Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:14 - BAEBOLO ANZƐƐ BULUKU NWUANZANWUANZA

¹⁴ Zɔhane ati bɛziezie bɛ nwo bɛzie, bɛva nɔhalɛ bɛyɛ akyeso bɛhye; bɛva pɛlepɛlelilɛ bɛyɛ bulalɛ enyinlike bɛbutu bɛ kɛnra azo

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:14 ပူးပေါင်းရင်းမြစ်များ

2 Arl 3:21

Mɔɔ Mowabema dele kɛ arelemgbunli nsa ne ɛra nee bɛ baho la, bɛvɛlɛle awie biala mɔɔ kola konle tɛladeɛ wula la, ngakula nee mgbanyinli kɔsɔɔti na bɛzieziele bɛ kɛ bɛhɔ konle ne anloa.

Dwobu Buluku ne 29:14

Membule pɛlepɛlelilɛ tɛladeɛ menwulale, na me nɔhalɛlilɛ yɛle kɛ tɛladeɛ nee abɔtile.

Ayezaya Buluku ne 11:5

Ɔbava pɛlepɛlelilɛ yeayɛ akyeso yeahye ɔ nze zo, na yeava nɔhalɛlilɛ yeayɛ tabule mɔɔ hye ye avinli.

Ayezaya Buluku ne 59:17

Ɔvale tenleneyɛlɛ ɔyɛle akɛnrazo enyinlike, na ɔvale ngoanelielɛ ɔyɛle kyɛlɛ ɔzoale, ɔvale nzenralɛlilɛ ɔyɛle ɛdanlɛ ɔhedale, na ɔvale ɛya kpole ɔyɛle aguzo ɔkyekyele ɔ nwo.

Edwɛkpa ne kɛmɔ Luku hɛlɛle la 12:35

“Bɛziezie bɛ nwo bɛmaa debie biala mɔɔ kɛzi bɛ adenle nu la, na bɛmaa bɛ ahɛnlaneɛ ɛda

Wulo 13:12

Aledwolɛ ne asɛɛ ɛze, alehyenlɛ ɛbikye; zɔhane ati bɛmaa yɛgyakyi awozinli nu nyɛleɛ ne mɔ, na yɛva wienyi nu konle tɛladeɛ mɔɔ bamaa yɛahola ko la yɛwula.

2 Kɔl 6:7

yɛ nɔhalɛ nrɛlaleɛ ne, nee Nyamenle tumi ne azo yɛla yɛ nwo ali yɛhile kɛ yɛle Nyamenle sonvolɛma. Pɛlepɛlelilɛ a le yɛ konle dadeɛ mɔɔ yɛfa yɛko na yɛfa yɛpepɛ yɛdie yɛ nwo a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:9

Ɔluakɛ wienyi nu yɛɛ kpalɛyɛlɛ, pɛlepɛlelilɛ nee nɔhalɛlilɛ dɔɔnwo vi ba a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:13

Zɔhane ati bɛwula Nyamenle konle tɛladeɛ ne amuala, amaa saa kenle ɛtane ne ba a, bɛahola bɛagyinla kpɔvolɛ ne anyunlu, amaa mɔɔ konle ne kawie la ɛnee bɛgyi bɛ gyakɛ anu kpundii.

1 Tɛs 5:8

Na yɛmɛ, yɛle alehyenlɛ nu amra, yemɔti bɛmaa yɛzie yɛ nye gyɛlɛmgbɛɛnye na yɛva diedi nee ɛhulolɛ yɛyɛ bulalɛ enyinlike yɛbutu yɛ kɛnra azo, na yɛva yɛ ngoane ɛnyianlɛ nwo anyelazo yɛhakyi bulalɛ kyɛlɛ yɛzoa.

1 Pit 1:13

Zɔhane ati, bɛzie bɛ adwenle koonwu, bɛyɛ bɛ nye gyɛlɛmgbɛɛnye na bɛmaa bɛ nye ɛla nyilalɛ ne mɔɔ bɛbanyia ye wɔ mekɛ mɔɔ Gyisɛse Kelaese kɛra la azo.

Yekile 9:17

Wɔ yekile ne anu, menwunle sogyama ne mɔ kɛ bɛdede mgbɔnwɔ ne mɔ azo, na kɛ bɛde la ɛne: bɛwulowula mbulalɛ akɛnrazo enyinlike mɔɔ le woonwu kɛ senle, buluwu kɛ “safaya”, yɛɛ guanye kɛ sɔlefa la. Mgbɔnwɔ ne mɔ ati le kɛ awenade ti, na senle, esike, yɛɛ sɔlefa vi bɛ nloa anu finde.

Yekile 9:9

Bɛ nwo abonle ne le kɛ asɛɛ bɛwula mbulalɛ adɛladeɛ la na saa bɛtu a bɛ ndɛba anu su kɛ mgbɔnwɔ mɔɔ ɛlɛtwili ehwili ahɔho la.