Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:17 - BAEBOLO ANZƐƐ BULUKU NWUANZANWUANZA

¹⁷ Bɛva ngoanelielɛ ahyɛlɛdeɛ ne bɛyɛ bulalɛ kyɛlɛ bɛzoa na bɛva Nyamenle Edwɛkɛ ne kɛ konle dadeɛ mɔɔ Sunsum ne fa maa la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:17 ပူးပေါင်းရင်းမြစ်များ

2 Sam 22:36

O Ɛdɛnkɛma, wɔva wɔ ngoanelielɛ enyinlike ne wɔwowa me, wɔ moalɛ ne ɛmaa meyɛ sonlakpole.

Ayezaya Buluku ne 49:2

Ɔmanle me nloa edwɛkɛ yɛle nla kɛ konle dadeɛ, ɔvale me ɔveale ye tumi bo; ɔmanle menyɛle kɛ ɛda baka, ɔvale me ɔveale ye boa nu.

Ayezaya Buluku ne 59:17

Ɔvale tenleneyɛlɛ ɔyɛle akɛnrazo enyinlike, na ɔvale ngoanelielɛ ɔyɛle kyɛlɛ ɔzoale, ɔvale nzenralɛlilɛ ɔyɛle ɛdanlɛ ɔhedale, na ɔvale ɛya kpole ɔyɛle aguzo ɔkyekyele ɔ nwo.

Hozia Buluku ne 6:5

Yemɔti memaa me kpɔmanvolɛma ɛpɛ bɛ ɛgua. Meva me nloa edwɛkɛ mehu bɛ, yɛɛ me ndɛnebualɛ ne le wienyi;

Zɛkalaya Buluku ne 4:6

Na ɔzele me kɛ, “Edwɛkɛ mɔɔ Ɛdɛnkɛma ɛlɛka ahile Zɛlubabɛle la ɛne: Tɛ anwosesebɛ anzɛɛ tumi, na me Sunsum ne yɛɛ ɛbava wɔali konim a, medame Tumivolɛ Ɛdɛnkɛma a mese a.

Edwɛkpa ne kɛmɔ Mateyu hɛlɛle la 4:4

Gyisɛse buale kɛ, “Bɛhɛlɛ ye kɛ, ‘Tɛ aleɛ ngome a sonla di a ɔnyia ngoane a, na Nyamenle anloa edwɛkɛ biala maa ngoane.’ ”

Edwɛkpa ne kɛmɔ Mateyu hɛlɛle la 4:7

Gyisɛse buale ye kɛ, “Eza bɛhɛlɛ kɛ, ‘Mmasɔ Awulae wɔ Nyamenle ne ɛnea.’ ”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:26

Ɔyɛle ɛhye na ɔvale ɔ nloa edwɛkɛ nee nzule ɔnrinzinle nwolɛ bɔkɔɔ na ɔdele nwolɛ;

1 Tɛs 5:8

Na yɛmɛ, yɛle alehyenlɛ nu amra, yemɔti bɛmaa yɛzie yɛ nye gyɛlɛmgbɛɛnye na yɛva diedi nee ɛhulolɛ yɛyɛ bulalɛ enyinlike yɛbutu yɛ kɛnra azo, na yɛva yɛ ngoane ɛnyianlɛ nwo anyelazo yɛhakyi bulalɛ kyɛlɛ yɛzoa.

Kɛlata mɔɔ bɛhɛlɛle bɛhɔmanle Hibuluma la 4:12

Nyamenle Edwɛkɛ ne gyi zo na ɔyɛ se, ɔyɛ nla ɔtɛla dadeɛ anye nwiɔ biala. Ɔpɛ to, ɔdua ɛkɛla nee sunsum ayia zo, ɔgya mbowule agbɔkɛ nee mbowule ɛnlome ɛweɛne na ɔfede adwenle nee ahonle nu ɔnwu bɛ nzuzulɛ muala.

Kɛlata mɔɔ bɛhɛlɛle bɛhɔmanle Hibuluma la 6:5

bɛze ye bɔkɔɔ kɛ Nyamenle Edwɛkɛ ne le kpalɛ, yɛɛ bɛnwu kɛ tumi ne mɔɔ bara la ɛzulolɛ si de la, noko bɛgyakyi bɛ diedi ne anu.

Yekile 1:16

Ɔlɛ nwɔlɔra nsuu ɔ sa fema ne anu, yɛɛ dadeɛ anye nwiɔ mɔɔ yɛ nla kɛ wowole la zia ɔ nloa anu. Ɔ nyunlu maanle ne ta kɛ ewia henlema sɛnzɛne.

Yekile 12:11

Yɛ mediema ne mɔ ɛlua Boaneralɛ ne mogya ne azo nee nɔhalɛ edwɛkɛ ne mɔɔ bɛlile nwolɛ daselɛ la azo ɛli ɔ nwo zo konim, ɔluakɛ bɛanzulo kɛ bɛkɛva bɛ ngoane bɛkɛdo aze.

Yekile 19:15

Dadeɛ nlane zia ɔ nloa anu, na yemɔ yɛɛ ɔbava yeali maanle maanle kɔsɔɔti anwo zo konim a. Ɔbava tumi kpole yeazie bɛ, na yeahwihwi Nyamenle Bedevinli ne ɛya kpole ne mɔɔ wɔ ye nwanye melahyinli ne anu la yeagua.

Yekile 2:16

Yemɔti nu ɛ nwo! Saa wɔannu ɛ nwo a ɔnrɛhyɛ biala, mebara ɛ nwo lɔ, na meava dadeɛ ne mɔɔ zia me nloa anu la me nee menli zɔhane mɔ araho.

1 Sam 17:5

Ɔzo kɔbele kyɛlɛ, ɔwula kɔbele konle tɛladeɛ mɔɔ ye ɛnlomboɛ kɛyɛ kilo abulanlu nee ko;

1 Sam 17:58

Na Sɔɔlo bizale ye kɛ, “Kpavolɛ, ɛ ze a le nwane?” Devidi buale ye kɛ, “Wɔ sonvolɛ nrenya Gyɛsi mɔɔ vi Bɛtelɛhɛm la ara nrenya a le me.”