kpalɛ la.