Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:6 - BAEBOLO ANZƐƐ BULUKU NWUANZANWUANZA

⁶ Bɛmmamaa awie fa adubɛnloanu bɛlɛbɛla bɛ; ɔboalekɛ ɔlua ninyɛne zɛhae mɔ ati yɛɛ Nyamenle ɛya ne ba menli mɔɔ ɛndie ye edwɛkɛ la anwo zo a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:6 ပူးပေါင်းရင်းမြစ်များ

2 Arl 18:20

Ɔbizale kɛ, “Ɛnee bɛdwenle kɛ bɛfa bɛ nloa a bɛko a? Saa bɛte Aselea belemgbunli anwo atua a nwane bɔbɔ yɛɛ kɛlie bɛ a?

Edwɛndolɛ Buluku ne 78:31

Nyamenle vale bɛ nwo ɛya, na ɔhunle bɛ nuhua mɔɔ anwo yɛ se kpalɛ la, na ɔmanle Yizilayɛ ɛlɔnema anwo hanle aze.

Gyɛlɛmaya Buluku ne 27:9

Yemɔti bɛmmatie bɛ Nyamenle kpɔmanvolɛma, bɛ menli mɔɔ tendɛ nwomenle nloa azo, bɛ menli mɔɔ ka ɛlalɛ, bɛ menli mɔɔ bɔ munzule anzɛɛ bɛ menli mɔɔ bɔ bayivolɛ ɛbɛla mɔɔ ɛlɛka ahile bɛ kɛ, ‘Bɛmmasonle Babelonia belemgbunli ne’ la.

Gyɛlɛmaya Buluku ne 29:31

“Gyɛlɛmaya, soa maa bɛhɔze menli mɔɔ bɛhye bɛ bɛhɔ nlɔnu la kɔsɔɔti kɛ, ‘Edwɛkɛ mɔɔ Ɛdɛnkɛma ɛha ye wɔ Nihɛlamenli Hyɛmaya anwo la ɛne: Kɛmɔ meanzoa Hyɛmaya na yeva me duma yeha adalɛ Nyamenle nrɛlaleɛ yemaa bɛlie bɛli la ati,

Gyɛlɛmaya Buluku ne 37:9

Medame Ɛdɛnkɛma, mese: Bɛmmabɛlɛbɛla bɛ nwo bɛdwenle kɛ Babeloniama ne mɔ ɛnrɛra; bɛbara.

Maeka Buluku ne 3:5

Nyamenle kpɔmanvolɛma bɛlɛbɛla Nyamenle menli ne minli bɛ. Saa bɛnyia ye bɛdi a ɛnee bɛse, “Anzonudwolɛ!” Awie mɔɔ annyia bie ammaa bɛ la ɛnee bɛzo konle bɛdoa ye. Yemɔti kɛ Ɛdɛnkɛma se la ɛne,

Edwɛkpa ne kɛmɔ Mateyu hɛlɛle la 24:24

Ɔluakɛ Mɛzayama adalɛ nee Nyamenle kpɔmanvolɛma alane dɔɔnwo bara; bɛbayɛ nwanwane ninyɛne mgbole mɔɔ yɛ ɛzulolɛ la dɔɔnwo, na saa bɛyɛ na ɔkɛyɛ boɛ a, bɛava bɛabɛlɛbɛla Nyamenle menli ne mɔɔ di munli bɔbɔ la na bɛaminli menli dɔɔnwo diedi.

Edwɛkpa ne kɛmɔ Mateyu hɛlɛle la 24:4

Gyisɛse buale bɛ kɛ, “Bɛnlea boɛ na awie ambɛlɛbɛla bɛ amminli bɛ.

Edwɛkpa ne kɛmɔ Maake hɛlɛle la 13:22

Ɔluakɛ Mɛzayama nee Nyamenle kpɔmanvolɛma alane dɔɔnwo bara. Bɛbaye ngonyia, bɛayɛ nwanwane ninyɛne mgbole kɛ bɛfa bɛabɛlɛbɛla Nyamenle menli ne mɔɔ yekpa nu yeye bɛ la saa ɔkɛyɛ boɛ a.

Edwɛkpa ne kɛmɔ Maake hɛlɛle la 13:5

Gyisɛse zele bɛ kɛ, “Bɛnlea boɛ na awie ambɛlɛbɛla bɛ.

Wulo 1:18

Bɛhile bɛmaa yɛnwu kɛ Nyamenle ɛya ne vi anwuma bara bɛdabɛ mɔɔ bɛmbu Nyamenle na bɛfa bɛ ngunziyɛlɛ bɛkeda nɔhalɛ ne azo la anwo zo.

Kɔlɔ 2:18

Menli bie wɔ ɛkɛ mɔɔ bɛdie bɛdabɛ bɛ ngome bɛ nwo bɛdi, bɛdwenle anwoazehanlɛ nee anwuma soanvolɛma ɛzonlenlɛ nwo, na bɛfa ye kɛ ɛnyelɛzodeɛnwunlɛ le debie mɔɔ hyia tɛla zolɛ; menli zɛhae mɔ fa bɛ ewiade adwenle ne tu bɛ nwo mɔɔ ndelebɛbo biala ɛnle nu a. Bɛmmamaa menli zɛhae mɔ adenle bɛmaa bɛsɛkye bɛ adwenle, kɛ asɛɛ mɔɔ bɛmɛ bɛlɛyɛ la bɛnyɛ ye boɛ.

Kɔlɔ 2:4

Meka ɛhye meahile bɛ: bɛmmamaa awie fa ɔ nloa anu menlemenle yɛ bɛ koasea.

Kɔlɔ 2:8

Bɛnlea boɛ na awie anva mɛlɛbɛla nee adalɛ nrɛlɛbɛ mɔɔ bɛlua ewiade amaamuo zo bɛhyehyɛ, nee mɔɔ vi awozinli ewiade ye sunsum nu tumima ɛkɛ ne na ɔnvi Kelaese ɛkɛ ne la anyɛ bɛ ngɛkɛlɛ.

Kɔlɔ 3:6

Ninyɛne ɛhye mɔ ati Nyamenle ɛya ne bara bɛdabɛ mɔɔ bɛandie ɔ ne la anwo zo.

2 Tɛs 2:3

Bɛmmamaa awie biala bɛlɛbɛla bɛ wɔ adenle biala anu. Ɔluakɛ Kenle ne ɛnrɛra kyesɛ “Atuadelɛ” ɛra zolɛ kpalɛ na mɛladonlɛ ɛhakyi ɔ nwo “Amumuyɛnli” ne mɔɔ bɛbabua ye ewule fɔlɛ la ɛra.

Kɛlata mɔɔ bɛhɛlɛle bɛhɔmanle Hibuluma la 13:9

Bɛmmamaa ngilehilelɛ ngakyile biala twe bɛ fi adenle kpalɛ ne mɔɔ bɛlua zo la azo. Ɔle kpalɛ kɛ yɛkɛmaa Nyamenle ɛlolɛ ne kɛmaa yɛ ɛkɛla nwo kɛyɛ se tɛla kɛ yɛkɛli aleɛ nwo ngyehyɛlɛ zo la, ɔluakɛ bɛdabɛ mɔɔ bɛlile ngyehyɛlɛ zɛhae mɔ anzi la, yeamboa bɛ.

Kɛlata mɔɔ bɛhɛlɛle bɛhɔmanle Hibuluma la 3:19

Ɛhye maa yɛnwu kɛ bɛandwu ɛleka ne, ɔboalekɛ bɛanlie bɛanli.

1 Pit 2:8

Eza Nyamenle Edwɛkɛ ne bie se, “Ɛhye le bolɛ mɔɔ bamaa menli adu koti a; ɔle bodane mɔɔ bamaa bɛadu bɛagua a.” Bɛtu koti, ɔboalekɛ bɛnlie edwɛkɛ ne bɛnli; Nyamenle ngyehyɛlɛ ne kɛ de la ɛne.

1 Dw 4:1

Ayi mɔ, bɛmmadie sunsum ne mɔ amuala bɛdi, bɛzɔ bɛ bɛnlea na bɛnwu sunsum ne mɔɔ vi Nyamenle ɛkɛ ne la. Ɔluakɛ Nyamenle kpɔmanvolɛma adalɛ dɔɔnwo ɛdwazo ewiade ye anu.