Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:8 - BAEBOLO ANZƐƐ BULUKU NWUANZANWUANZA

⁸ Dɛba ne ɛnee bɛwɔ awozinli nu, na ɛnɛ bɛyɛ Awulae menli; ɛhye ati bɛwɔ wienyi nu. Ɔwɔ kɛ bɛbɔ bɛ ɛbɛla kɛ menli mɔɔ wɔ wienyi nu la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:8 ပူးပေါင်းရင်းမြစ်များ

Edwɛndolɛ Buluku ne 74:20

Kakye wɔ ngyekyeleɛ ne, ɔluakɛ ahɔdiawu ɛhɔ nzia wɔ azɛlɛ ye azo ahodoka anu awozinli ne mɔ anu.

Ayezaya Buluku ne 2:5

O Gyekɔbo abo zo amra, bɛrɛla bɛmaa yɛlua Ɛdɛnkɛma wienyi ne anu.

Ayezaya Buluku ne 42:16

“Mebahile anyenzinliravolɛma adenle, wɔ adenle mɔɔ bɛdabɛ bɛnze la anu, adenle mɔɔ bɛtɛfale zolɛ ɛlɛ la azo yɛɛ mebava bɛ mealua a. Mebamaa awozinli ne mɔɔ wɔ bɛ nyunlu la ayɛ wienyi, na ɛleka ahuhunduu ne mɔ ayɛ azɛlɛ sɛsɛ. Ninyɛne mɔɔ mebayɛ la ɛne, yɛɛ menrɛkpo bɛ.

Ayezaya Buluku ne 49:6

“Ɔnyɛ se kɛ ɛkɛyɛ me sonvolɛ, na ɛkɛva Yizilayɛma mɔɔ ɛha la ɛkɛzie bɛ gyinlabelɛ dɛba ne. Mebamaa wɔayɛ maanle maanle ne mɔ kɛnlaneɛ, amaa me ngoanelielɛ ne adwu ewiade ɛleka biala.”

Ayezaya Buluku ne 49:9

mebaha meahile pilizama kɛ, ‘Bɛraze bɛhɔ’ mebaze menli mɔɔ de awozinli nu la kɛ, ‘Bɛrɛla wienyi nu.’ Bɛbadidi adehane ne mɔ, yɛɛ awoka ne mɔ azo bayɛ bɛ adidileka.

Ayezaya Buluku ne 50:10

Nwane a wɔ bɛ avinli mɔɔ sulo Nyamenle, na ɔyɛ tieyɛ ɔmaa ye sonvolɛ ne, mɔɔ lua awozinli nu na ɔnlɛ kɛnlaneɛ, noko ɔ rɛle wɔ Ɛdɛnkɛma anu, na ɔfa ɔ nwo ɔmaa ye Nyamenle ne la?

Ayezaya Buluku ne 9:2

Menli ne mɔɔ luale awozinli nu la ɛnwu wienyi kpole bie; bɛdabɛ mɔɔ bɛdɛnlanle awozinli kabii azɛlɛ zo la, wienyi ɛda bɛ nwo zo.

Gyɛlɛmaya Buluku ne 13:16

Bɛwula Ɛdɛnkɛma bɛ Nyamenle ne anyunlunyia kolaa na yeamaa awozinli ava bɛ, na bɛandu koti wɔ awoka ne mɔ azo, amaa saa bɛkpondɛ wienyi a yeangakyi awozinli kabii.

Edwɛkpa ne kɛmɔ Mateyu hɛlɛle la 3:8

Bɛbɔ ɛbɛla kpalɛ mɔɔ kile kɛ bɛnlu bɛ nwo la.

Edwɛkpa ne kɛmɔ Mateyu hɛlɛle la 4:16

Bɛmɛ mɔɔ bɛde awozinli nu la, bɛbanwu wienyi kpole bie! Bɛmɛ mɔɔ bɛde ewule alubo nu la, wienyi bada bɛ nwo zo.”

Edwɛkpa ne kɛmɔ Luku hɛlɛle la 1:79

ye wienyi ne bada bɛdabɛ mɔɔ bɛde awozinli nu nee bɛdabɛ mɔɔ bɛlɛkɔ ewule nu la anwo zo, na yealie yɛ yeava anzonudwolɛ adenle ne azo.”

Edwɛkpa ne kɛmɔ Luku hɛlɛle la 16:8

“Na nrenya sukoavolɛ ne hanvole gyaneavolɛ anyebolo ne wɔ ye nrɛlɛbɛ mɔɔ ɔbɔle ɔyɛle ye alane gyima ne la anwo, ɔluakɛ ɔnwunle kɛ ɛtane ewiade ye anu amra ze awule nwo nrɛlɛbɛ fa yɛ nwule ninyɛne nea bɛ nwo tɛla wienyi nu amra.”

Dw 1:9

Edwɛkɛ ne a le nɔhalɛ wienyi ne mɔɔ ta menli kɔsɔɔti anwo zo na ɔba ewiade la.

Dw 12:35

Gyisɛse buale kɛ, “Wienyi ne nee bɛ badɛnla mekɛ ekyi. Yemɔti bɛva wienyi ne bɛhɔdwu, amaa awozinli anva bɛ, ɔluakɛ mɔɔ dua awozinli nu la ɛnnwu ɛleka mɔɔ ɔlɛkɔ la.

Dw 12:36

Zɔhane ati bɛlie wienyi ne bɛli wɔ mekɛ mɔɔ ɔ nee bɛ de la, amaa bɛayɛ wienyi nu menli.” Gyisɛse hanle ɛhye la, ɔhɔveale.

Dw 12:46

Mera kɛ mame a mele ewiade wienyi ne a, amaa mɔɔ kɛlie me kɛli la anga awozinli nu.

Dw 8:12

Gyisɛse dendɛle hilele Falasiima ne bieko kɛ, “Mame a mele ewiade wienyi ne a. Awie biala mɔɔ kɛdoa me bo zo la kɛnyia ngoane nu wienyi ne, ɔnrɛlua awozinli nu ɛlɛ.”

Ɛzoanvolɛma Gyima ne 17:30

Nyamenle bule ɔ nye guale zo wɔ mekɛ mɔɔ ɛnee menli ɛnze la. Kɛkala, ɔlɛka yeahile menli kɔsɔɔti mɔɔ wɔ ɛleka biala la kɛ bɛnlu bɛ nwo wɔ bɛ ninyɛndane nwo.

Ɛzoanvolɛma Gyima ne 26:18

Mesoa wɔ, amaa wɔahɔbuke bɛ nye na wɔahwe bɛ wɔavi awozinli nu nee Seetan tumi ne abo wɔara wienyi nu nee Nyamenle ɛkɛ, amaa ɔlua bɛ diedi mɔɔ wɔ me nu la azo bɛanyia ɛtanefakyɛ na bɛanyia ɛleka wɔ Nyamenle menli ne mɔɔ yekpa nu yeye bɛ la avinli.’

Wulo 1:21

Bɛze Nyamenle, noko bɛnva enililɛ mɔɔ fɛta la bɛmmaa ye kɛ ɔle Nyamenle, yɛɛ bɛnva moyɛlɛ bɛmmaa ye. Adwenle mgbane mgbane yɛɛ bɛfa a, yɛɛ awozinli ɛyi bɛ adwenle ne mɔ mɔɔ nrɛlɛbɛ ɛnle nu la tetɛkɛɛ.

Wulo 13:12

Aledwolɛ ne asɛɛ ɛze, alehyenlɛ ɛbikye; zɔhane ati bɛmaa yɛgyakyi awozinli nu nyɛleɛ ne mɔ, na yɛva wienyi nu konle tɛladeɛ mɔɔ bamaa yɛahola ko la yɛwula.

Wulo 2:19

ɛze ye wienyi kɛ wɔmɔ a ɛle anyenzinliravolɛma adekilevolɛ a, ɛle kɛnlaneɛ ɛmaa menli mɔɔ lua awozinli nu la,

1 Kɔl 1:30

Nyamenle ɛva bɛ nee Kelaese Gyisɛse ɛbɔ nu, na yemaa Kelaese ɛrayɛ yɛ nrɛlɛbɛ. Ɔ nwo zo yɛɛ yɛlua a yɛsɔ Nyamenle anye, yɛ nwo te na yɛyɛ alehelɛ a.

2 Kɔl 3:18

Bɛye yɛ muala yɛ nyunlu ndanlɛ ne mɔ a Awulae anyunlunyia ne bada alielie yɛ nyunlu. Anyunlunyia ɛhye mɔɔ vi Awulae, mɔɔ le Nyamenle Sunsum ne ɛkɛ la ɛlɛkakyihakyi yɛ yeamaa yɛayɛ ye sɔhovolɛ wɔ anyunlunyia mɔɔ bo zolɛ la anu.

2 Kɔl 4:6

Nyamenle ne mɔɔ zele kɛ, “Wienyi vi awozinli nu ɛda” la a le Nyamenle ko ne ala mɔɔ manle ye wienyi ne dale yɛ ahonle nu la, amaa yɛanwu Nyamenle anyunlunyia ne mɔɔ ɛlɛta Kelaese anyunlu la.

2 Kɔl 6:14

Bɛ nee bɛdabɛ mɔɔ bɛnlie Kelaese bɛnli la mmatu. Kɛ ɔkɛyɛ na kpalɛ nee ɛtane adila agɔnwolɛ ɛ? Kɛ ɔkɛyɛ na wienyi nee awozinli abɔ nu adɛnla ɛ?

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:25

Saa Nyamenle Sunsum ne ɛmaa yɛ ngoane a, ɛnee bɛmaa Sunsum ne ɛli yɛ nyunlu wɔ yɛ ɛbɛlabɔlɛ nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:2

Mekɛ ne anu bɛlile ewiade ye ɛbɛla mgbane mgbane ne mɔ anzi; bɛdiele anwomanyunlu tumivolɛma mɔɔ kɛkala sie bɛdabɛ mɔɔ bɛnzonle Nyamenle la edwɛkɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:18

Menli zɔhane mɔ adwenle nu le awozinli, bɛnlɛ ndelebɛbo yɛɛ bɛmboka ngoane ne mɔɔ Nyamenle fa maa la anwo, ɔluakɛ bɛnze ɛhwee yɛɛ eza bɛ nzo yɛ se.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:2

Bɛmaa ɛhulolɛ ɛvinde bɛ ɛbɛlabɔlɛ nu, kɛmɔ Kelaese hulole yɛ na ɔdole ye ngoane aze ɔmanle yɛ ɔvale ɔyɛle azubɔlɛ evuanlɛ mɔɔ sɔ Nyamenle anye la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:12

Ɔluakɛ, tɛ menli a yɛ nee bɛ ɛlɛko a; sunsum nu tumivolɛma, ewiade arelemgbunli anzɛɛ maanlebuvoma, ewiade amra mɔɔ sie ɛnɛ mekɛ ye awozinli nu amra, yɛɛ sunsum nu anwuma ɛlɔnema amumuyɛ yɛɛ yɛ nee bɛ ɛlɛko a.

Kɔlɔ 1:12

na bɛava fɛlɛkolilɛ bɛayɛ Selɛ ne mɔɔ ɛmaa bɛfɛta kɛ bɛ nee ye menli ne kɛbɔ nu kɛdɛnla ye wienyi ne anu la mo.

Kɔlɔ 1:13

Nyamenle ɛlie yɛ ɛvi awozinli nu tumi ne mɔ abo, yeva yɛ yera ɔ Ra kulovolɛ ne belemgbunlililɛ ne abo,

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:3

Ɔluakɛ ɛnee anrɛɛ yɛdayɛ noko yɛle ahɔnwɔne, tufoande, yɛɛ yɛminlinle. Yɛyɛle ngɛkɛlɛ yɛmanle nwonane nu atiakunluwɔzo nee anyelielɛ ngakyile kɔsɔɔti; yɛbɔle yɛ ɛbɛla ne atiakunlutane nee anyebolo nu; menli kpɔle yɛ yɛɛ yɛdayɛ noko yɛkpɔle yɛ nwo ngoko ngoko.

1 Dw 1:7

Na saa yɛdua wienyi nu, kɛmɔ Nyamenle de wienyi nu la a, ɛnee yɛle agɔnwolɛma, na ɔ Ra Gyisɛse mogya ne mɔɔ ɔhwinle ɔguale la te yɛ nwo fi ɛtane biala anwo.